Yohane 8:7 - AHYERƐLƐ KRONGRON

⁷ Na begu so bebisabisa ye dwirɛ nen, ɔtengyɛle ye nu sele bɛ kyɛ, “Ɛmɔ nu ko bɔ bɔne nne ye nwo ne, maa oli moa ɔto nyɔboɛ bɔ ye.”

Yohane 8:7 Iomraidhean Croise

Anyandera 12:18

Edwudwolɛ fumfum kora pura sona kyɛ ngrandɛ, nakoso nworɛniɛ ye noa dwirɛ de, ɔsa anwonyerɛ.

Yeremia 23:29

Me dwirɛ ne, aso ɔtte kyɛ see? AWURADE noa dwirɛ ɛne. Anaa ɔtte kyɛ bɔsobaka bɔ obubu nyɔbotaen nu ɔ?

Yohane 7:46

Na asomvoɛ nemɔ buale kyɛ, “Sona biala nne berɛ bɔ wadwudwo kyɛ biaa he ɔ le!”

Yohane 8:10

Na Yesu tengyɛle ye nu ne, wannwu ebiala te kyɛ braa ne angome, na osele ye kyɛ, “Mmobraa, wɔ kwaadubɔlɛfoɛ nemɔ, bɛwɔ nisua? Ebiala ammua wɔ foɛ anaa?”

Yohane 8:8

Na okunduni berɛ bieku fale ye sa mmɛseka hyerɛle aseɛnwo berɛ.

Kolosefoɛ 4:6

Ɛ́mɔma ɛmɔ noa dwudwolɛ yɛ fɛ kyɛ ngyee, amaa ɛmɔanwu mmuayɛɛ paa bɔ ɔsɛ kyɛ ɛmɔfa bebua ebiala ɔ.

Nyekyire 1:16

Né otira nzramaa nzoo wɔ ye sa famaa nu, na sɛpɔ nnaennaen fili ye noa nu fitele, na ye nyunu te kyɛ eyia bɔ ɔbɔ gyireingyirein ɔ.

Nyekyire 19:15

Na ngrandɛ nnaennaen bie bɔ ɔkɔfa kɔbobɔ maen maen ɔ ofili ye noa nu fitele, na ye yeɛ ɔkɔfa buralɛ pɔmaa koli bɛ so ɔ. Na ye yeɛ otiatia Tuminiɛ Nyameɛ ye ahonehulɛ suronyisuronyi kumaa bɔ betwi nzaa nu ne aso ɔ.

Nyekyire 2:16

Yiti sakyera w’adwene! Na sɛ anyɔ sɔ a, ngɔwa wɔ so ndɛndɛ, na ngɔfa me noa nu ngrandɛ ne me ne bɛ yɛkɔho.