Yohane 8:6 - AHYERƐLƐ KRONGRON

⁶ Bɛhane ɛhe bɛfa besuale ye ngaen, kyɛbɔ bekonya edwirɛ bie bɛkɔfa bɛkɔbɔ ye kwaadu ɔ. Na Yesu kunduni berɛ, na ɔfale ye sa mmɛseka hyerɛhyerɛle aseɛnwo berɛ.

Yohane 8:6 Iomraidhean Croise

Gyenesise 49:9

Yuda te gyata akrɔngrɔma, bɔ eku ngaka di ná esa bada wɔ boso ɔ. Okunduni, na obutuli berɛ kyɛ gyata, ɔte kyɛ gyata beleɛ; nwa yeɛ onzuro bɔ okotingye ye ɔ?

Edwein 39:1

Ngane kyɛ, “Ngɔnea m’atee bɔ nnate so ɔ yé, amaa mamva me noa mangekã edwirɛ bɔ ɔte bɔne ɔ; ngɔfa krado ngɔto me noa nu, wɔ aberɛ bɔ bɔnefoɛ begyigyi me nyunu ye.”

Anyandera 26:17

Sona bɔ ɔfa ye nwo wurawura edwirɛ bɔ ɔmva ye nwo nu ne, ɔte kyɛ ebie bɔ ɔsɔ kyea bɔ ɔpɛ nu kɔ ɔ ye so nu ɔ.

Nworɛ Dwirɛhanɛniɛ 3:7

nikyee nu sunzualɛ le ye mmerɛ, yeɛ ye pombalɛ le ye mmerɛ, konnyɛlɛ le ye mmerɛ, yeɛ edwudwolɛ le ye mmerɛ,

Yeremia 17:13

Ao AWURADE, Yisrael anyelasoɛ! Ebiala bɔ ɔpo wɔ ne, ye nyunu kogua ase; bɛ bɔ bɛkakyi bɛ si bɛma me ne, bɛkɔhyerɛ bɛ dumaa wɔ aseɛ so, ofikyɛ bapo AWURADE bɔ ɔte ngoa asue ti ne.

Daniel 5:5

Mvum nu, sona sa mmɛseka fitele berɛ, na ɔhyerɛle ɛhene n’ahemvie berɛ terɛ bɔ bama ye nwo ne anwo, wɔ kanea bakaa ne nyunu berɛ, na ɛhene ne nwuni asaa bɔ né ɔkyerɛ ne.

Amose 5:10

Bekyi bɔ ɔtengyɛtengyɛ mmenia wɔ nekaa bɔ bedi dwirɛ ɔ, bɛpɔ bɔ ɔkã nahorɛ ɔ.

Amose 5:13

Ɔnate sɔ ati, nworɛfoɛ komua bɛ noa wɔ sɔ mmerɛ ne anu, ofikyɛ ɔte mmerɛ tɛɛ.

Numeri 14:22

mmenia ye mɔ bɔ banwu m’animnyam ne nzɛngyerɛnneɛ bɔ nyɔle ye wɔ Misraim ɛserɛ ne aso, nakoso baso me banea pɛen buru, ná bandie me dwirɛ ne,

Mateo 10:16

“Ɛ́mɔtie! mésoma ɛmɔ kyɛ mmoaen maa ɛmɔkɔ mbataku nu. Yiti ɛ́mɔma ɛmɔ nye la berɛ kyɛ ewoo, ná ɛ́mɔbrɛ ɛmɔ nwo ase kyɛ mmubure.

Mateo 15:23

Nakoso Yesu andɛ ye so. Na ye asuafoɛ nemɔ wale bɛɛsrɛle ye kyɛ, “Maa ɔhɔ, ofikyɛ ɔteatea nu di yɛ si!”

Mateo 16:1

Farasiifoɛ ne Sadusiifoɛ wale kyɛ bɛbaaso Yesu bɛnea, yiti besele ye kyɛ ɔyɔ sɛngyerɛnneɛ bɔ ofi nyameɛso ɔ ma bɛnea.

Mateo 19:3

Yeɛ Farasiifoɛ wale ye berɛ beesole ye bɛneane, na bebisale ye kyɛ, “Aso mmeraa ma ate kyɛ ɔnate edwirɛ biala so, ebie kora yira ɔye anaa?”

Mateo 22:18

Nakoso Yesu nwuni b’adwenemmɔne ne, na obuale kyɛ, “Ɛmɔ, nyaatwomfoɛ! Nzu ati yeɛ ɛmɔbaatetɛ me noa ɔ?

Mateo 22:35

na bɛ nu ko bɔ ɔte mmeraa nwo nimdeɛniɛ ɔ obisale Yesu dwirɛ fa suale ye ngaen kyɛ,

Mateo 26:63

Nakoso Yesu yɛle dinn. Yeɛ ɔsɔfo panyi paa ne sele ye kyɛ, “Mefa Nyameɛ teasefoɛ ne meta ndaen megua wɔ so kyɛ, sɛ wɔ ole Kristo ne, Nyameɛ Awa ne a, kã kyire yɛ.”

Marko 10:2

Yeɛ Farasiifoɛ wale ye berɛ kyɛ bɛbaatetɛ ye noa, na bebisale ye kyɛ, “Aso mmeraa ma ate kyɛ bienzua yira ɔye anaa?”

Marko 12:15

Nakoso Yesu nwuni bɛ nyaatwom nen, obisale bɛ kyɛ, “Nzu ati yeɛ ɛmɔbaatetɛ me noa ɔ? Ɛ́mɔfa denare ko bɛbrɛ me ma nnea.”

Marko 3:2

Na bɛtetɛle ye bɛneane sɛ ebiaa ɔkɔsa biaa ne anwonyerɛ afofikyẽa ne a, ná banya ye babɔ ye kwaadu.

Marko 8:11

Farasiifoɛ wale, na bɛhyɛle ye bo bɛfale edwirɛ bɛtetale Yesu. Ne bɛpena kyɛ beso ye bɛnea, yiti besele ye kyɛ ɔyɔ sɛngyerɛnneɛ bɔ ofi nyameɛso ɔ ma bɛnea.

Luka 10:25

Na yieee, mmeraa nwo nimdeɛniɛ bie dwɔso gyinane berɛ sole Yesu neane kyɛ, “Kyerɛkyerɛniɛ, nzu yeɛ nyɔ ná manya daa ngoa ɔ?”

Luka 11:16

Yeɛ ebiemɔ koso besole ye bɛneane, na bebisale nzɛngyerɛnneɛ bɔ ofi nyameɛso ɔ befili ye berɛ.

Yohane 8:2

Na aleɛ hyene ngyerɛmɔ tutututu ne, osa wale asɔneyɛɛ sua nu berɛ, na ɛlɔen ne amukoraa bɛwale ye berɛ, na ɔtenane ase yɛle ngyerɛkyerɛ hyirele bɛ.

1 Korintofoɛ 10:9

Nnɛmɔma yɛso Kristo yɛnea kyɛbɔ bɛ nu biemɔ yɔle ná ewoo kekale bɛ maa bewuwuli ne.