Yohane 8:48 - AHYERƐLƐ KRONGRON

⁴⁸ Yeɛ Yudafoɛ nemɔ buale ye kyɛ, “Aso nna nahorɛ yeɛ yahã ne anaa, kyɛ ɛte Samarianiɛ na ele sunzummɔne?”

Yohane 8:48 Iomraidhean Croise

Yesaya 49:7

AWURADE, Yisrael Defoɛ ne ye Krongronniɛ ne, ɔkã kyire bɔ bebu ye kra animtia, bɔ maen maen mɔ bekyi ye, bɔ ɔte maen mbanyi atianuserɛfoɛ bɛ somvoɛ ne kyɛ, “Ahemvo mɔ konwu ye bekodwɔso, atitirefoɛ koso, na bɛkɔfa bɛ nyunu bekobutu berɛ, ɔnate nahorɛniɛ AWURADE, Yisrael Krongronniɛ bɔ waneanea nu waye wɔ ne ati.”

Yesaya 53:3

Mmenia buli ye animtia, na bɛpole ye; ɔte sona bɔ ɔfale aworabɔlɛ nu ná onwuni yealɛ ɔ, bebuli ye animtia kyɛ sona bɔ mmenia nwu ye a bɛye bɛ nye bɛto buro ɔ, yeɛ yamva ye yanyɛ huu.

Mateo 10:25

Yiti sɛ suaniɛ yɛ kyɛ ye kyerɛkyerɛniɛ a, odi kyɛ ɔma ye nye sɔ; yeɛ akoaa koso sɛ ɔyɛ kyɛ ye mene a, odi kyɛ ɔma ye nye sɔ. Na sɛ bafrɛ awuro mene ne Beɛsebul de a, nzaade ɔkɔyɛ sɛɛ bɔ bɛngɔfa dumaa tɛɛ pee bɛngɔfrɛ ye awuro ama ɔ?

Mateo 10:5

Sɔ mmenia buru ne nyɔ nemɔ yeɛ Yesu somane bɛ ɔ, na ɔfale ahyɛdeɛ mane bɛ kyɛ, “Nnɛma ɛmɔkɔ Amaenmaensofoɛ nemɔ berɛ, yeɛ nnɛma ɛmɔkɔ Samariafoɛ kuro biala so;

Mateo 11:18

Yohane wale ne, onnidi, yeɛ ɔnno, na bɛnwa: ‘Ole sunzummɔne.’

Mateo 12:24

Nakoso Farasiifoɛ nemɔ tele sɔ dwirɛ nen, bɛhane kyɛ, “Sɔ biaa he, sunzummɔne mɔ panyi Beɛsebul tumi yeɛ ɔfa tutu sunzummɔne mɔ ɔ.”

Mateo 12:31

Ɛhe ati yeɛ mekã mekyire ɛmɔ kyɛ, bɛkɔfa bɔne ne musue dwirɛ amukoraa bɛkɔhyɛ mmenia, nakoso musue dwirɛ bɔ otia Sunzum ne de, bɛngɔfa ngɔhyɛ mmenia.

Mateo 15:7

Nyaatwomfoɛ! Odi sɔ kyɛ Yesaya hyɛle ngɔm fale ɛmɔ nwo kyɛ,

Yohane 1:19

Na adanzeɛ he yeɛ Yohane lili ɔ, mmerɛ bɔ Yudafoɛ bɛsomane asɔfo mɔ ne Lewifoɛ befili Yerusalem maa beebisale ye kyɛ, “Nwa ole wɔ?”

Yohane 10:20

Bɛ nu pee hane kyɛ, “Ole sunzummɔne, na wabɔ laen. Nzu ati yeɛ ɛmɔtie ye ɔ?”

Yohane 13:13

Ɛmɔfrɛ me Kyerɛkyerɛniɛ ne Awurade, na bɔ ɛmɔkã ne ɔte nahorɛ, ofikyɛ nde sɔ.

Yohane 4:9

Na Samarianiɛ braa ne sele ye kyɛ, “Ɛte Yudaniɛ, yeɛ me koso nde Samarianiɛ brasua, osi sɛɛ bɔ ɛsrɛ me dɔ nzue bɔ ɛkɔno ɔ?” Ɔhane sɔ, ofikyɛ né Yudafoɛ bɛ ne Samariafoɛ bɛnga.

Yohane 7:20

Na ɛlɔen ne buale kyɛ “Ele sunzummɔne! Nwa yeɛ ɔpena wɔ ku wɔ ɔ?”

Yohane 8:22

Yiti Yudafoɛ nemɔ hane kyɛ, “Ɔbaahu ye nwo anaa, bɔ yiti yeɛ ɔnwa, ‘Nekaa bɔ mékɔ ne, ɛmɔngɔhora ngɔwa berɛ’ ɔ?”

Yohane 8:52

Yeɛ Yudafoɛ nemɔ sele ye kyɛ, “Afei yeɛ yanwu kyɛ ele sunzummɔne ɔ. Abraham wuli, yeɛ ngɔmhyɛlɛfoɛ nemɔ koso bewuwuli ɔ, nakoso wɔ de ɛnwa, ‘Sɛ ebie di me dwirɛ so a, ongowu le.’

Romanfoɛ 15:3

Ofikyɛ Kristo koso wanyɔ bɔ ɔkɔma ye ngome ye nwo kɔtɔ ye ɔ, kyɛbɔ bahyerɛ kyɛ, “Bɛ bɔ bɛbɔle wɔ alapaa ne, b’alapaa ne waagua me so.”

Hebrifoɛ 13:13

Yiti ɛ́mɔma yɛhɔ ye berɛ wɔ asikyeleɛ ne asi dɔ ná ye animguaseɛ ne bie ɔha yɛ.

Yakobo 2:19

Yeɛ ede di kyɛ Nyameɛ te komapɛ? Ayɔ nikye, sunzummɔne mɔ po bede bedi, na bɛ nwo wosowoso bɛ.