Yohane 8:46 - AHYERƐLƐ KRONGRON

⁴⁶ Ɛmɔ nu nwa yeɛ obua me foɛ wɔ bɔne bie nwo ɔ? Na sɛ mekã nahorɛ ne a, nzu ati yeɛ ɛmɔnne me benni ɔ?

Yohane 8:46 Iomraidhean Croise

Mateo 21:25

Yohane asubɔlɛ ne, ofi nisua? Ofi nyameɛso anaa ofi mmenia berɛ?” Na bɛdwenedwenene ye nwo besisele bɛ nwo kyɛ, “Sɛ yɛkã kyɛ, ‘Ofi nyameɛso’ a, okobisa yɛ kyɛ, ‘Nzaade, nzu ati yeɛ ɛmɔanne ye banni ɔ?’

Marko 11:31

Na bɛdwenedwenene ye nwo besisele bɛ nwo kyɛ, “Sɛ yɛkã kyɛ, ‘Ofi nyameɛso’ a, okobisa kyɛ, ‘Nzu ati yeɛ ɛmɔanne ye banni ɔ?’

Yohane 14:30

Me ne ɛmɔ yɛngodwudwo pee ko, ɔnate kyɛ bɔ odi wiase he aso ne, ɔ́ba, na olle tumi biala wɔ me so.

Yohane 15:10

Sɛ ɛmɔdi m’ahyɛdeɛ so a, ɛmɔkɔtena me dɔ nu, kyɛbɔ mali me Baba ahyɛdeɛ so ná nde ye dɔ nu ne.

Yohane 16:8

Na ye de, sɛ ɔba a, ɔkɔma wiase konwu ye mvomsoɛ wɔ bɔne ne tenenee ne ndɛenbualɛ nwo.

Yohane 18:37

Yeɛ Pilato bisale ye kyɛ, “Yiti ɛte ɛhene ɛne?” Na Yesu buale kyɛ, “Wɔ yeɛ ɛkã kyɛ nde ɛhene ɔ. Me de, ɛhe ati yeɛ bɛwole me ɔ, na ɛhe ati yeɛ mawa wiase ɔ, kyɛ mebaali nahorɛ ne nwo adanzeɛ. Na ebiala bɔ ofi nahorɛ ne anu ne, otie me dwirɛ.”

Yohane 8:47

Ebiala bɔ ofi Nyameɛ nu ne, otie Nyameɛ dwirɛ. Na nikyee ti bɔ ɔmaa ɛmɔndie ne ole kyɛ, nna Nyameɛ nu yeɛ ɛmɔfi ɔ.”

Yohane 8:7

Na begu so bebisabisa ye dwirɛ nen, ɔtengyɛle ye nu sele bɛ kyɛ, “Ɛmɔ nu ko bɔ bɔne nne ye nwo ne, maa oli moa ɔto nyɔboɛ bɔ ye.”

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

Hebrifoɛ 4:15

Yɛ sɔfo panyi paa he de, ɔtte ebie bɔ ɔngora nnwu yɛ anwumvoin wɔ yɛ mmerɛyɛlɛ nu ɔ; na mmom ɔte ebie bɔ besole ye bɛneane wɔ atee biala so kyɛ yɛ ala, nakoso wanyɔ bɔne ɔ.

Hebrifoɛ 7:26

Yiti ɔsɔfo panyi paa bɔ ɔte sɔa yeɛ ɔfata kyɛ yɛnya ɔ. Ɔte krongron, mvomsoɛ anaa bɔne biala nne ye nwo, baye ye basie ahameɛ bafi bɔnefoɛ nu, na babɔ ye panyi paa wɔ nyameɛso.

1 Petro 2:22

Ye de, wanyɔ bɔne, biala, yeɛ ngondombo dwirɛ biala amvi ye noa.