Yohane 8:43 - AHYERƐLƐ KRONGRON

⁴³ Nzu ati yeɛ ɛmɔnde me dwirɛ bo ɔ? Ɔnate kyɛ ɛmɔngora bendie me dwirɛ.

Yohane 8:43 Iomraidhean Croise

Anyandera 28:5

Bɔnefoɛ nde pɛpɛɛpɛyɛlɛ bo, nakoso bɛ bɔ bɛpena AWURADE si atee ne de, bɛte ye mukoraa bo.

Yesaya 44:18

Mmenia sɔ ne, nimdeɛ abɔ bɛ, yeɛ b’adwene te nganga; ofikyɛ wama bɛ nye ne wamata, bɔ bennwu nikye ɔ; yeɛ wato b’adwene nu, bɔ bɛngora bennya ndeaseɛ ɔ.

Yesaya 6:9

Na osele kyɛ, “Kɔ, kɔhã kyire maen he kyɛ, “ ‘Etielɛ de ɛmɔtie, nakoso ɛmɔnde ye bo; ɛnealɛ de ɛmɔnea, nakoso ɛmɔnnwu ye.’

Yeremia 6:10

Nwa yeɛ ndwudwo ngyire ye mmɔ ye kɔkɔ maa otie ɔ? Nea, batuatua bɛ so, bɛngora bɛnde dwirɛ. Nea, AWURADE dwirɛ ne te ngorohoɛ dwirɛ ma bɛ; bɛ nye ngye ye nwo.

Hosea 14:9

Nwa yeɛ ɔse nworɛ bɔ ɔte edwirɛ hemɔ abo ɔ? Nwa yeɛ ye adwene nu pi bɔ ole bɛ nwo nimdeɛ ɔ? Ofikyɛ AWURADE atee tengyɛ, teneneefoɛ kɔfa so, nakoso mmeraatolɛfoɛ de, bekofi ase wɔ so.

Mika 4:12

Nakoso bɛ de, bɛnze AWURADE adwene, yeɛ bɛnde ye nhyehyɛleɛ bo, ofikyɛ ɔkɔboaboa bɛ noa kyɛ ɛmo bɔ bakyekye ye tire tire bagua nekaa bɔ bɛboro ɛmo ɔ.

Mateo 13:15

Ofikyɛ maen he b’adwene ala; bɛ so anu ayɛ se, yeɛ bamuamua bɛ nye. Wamma ye sɔ a, bɛ nye konwu nikye, bɛ so kɔte dwirɛ, bɛkɔfa b’adwene bɛkɔte ye bo, ná basa bawa me berɛ maa masa bɛ anwonyerɛ.’

Yohane 5:25

Nahorɛ nu paa, mekã mekyire ɛmɔ kyɛ, mmerɛ ne ɔ́ba, na wawa dada, bɔ awufoɛ bɛkɔte Nyameɛ Awa ne komvi, na bɛ bɔ bɛte ne, bekonya ngoa.

Yohane 5:43

Me Baba dumaa nu yeɛ mmale ɔ, nakoso ɛmɔnne me bɛndo nu; na sɛ ebie ba ye bɔbɔ ye dumaa nu a, ye de ɛmɔkole ye bɛkɔto nu.

Yohane 6:60

Na ye asuafoɛ nemɔ anu pee bɛtele sɔ dwirɛ nen, bɛhane kyɛ, “Ngyerɛkyerɛ he de, ɔyɛ se; nwa yeɛ ɔkɔhora kotie ɔ?”

Yohane 7:17

Sɛ ebie kuro kyɛ ɔyɔ ye apɛdeɛ a, okonwu ye kyɛ, ngyerɛkyerɛ ne ofi Nyameɛ berɛ, anaakyɛ mefa me bɔbɔ me tumi yeɛ medwudwo hɔ a.

Yohane 8:27

Bande ye bo kyɛ Baba ne nwo dwirɛ yeɛ né ɔkã kyire bɛ ɔ.

Yohane 8:33

Na bebuale ye kyɛ, “Abraham bosofoɛ ole yɛ; na yɛyyɛle ebiala ngoaa le. Ɔyɛle sɛɛ bɔ ɛkã kyɛ, ‘Ɛmɔkɔyɛ nnehyeɛ ɔ?’ ”

Yohane 8:39

Bebuale ye kyɛ, “Yɛ nana ole Abraham.” Na Yesu sele bɛ kyɛ, “Sɛ ɛmɔte Abraham nnomaa a, ahaa ɛmɔkɔyɔ bɔ Abraham yɔle ɔ;

Asomafoɛ 7:51

Na Setefano toale so hane kyɛ, “Yisraelfoɛ asoserɛfoɛ, ɛmɔapini b’ahone, yeɛ afei ɛmɔaprapra bɛ so asi wɔ Nyameɛ dwirɛ ne anwo. Ɛmɔte kyɛ ɛmɔ nana mɔ ala, bɔ dáa ɛmɔsi Sunzum Krongron ne ate ɔ!

Romanfoɛ 3:11

sona biala nne berɛ bɔ ole ndeaseɛ ɔ. Ebiala nne berɛ bɔ ɔpena Nyameɛ si atee ɔ.