Yohane 8:37 - AHYERƐLƐ KRONGRON

³⁷ Mese kyɛ ɛmɔte Abraham bosofoɛ, nakoso ɛmɔpena me beku me, ofikyɛ me dwirɛ ne onnya nekaa ndena wɔ ɛmɔ nu.

Yohane 8:37 Iomraidhean Croise

Mateo 13:15

Ofikyɛ maen he b’adwene ala; bɛ so anu ayɛ se, yeɛ bamuamua bɛ nye. Wamma ye sɔ a, bɛ nye konwu nikye, bɛ so kɔte dwirɛ, bɛkɔfa b’adwene bɛkɔte ye bo, ná basa bawa me berɛ maa masa bɛ anwonyerɛ.’

Mateo 3:9

Na nnɛma ɛmɔlakalaka ɛmɔ nwo bɛka kyɛ, ‘Abraham bosofoɛ ole yɛ’; na mekã mekyire ɛmɔ kyɛ, Nyameɛ kɔhora kɔkakyi nyɔboɛ hemɔ maa bɛkɔyɛ Abraham bosofoɛ.

Yohane 10:31

Yeɛ Yudafoɛ nemɔ sesale nyɔboɛ bieku kyɛ bɛkwaafa bɛboro ye.

Yohane 11:53

Yiti ofi sɔ kyẽa ne bɔ ɔkɔ ɔ, bɛbɔle porɛ kyɛ bekohu ye.

Yohane 5:44

Ɔkɔyɛ sɛ né ɛmɔale bali, ɛmɔ bɔ ɛmɔhyehyɛ ɛmɔ nwo ɛmɔ nwo animnyam, bɔ ɛmɔmbena animnyam bɔ ofi Nyameɛ komapɛ ne berɛ ɔ?

Yohane 7:1

Na ɛhemɔ asi ne, Yesu hyinini Galilea; wanguro kyɛ ɔkɔhɔ Yudea, ofikyɛ né Yudafoɛ nemɔ bɛpena ye beku ye.

Yohane 7:19

Aso Mose amva mmeraa ne wamma ɛmɔ? Nakoso ɛmɔ nu biala nni mmeraa ne aso. Nzu ati yeɛ ɛmɔpena me beku me ɔ?”

Yohane 7:25

Yeɛ Yerusalemfoɛ nemɔ bie hane kyɛ, “Aso nna biaa he yeɛ bɛpena ye beku ye ne?

Yohane 8:33

Na bebuale ye kyɛ, “Abraham bosofoɛ ole yɛ; na yɛyyɛle ebiala ngoaa le. Ɔyɛle sɛɛ bɔ ɛkã kyɛ, ‘Ɛmɔkɔyɛ nnehyeɛ ɔ?’ ”

Yohane 8:43

Nzu ati yeɛ ɛmɔnde me dwirɛ bo ɔ? Ɔnate kyɛ ɛmɔngora bendie me dwirɛ.

Yohane 8:56

Ɔyɛle ɛmɔ nana Abraham fɛ kyɛ né okonwu me kyẽa ne ɔ; onwuni ye, na ye nye gyele.”

Yohane 8:59

Yiti bɛsesale nyɔboɛ kyɛ bɛto bɛbɔ ye, na Yesu fale ye nwo feale, na ɔfale mmenia ne anu fili asɔneyɛɛ sua nu berɛ hɔle.

Yohane 8:6

Bɛhane ɛhe bɛfa besuale ye ngaen, kyɛbɔ bekonya edwirɛ bie bɛkɔfa bɛkɔbɔ ye kwaadu ɔ. Na Yesu kunduni berɛ, na ɔfale ye sa mmɛseka hyerɛhyerɛle aseɛnwo berɛ.

Asomafoɛ 13:26

“Aliɛmaa mɔ, Abraham bosofoɛ ne Amaenmaensofoɛ mukoraa bɔ besuro Nyameɛ ɔ, yɛ berɛ yeɛ Nyameɛ somane ngoalelɛ dwirɛ ne ɔ.

Romanfoɛ 9:7

Anaa nna Abraham bosofoɛ mukoraa yeɛ bɛte Abraham mma kaenn ɔ, ofikyɛ Nyameɛ ha hyirele Abraham kyɛ, “Ɔnate Yisake so yeɛ ekonya wɔ bosofoɛ ɔ.”

1 Korintofoɛ 2:14

Ebiala bɔ Nyameɛ Sunzum nne ye nu ne, onnya akyɛdeɛ bɔ befi Sunzum ne berɛ ne, ofikyɛ akyɛdeɛ ne te sɔ sona ne nye so ngwaseasɛm; yeɛ ɔngora nde bɛ bo koso, ofikyɛ Sunzum ne yeɛ ɔboka sona maa ɔte akyɛdeɛ ne bo ɔ.

1 Yohane 2:14

Ngya mɔ, mahyerɛ he mabrɛ ɛmɔ, ofikyɛ ɛmɔse bɔ né ɔwɔ berɛ ahyɛaseɛ ne. Mmerandeɛ mɔ koso mahyerɛ he mabrɛ ɛmɔ, ofikyɛ ɛmɔatindim, Nyameɛ dwirɛ ne te ɛmɔ nu, na ɛmɔali bɔnefoɛ ne so ngonim.