Yohane 8:34 - AHYERƐLƐ KRONGRON

³⁴ Yesu buale bɛ kyɛ, “Nahorɛ nu paa, mekã mekyire ɛmɔ kyɛ, ebiala bɔ ɔyɔ bɔne ne, ɔte bɔne akoaa.

Yohane 8:34 Iomraidhean Croise

1 Ahemvo 21:25

(Nahorɛ nu, ebiala nne berɛ bɔ otuli ye nwo siele berɛ yɔle bɔ ɔte bɔne wɔ AWURADE nyunu ɔ te kyɛ Ahabo, na ɔye Yesebɛl yeɛ né osi ye adua maa ɔyɔ bɔne ɔ.

Anyandera 5:22

Bɔnefoɛ ye bɔbɔ ye amumuyɛɛ yeɛ osua ye ngaen kye ye ɔ, na ye bɔne nyamaa yeɛ ɔkyekye ye ɔ.

Mateo 5:18

Nahorɛ nu, mekã mekyire ɛmɔ kyɛ, kɔpem kyɛ anwuro ne aseɛ kɔpɛ nu ɔ, mmeraa ne anu kaaba ko anaa kaaba pɔtrepɔɔ ko po ngofi nu, sana ye mukoraa awa nu koraka.

Yohane 3:3

Na Yesu buale ye kyɛ, “Nahorɛ nu paa, mekã mekyire wɔ kyɛ: Ebiala ngɔhora ngonwu Nyameɛ ahennie ne, sana bawo ye foforɛ.”

Asomafoɛ 8:23

Ofikyɛ manwu kyɛ wɔ nye boro nikyee paa, na ɛte bɔne akoaa.”

Romanfoɛ 6:12

Yiti nnɛmɔma bɔne di ɛmɔ nipadua so hene bɔ ɔkɔmaa ɛmɔkɔyɛ sotie kɔma ye akɔnnɔdeɛ ɔ.

Romanfoɛ 6:16

Ɛmɔnze kyɛ sona bɔ ɛmɔyɛ sotie bɛma ye ne, sɔ sona ne yeɛ ɛmɔte ye ngoaa ɔ, ɛmɔte ngoaa bɛma sona bɔ ɛmɔyɛ sotie bɛma ye ɔ, kyɛ bɔne bɔ ɔfa wɔ kɔ ewue nu oo, anaakyɛ sotie bɔ ɔfa wɔ kɔ tenenee nu oo?

Romanfoɛ 6:6

Yɛse kyɛ babɔ yɛ sona sue daa ne ne Kristo mmeamudua nu, kyɛbɔ yɛ bɔne nipadua ne kowu na yanyɛ bɔne ngoaa ko ɔ.

Romanfoɛ 7:14

Yɛse kyɛ mmeraa ne te sunzum nu nikye, na me de, nde anwoɔnaen, bɔ batɔne me bama bɔne ɔ.

Romanfoɛ 7:25

Mefa y’Awurade Yesu Kristo so meda Nyameɛ ase! Yiti m’adwene nu de, nde Nyameɛ mmeraa n’akoaa, nakoso me nwonaen nu de, nde bɔne akoaa.

Romanfoɛ 8:21

ofikyɛ abɔdeɛ ne bɔbɔ deinn, bɛkɔpepɛ bekole ye bekofi ngoaasolɛ porɔlowaa nu bɛkɔhɔ Nyameɛ mma fawɔnwodi animnyam ne anu.

Ɛfesofoɛ 2:2

bɔ daa ne, ɛmɔbɔle ɛmɔ bra kyɛbɔ wiase brabɔlɛ te ɔ, bɔ ɛmɔlili ewienu tumi panyi ne si, bɔ ɔte sunzum bɔ kekesaala ye odi dwumaa wɔ asoserɛfoɛ nu ne.

Tito 3:3

Ofikyɛ daa ne de, né yɛ koso yɛte ngwaseafoɛ, asoserɛfoɛ, bɛmaa yɛlili makyebu, yɛyɛle anwoɔnaen akɔnnɔ ne anigye ahoroɔ ngoaa, yɛfale nzɛmmɔne ne anyeboroborolɛ yɛbɔle yɛ bra, mmenia pɔle yɛ, na yɛ wora yɛpɔle bɛ.

2 Petro 2:19

Bɛfa fawɔnwodi bɛbɔ bɛ anohoba, wɔ aberɛ bɔ bɛ bɔbɔ bɛte prɔlowaa ngoaa ɔ. Ofikyɛ nikyee biala bɔ odi sona so ne, ye yeɛ sona ne te ye akoaa ɔ.