Yohane 8:32 - AHYERƐLƐ KRONGRON

³² na ɛmɔkonwu nahorɛ ne, na nahorɛ ne kɔyɛ ɛmɔ nnehyeɛ.”

Yohane 8:32 Iomraidhean Croise

Edwein 119:45

Ngɔnate bɔ hwee nha me ɔ, ofikyɛ mapena w’ahyɛdeɛ ne si atee.

Edwein 25:5

Di me nyunu maa nnate wɔ nahorɛ ne anu, ná kyirekyire me, ofikyɛ wɔ yeɛ ɛte me ngoadefoɛ Nyameɛ ɔ; wɔ yeɛ me nye la wɔ so daa biala ɔ.

Anyandera 1:23

Metwi ɛmɔ nyunu a, ɔsɛ kyɛ ɛmɔtie, ngɔhã m’ahone nu dwirɛ ngohyire ɛmɔ, na ngɔmaa ɛmɔkonwu me ti anu dwirɛ.

Anyandera 1:29

Ofikyɛ behyili nimdeɛ, banguro kyɛ bekosuro AWURADE,

Anyandera 4:18

Nakoso teneneefoɛ de, b’atee te kyɛ ngyerɛmɔ yia bɔ wapukye ɔ, na ɔbɔ toonn kodwu eyia ketee.

Yesaya 2:3

Na mmenia pee bɛkɔwa bɛkɔɔhã kyɛ, “Ɛmɔbra ma yɛfo yɛhɔ AWURADE bokaa ne aso, ɛ́mɔma yɛhɔ Yakob Nyameɛ awuro ne anu, amaa ɔnate so wahyirehyire yɛ ye atee ne, ná yanate ye atimbire ne aso.” Ofikyɛ Sion yeɛ mmeraa ne kofi kɔwa ɔ, na Yerusalem yeɛ AWURADE dwirɛ ne kofi kɔwa ɔ.

Yesaya 30:21

Na sɛ ɛmɔdi makyebu bɛkɔfa famaa anaa bɛen a, wɔ so kɔte edwirɛ bie wɔ wɔ si dɔ kyɛ, “Atee ne ɛhe, ɛ́mɔfa so!”

Yesaya 35:8

Atimbire kɔɔla berɛ, na bɛkɔto ye dumaa Atee Krongron. Sona bɔ ye nwo nde ne, ɔngɔfa so bie, atee ne kɔyɛ Nyameɛ mmenia bɛ deɛ, na ngwaseafoɛ po bengomini wɔ atee ne aso.

Yesaya 54:13

AWURADE kohyirehyire wɔ mma mukoraa nikye, na wɔ mma konya asomdwee pee.

Yesaya 61:1

AWURADE Nyameɛ Sunzum wɔ me so, ɔnate kyɛ AWURADE apopa me ngoo kyɛ nga nzɛmba ngyire bɛ bɔ bɛyɛ anwumvo ɔ; wasoma me kyɛ mmangyekye bɛ bɔ bɛ wora abɔ ɔ bɛ wora, kyɛ nga ngyire bɛ bɔ bahye bɛ nnure ɔ kyɛ banya fawɔnwodi, ɔne bɛ bɔ babɔ bɛ panwu ɔ kyɛ bayakyi bɛ;

Yeremia 6:16

Bɔ AWURADE kã hɔ ɛhe: “Ɛ́mɔgyina atee nemɔ aso, ná ɛ́mɔnea; ɛ́mɔbisa bɛ́pena tete atimbire nemɔ, nekaa bɔ atee paa ne la ne, ná ɛ́mɔfa so, amaa ɔnate so ɛmɔanya nwomelelɛ bama ɛmɔ kra. Nakoso bɛnwa, ‘Yɛngɔfa so.’

Hosea 6:3

Ɛ́mɔma yɛnwu ye, ɛ́mɔma yɛpere yɛpena AWURADE nwo nimdeɛ. Ye walɛ ne, osi pi kyɛ ngyerɛmɔ; na ɔkɔwa yɛ berɛ kyɛ esue, kyɛ bamborɔ bɔ ɔtɔ gua aseɛ so ɔ.”

Lewitikɔso 25:41

Na ɛhe asi ye, ɔne ye mma mɔ bekofi wɔ bo, bekosa bɛkɔhɔ b’abusua nu ná basa baafa bɛ nana mɔ agyapadeɛ.

Malaki 4:2

Nakoso ɛmɔ bɔ ɛmɔsuro me dumaa ne de, tenenee eyia bɔ anwonyerɛsalɛ wɔ ye ndaa nu ɔ okopukye kɔma ɛmɔ; na ɛmɔkofite bekohuru bɛkɔpepe kyɛ nandwie akrɔngrɔma mɔ bɔ babukye bɛ bafi bɛ tuin nu ɔ.

Mateo 11:29

Ɛ́mɔfa me kɔnnua ne bɛ́to bɛ nwo so, na ɛ́mɔsua me, ofikyɛ medwo na mebrɛ me nwo ase wɔ ahone nu, na ɛmɔkonya nwomelelɛ bɛkɔma ɛmɔ kra.

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Yohane 1:17

Mmeraa ne de, bɛnate Mose so yeɛ bɛfa bɛmane ɔ; na adom ne nahorɛ ne de, ɔnate Yesu Kristo so yeɛ bɛwale ɔ.

Yohane 14:6

Na Yesu buale ye kyɛ; “Me ole atee ne, nahorɛ ne, ɔne ngoa ne; ebiala mma Baba ne berɛ, sana ɔnate me so.

Yohane 16:13

Na sɛ ye, nahorɛ Sunzum ne, ɔba a, okohyire ɛmɔ atee kɔhɔ nahorɛ ne amukoraa nu. Ofikyɛ ɔngɔfa ye bɔbɔ ye tumi yeɛ okodwudwo ɔ, na mmom edwirɛ biala bɔ ɔkɔte ne yeɛ ɔkɔhã ɔ, na ɔkɔla nningyein bɔ bɛbaasisi ɔ ali kohyire ɛmɔ.

Yohane 17:17

Yɛ bɛ krongron wɔ wɔ nahorɛ ne anu; wɔ dwirɛ ne te nahorɛ.

Yohane 6:45

Bahyerɛ ye wɔ ngɔmhyɛlɛfoɛ nwomaa ne anu kyɛ, ‘Bɛ mukoraa bɛkɔyɛ mmenia bɔ Nyameɛ ahyirehyire bɛ ɔ.’ Ebiala bɔ wate, ná wasua wafi Baba ne berɛ nen, ɔba me berɛ.

Yohane 7:17

Sɛ ebie kuro kyɛ ɔyɔ ye apɛdeɛ a, okonwu ye kyɛ, ngyerɛkyerɛ ne ofi Nyameɛ berɛ, anaakyɛ mefa me bɔbɔ me tumi yeɛ medwudwo hɔ a.

Yohane 8:36

Yiti sɛ Baa ne ɔyɛ ɛmɔ nnehyeɛ a, ɛmɔkɔyɛ nnehyeɛ amba.

Romanfoɛ 6:22

Na kekesaala ye de, bale ɛmɔ bafi bɔne nu amaa ɛmɔayɛ Nyameɛ ngoaa. Ye so mvasoɛ bɔ ɛmɔnya ole kyɛ, ɛmɔayɛ krongron bɔ ye ayieleɛ ole daa ngoa.

Romanfoɛ 8:15

Ofikyɛ ɛmɔannya ngoaayɛlɛ sunzum bɔ ɔkɔmaa ɛmɔkosa bekosuro ɔ; na mmom baayɛlɛ Sunzum yeɛ ɛmɔanya ɔ, bɔ ɔmaa yɛtea nu kyɛ: “Abba! Baba!”

Romanfoɛ 8:2

Ofikyɛ Kristo Yesu nu ngoa Sunzum mmeraa ne, wapepɛ wale me wafi bɔne ne ewue mmeraa ne anu.

1 Korintofoɛ 7:22

Ofikyɛ ebiala bɔ né ɔte akoaa koraka yeɛ Awurade frɛle ye ne, wayɛ Awurade dehyeɛ. Sɔ ala yeɛ ebiala bɔ né ɔte dehyeɛ koraka yeɛ bɛfrɛle ye ne, wayɛ Kristo akoaa ɔ.

Galatiafoɛ 5:1

Kristo ama yɛ fawɔnwodi amaa yayɛ nnehyeɛ. Yiti ɛ́mɔgyina pindinn, na nnɛma ɛmɔfa ɛmɔ nwo bewura ngoaasolɛ nu ko.

Galatiafoɛ 5:13

Aliɛmaa mɔ, bafrɛ ɛmɔ bawa fawɔnwodi nu; yiti nnɛmɔma fawɔnwodi ne diedie ɛmɔ kɔ anwoɔnaen akɔnnɔ nu, na mmom ɛ́mɔfa ɔdɔ so bɛso bɛ nwo ngoko ngoko.

2 Timoteo 3:7

mmrasua bɔ bekuro kyɛ daa besua nikye, nakoso bɛngɔhora bengonwu nahorɛ ne le ɔ.

Yakobo 1:25

Nakoso sona bɔ ɔgyene ye nye nea fawɔnwodi mmeraa bɔ odi mu ne anu, ná ɔtena nu, ná wanyɛ tiefoɛ aworafireniɛ, na mmom odi so ɔyɔ nen, bekoyira ye wɔ bɔ ɔyɔ ɔ nu.

Yakobo 2:12

Yiti bɔ ɛmɔkã ne, ɛ́mɔyɔ sɔ, kyɛ mmenia bɔ bɛkɔfa fawɔnwodi mmeraa ne aso bekobua bɛ ndɛen ɔ.

1 Petro 2:16

Ɛ́mɔbɔ ɛmɔ bra kyɛ fawɔnwodifoɛ, nakoso nnɛma ɛmɔfa ɛmɔ fawɔnwodi ne bɛkatakata ɛmɔ nyunu bɛyɔ bɔ ɔte bɔne ɔ; na mmom ɛ́mɔbɔ ɛmɔ bra kyɛ Nyameɛ ngoaa.

2 Yohane 1:1

Krataa he fi me bɔ nde panyi berɛ. Mefa mebrɛ braa bɔ baneanea nu baye ye ne ɔne ye mma. Mekuro bɛ dwirɛ nahorɛ nu, na nna me ngome, na mmom mmenia mukoraa bɔ banwu nahorɛ ne wora bekuro bɛ dwirɛ,