Yohane 8:31 - AHYERƐLƐ KRONGRON

³¹ Yeɛ Yesu sele Yudafoɛ bɔ belele ye belili ne kyɛ, “Sɛ ɛmɔtira me dwirɛ ne anu a, ye de ɛmɔte m’asuafoɛ amba,

Yohane 8:31 Iomraidhean Croise

Mateo 24:13

Nakoso bɔ okotindim koodwu ayieleɛ nen, ye yeɛ bekole ye ngoa ɔ.

Yohane 1:47

Na Yesu nwuni kyɛ Nataneɛl ɔba ye berɛ nen, ɔhã fale ye nwo kyɛ, “Ɛ́mɔnea, Yisraelniɛ turoloo bɔ ngondombo biala nne ye nu ɔ!”

Yohane 2:2

Bɛtole bɛ sa bɛfrɛle Yesu ne ye asuafoɛ nemɔ maa bɛwale atɔmvorɛ ne abo bie.

Yohane 6:55

Ɔnate kyɛ me nwonaen te aleɛ amba, yeɛ me mogya te anonneɛ amba.

Yohane 8:36

Yiti sɛ Baa ne ɔyɛ ɛmɔ nnehyeɛ a, ɛmɔkɔyɛ nnehyeɛ amba.

Asomafoɛ 13:43

Na mmenia bɔ bɛwɔ nyianu sua ne anu ne, bɛpɔnone ná bɛpakyepakyele nu ne, Yudafoɛ pee ne Amaenmaensofoɛ pee bɔ basɔ Yudasom nu ɔ belili Pɔɔlo ne Banaba si; na asuafoɛ nyɔ ne tuli bɛ foɛ kyɛ bɛhɔ so bɛfa bɛ nwo bɛto Nyameɛ adom ne aso.

Asomafoɛ 14:22

na bɛhyɛle asuafoɛ nemɔ kra nguraen, betuli bɛ foɛ kyɛ bɛhɔ so begyina pindinn wɔ gyidie ne anu, na bɛhane kyɛ, ɔsɛ kyɛ yɛfa amaneɛnwunɛ pee nu yɛkɔ Nyameɛ ahennie nu.

Asomafoɛ 26:22

Nakoso Nyameɛ abɔ me nwo waen alaa maa waadwu ɛnɛ kyẽa ye; yiti yeɛ ɔmaa ngyi wa medi adanzeɛ mekyire mmenia mukoraa ɔ: atitire ne kwahweabaa mɔ. Na edwirɛ bɔ ngɔmhyɛlɛfoɛ ne Mose hã tole berɛ kyɛ okosi ne ala yeɛ mekã ɔ:

Romanfoɛ 11:22

Yiti ɔsɛ kyɛ enwu Nyameɛ ye anwumvoinnwunɛ ne ɔne ye anyeborolɛ ne. Ɔma ye nye boro bɛ bɔ bali makyebu ne aso; na wɔ de, Nyameɛ da ye paayɛlɛ ali kyire wɔ, nakoso sana ɛtena ye paayɛlɛ ne anu, na wamma ye sɔ de a, ɔkɔpɛ wɔ kɔto.

Romanfoɛ 2:7

Bɛ bɔ bemia bɛ nye bɛyɔ paa, na bɛpena animnyam, anidie ne daa ngoa nen, bɛ yeɛ Nyameɛ kɔma bɛ daa ngoa ɔ.

Kolosefoɛ 1:23

Nakoso ɔsɛ kyɛ ɛmɔsɔ gyidie ne anu serɛ na ɛmɔahora bagyina pindinn. Na afei ɔnzɛ kyɛ ɛmɔtwe bɛ nwo befi nzɛmba ne anu anyelasoɛ nwo, na ɛhe yeɛ ɛmɔtele, bɔ babɔ ye nwo dawure bahyire abɔdeɛ mukoraa wɔ wiase, bɔ me Pɔɔlo nde ye nwo somvoɛ ye.

1 Timoteo 2:15

Nakoso sɛ ɔtena gyidie ne ɔdɔ ne krongronyɛlɛ ne anwobrɛaseɛ nu a, bekole ye ngoa wɔ ye mmaaworɛ nu.

1 Timoteo 4:16

Nea wɔ nwo yé ɔne wɔ ngyerɛkyerɛ nwo yé, kɔ so tira nu; ofikyɛ sɛ ɛyɔ sɔ a, ekole wɔ nwo ne w’atiefoɛ ngoa.

2 Timoteo 3:14

Nakoso wɔ de, bɔ asua ɔne bɔ ale ali ne, kɔ so sɔ nu yé, ofikyɛ sona bɔ esua fili ye berɛ ne, ɛse kyɛbɔ osi te ɔ,

Hebrifoɛ 3:14

Na sɛ yɛsɔ gyidie bɔ yɛlili moa yɛnyane ye ne anu yé yɛkɔ ayieleɛ a, ye de yɛle kyɛfa wɔ Kristo nu.

Hebrifoɛ 8:9

na ɔngɔyɛ kyɛ apam bɔ me ne bɛ nana mɔ hyehyɛle wɔ kyẽa bɔ nzɔle bɛ sa nyele bɛ mvili Misraim aseɛ so ne; ɔnate kyɛ bangɔso banni m’apam ne aso, na me koso nyele me nye mvili bɛ so, Awurade noa dwirɛ ɛne.

Yakobo 1:25

Nakoso sona bɔ ɔgyene ye nye nea fawɔnwodi mmeraa bɔ odi mu ne anu, ná ɔtena nu, ná wanyɛ tiefoɛ aworafireniɛ, na mmom odi so ɔyɔ nen, bekoyira ye wɔ bɔ ɔyɔ ɔ nu.

1 Yohane 2:19

Befi yɛ nu yeɛ bɛhɔle ɔ, nakoso né bɛmmɔ yɛ fekue ne bie. Ofikyɛ sɛ bɛbɔ yɛ fekue ne bie a, ahaa bɛ ne yɛ hɔle so tenane. Na bafi yɛ nu maa wala ali kyɛ bɛ mukoraa bɛmmɔ yɛ fekue ne bie.

1 Yohane 2:24

Yiti ɛ́mɔma edwirɛ bɔ ɛmɔate bafi ahyɛaseɛ ne ɔtena ɛmɔ nu. Na sɛ bɔ ɛmɔate bafi ahyɛaseɛ ne tena ɛmɔ nu a, ɛmɔ koso ɛmɔkɔtena Baa ne ne Baba ne nu daa.

2 Yohane 1:9

Sona biala bɔ onni Kristo ngyerɛkyerɛ so ná mmom ɔfa bie bata ye nwo ne, ɔnze Nyameɛ. Nakoso sona biala bɔ odi Kristo ngyerɛkyerɛ so ne, ɔse Baba ne ne Baa ne.

1 Samuel 12:14

Sɛ ɛmɔkosuro AWURADE, ɛmɔkɔso ye, ɛmɔkotie ye dwirɛ, ná mmom ɛmɔandwi bamva AWURADE mmeraa dwirɛ so, ná ɛmɔ ne ɛhene bɔ odi ɛmɔ so ne bedi AWURADE ɛmɔ Nyameɛ si a, ye de okoyie ɛmɔ yé.