Yohane 8:3 - AHYERƐLƐ KRONGRON

³ Yeɛ ahyerɛlɛfoɛ ne Farasiifoɛ bɛfale braa bie bɔ baafite ye so wɔ adwamanbɔlɛ nu ɔ bɛwale, na bɛfale ye beegyinane b’afia berɛ.

Yohane 8:3 Iomraidhean Croise

Hesekiel 16:38

Na mmrasua bɔ bɛfa bɛ hu asi, ná besa bɛkã mogya begua ne, b’asohwenɛ ne bie yeɛ ngɔfa ngɔhwe wɔ so ɔ. Na nne ɛyaafɛlɛ ne nungunɛhwenɛ maa ekonwu wɔ mogya nyunu.

Hesekiel 23:45

Nakoso mmienzua bɔ bɛtengyɛ ne, bekobua Ohola ne Oholiba ndɛen, kyɛbɔ bebua agyaasɛkyelɛ mmrasua bɔ bɛkã mogya begua ɔ ndɛen ɔ; ofikyɛ bɛsɛkye agyaa, na bahã mogya bagua.

Numeri 15:33

Mmenia bɔ benwuni kyɛ obubu eyein ne fale ye wale Mose, Aarɔn ɔne maen ne amukoraati bɛ nyunu.

Mateo 2:4

Yiti ɔfrɛfrɛle maen ne anu asɔfo mbanyi ne ahyerɛlɛfoɛ amukoraa maa beeyiale, na obisale bɛ penane neka horɛ bɔ bɛkɔwo Kristo ne ɔ.

Yohane 8:2

Na aleɛ hyene ngyerɛmɔ tutututu ne, osa wale asɔneyɛɛ sua nu berɛ, na ɛlɔen ne amukoraa bɛwale ye berɛ, na ɔtenane ase yɛle ngyerɛkyerɛ hyirele bɛ.

Yohane 8:4

Na besele Yesu kyɛ, “Kyerɛkyerɛniɛ, baafite braa he aso wɔ adwamanbɔlɛ nu pɛɛ.

Yohane 8:9

Na bɛtele sɔ dwirɛ nen, bɛ bɔbɔ bɛ tiboa buale bɛ fɔ; yiti befili berɛ bɛhɔle ngoko ngoko, ofi mbanyi nemɔ so maa oodwuli ngwadaa so. Na ɔhale Yesu ngome berɛ, ɔne braa ne bɔ ogyi ye nyunu berɛ ne.

Yohane 9:13

Bɛfale biaa bɔ mmerɛ bie né ye nye asi ne bɛbrɛle Farasiifoɛ nemɔ.

Asomafoɛ 4:7

Bɛfale bɛ beegyinane bɛ nyunu berɛ, na bebisale bɛ kyɛ, “Tumi beni yeɛ ɛmɔgyi so, anaa dumaa beni yeɛ ɛmɔfale so bɛyɔle sɔ nikyee ne ɔ?”

Romanfoɛ 7:3

Yiti sɛ ohu te ase, ná ɔkɔ biaa foforɛ nwo a, né bɛfrɛ ye agyaasɛkyelɛniɛ. Nakoso sɛ ohu ne wu de a, sɔ mmeraa ne ngyekye ye ko, na afei sɛ okogya biaa foforɛ a, né ye de ɔssɛkyele agyaa.