Yohane 8:26 - AHYERƐLƐ KRONGRON

²⁶ Na nne ɛmɔ nwo dwirɛ pee mekã, ɔne ɛmɔ nwo ndɛen mebua; na bɔ ɔsomane me ne te nahorɛniɛ. Na bɔ nde mvili ye berɛ ne ala yeɛ mekã mekyire wiase ɔ.”

Yohane 8:26 Iomraidhean Croise

Yohane 15:15

Memvrɛ ɛmɔ ngoaa ko, ofikyɛ akoaa nze bɔ ye mene ɔyɔ ɔ; na mmom mafrɛ ɛmɔ me damvo mɔ, ɔnate kyɛ edwirɛ biala bɔ mate mafi me Baba berɛ ne, mala ye ali mahyire ɛmɔ.

Yohane 16:12

“Edwirɛ pee wɔ berɛ bɔ nne ye mekã mekyire ɛmɔ ɔ, nakoso ɛmɔngɔhora ngɔsɔ nu kekesaala ye.

Yohane 17:8

ofikyɛ edwirɛ bɔ ɛfa mane me ne, mafa mama bɛ; na bɛ koso basɔ nu, na banwu ye amba kyɛ wɔ berɛ yeɛ mvi mmale ɔ, na bale bali kyɛ wɔ yeɛ ɛsomane me ɔ.

Yohane 18:20

Na Yesu buale ye kyɛ, “Me de, madwudwo pefee mahyire wiase; nyɛle me ngyerɛkyerɛ mmerɛ biala wɔ nyianu sua mɔ nu ne asɔneyɛɛ sua ne anu, nekaa bɔ Yudafoɛ amukoraa bɛbayia ɔ; na manga dwirɛ biala wɔ mvealeɛ nu.

Yohane 3:11

Nahorɛ nu paa, mekã mekyire wɔ kyɛ: Bɔ yɛse yeɛ yɛkã ɔ, na bɔ yanwu ye yeɛ yɛdi ye nwo adanzeɛ ɔ; nakoso ɛmɔnne yɛ adanzeɛ ne benni.

Yohane 7:16

Na Yesu buale bɛ kyɛ, “Me ngyerɛkyerɛ ne ɔtte me deɛ, na mmom ɔte bɔ ɔsomane me ne deɛ.

Yohane 7:28

Na Yesu gu so bɔ ɔyɛ ngyerɛkyerɛ wɔ asɔneyɛɛ sua ne anu nen, ɔteane nu hane kyɛ, “Ɛmɔse me, yeɛ ɛmɔse nekaa bɔ mvi ɔ. Nakoso nna me bɔbɔ me tumi so yeɛ mva mmale ɔ; na bɔ ɔsomane me ne te nahorɛniɛ, na ɛmɔnze ye.

Yohane 8:25

Na bebisale ye kyɛ, “Nwa ole wɔ?” Yesu buale bɛ kyɛ, “Bɔ mvi ahyɛaseɛ ne nga ngyirele ɛmɔ ne ala.

Yohane 8:27

Bande ye bo kyɛ Baba ne nwo dwirɛ yeɛ né ɔkã kyire bɛ ɔ.

Yohane 8:40

na afei de, ɛmɔpena me beku me, me bɔ mahã nahorɛ bɔ nde mvili Nyameɛ berɛ mahyire ɛmɔ ne. Abraham de, wanyɔ sɔ!

2 Korintofoɛ 1:18

Na kyɛbɔ Nyameɛ di nahorɛ ngome ye de, yɛnga “Yoo” na yasa yahã “Daabi” yahyire ɛmɔ.