Yohane 8:20 - AHYERƐLƐ KRONGRON

²⁰ Mmerɛ bɔ né ɔyɛ ngyerɛkyerɛ wɔ asɔneyɛɛ sua ne anu, wɔ nekaa bɔ fotoɛ alaka nemɔ begyigyi ne yeɛ ɔhane sɔ dwirɛ nemɔ ɔ; nakoso ebiala angye ye, ofikyɛ né ye mmerɛ ne onnya oddwuli.

Yohane 8:20 Iomraidhean Croise

1 Aberɛso Dwirɛ 9:26

Pambim wɛmvoɛ titire nna nemɔ, né bɛte Lewifoɛ, na bɛ yeɛ né bɛnea pumbu nemɔ ne AWURADE awuro fotoɛ nemɔ aso ɔ.

Mateo 26:55

Na sɔ mmerɛ ne anu ala, Yesu sele ɛlɔen ne kyɛ, “Yiti ngrandɛ ne mmopura yeɛ ɛmɔfa bɛbakye me ɔ, kyɛ awerɔm awueniɛ bɔ ɛmɔba ye so ɔ? Ndenane asɔneyɛɛ sua ne anu nyɛle ngyerɛkyerɛ daa biala, nakoso ɛmɔangye me.

Mateo 27:6

Yeɛ asɔfo mbanyi nemɔ sesale ɛdwetɛ ne, na bɛhane kyɛ, “Mmeraa mma ate kyɛ yɛkɔfa yɛkogua fotoɛ alaka ne anu ɔ, ofikyɛ ɔte mogya sikaa.”

Marko 12:41

Na Yesu ɔɔtenane fotoɛ alaka ne anyunu berɛ, bɔ né ɔnea kyɛbɔ mmenia wora ne bɛfa sikaa begua fotoɛ alaka ne anu ɔ. Na esikafoɛ pee bɛfale sikaa somaa beeguale nu.

Marko 12:43

Na Yesu frɛle ye asuafoɛ nemɔ wale ye nwo berɛ, na osele bɛ kyɛ, “Susu amba, mekã mekyire ɛmɔ kyɛ, sɔ kunaniɛ hianiɛ he, wafa somaa wagua nu watra ebiala bɔ wafa bie waagua fotoɛ alaka ne anu ɔ.

Luka 20:19

Na ahyerɛlɛfoɛ ne asɔfo mbanyi nemɔ benwuni kyɛ anyandera he bɔ Yesu buli ne, ɔne bɛ, yiti ahaa bɛpena kyɛ bɛkye ye berɛ ne ala, nakoso né besuro ɛlɔen ne.

Luka 21:1

Yesu mane ye ti so, na onwuni esikafoɛ bɔ bɛ́fa b’ayɛyɛdeɛ begua fotoɛ alaka ne anu ɔ.

Yohane 10:39

Na bɛbɔle mmɔden bieku kyɛ bɛkɔhye ye ɔ, nakoso onyane ye nwo tetele fili bɛ sa nu hɔle.

Yohane 2:4

Na Yesu buale ye kyɛ, “Mmobraa, aso wɔ yeɛ ekyire me bɔ odi kyɛ meyɔ ɔ? Me mmerɛ ne onnya oddwuli.”

Yohane 7:14

Na bedwuli aluoluelilɛ n’afia nen, Yesu hɔle asɔneyɛɛ sua ne anu ɔɔyɛle ngyerɛkyerɛ.

Yohane 7:30

Na ahaa bɛpena ye bɛkye ye; nakoso ebiala amva ye sa wanga ye, ofikyɛ né ye mmerɛ ne onnya oddwuli.

Yohane 7:44

Na bɛ nu biemɔ penane kyɛ bɛkɔhye ye ɔ, nakoso ebiala amva ye sa wanga ye.

Yohane 7:8

Ɛmɔ de, ɛmɔhɔ aluolue ne abo. Na me de, mengɔhɔ aluolue ne abo, ɔnate kyɛ me mmerɛ ne onnya oddwuli.”

Yohane 8:2

Na aleɛ hyene ngyerɛmɔ tutututu ne, osa wale asɔneyɛɛ sua nu berɛ, na ɛlɔen ne amukoraa bɛwale ye berɛ, na ɔtenane ase yɛle ngyerɛkyerɛ hyirele bɛ.

Yohane 8:59

Yiti bɛsesale nyɔboɛ kyɛ bɛto bɛbɔ ye, na Yesu fale ye nwo feale, na ɔfale mmenia ne anu fili asɔneyɛɛ sua nu berɛ hɔle.