Yohane 8:2 - AHYERƐLƐ KRONGRON

² Na aleɛ hyene ngyerɛmɔ tutututu ne, osa wale asɔneyɛɛ sua nu berɛ, na ɛlɔen ne amukoraa bɛwale ye berɛ, na ɔtenane ase yɛle ngyerɛkyerɛ hyirele bɛ.

Yohane 8:2 Iomraidhean Croise

Nworɛ Dwirɛhanɛniɛ 9:10

Adwuma biala bɔ wɔ sa kɔsɔ nu kyɛ ɛyɔ ne, fa w’anwoserɛ yɔ, ofikyɛ ɛborɔ dɔ bɔ ɛbaahɔ ne, adwuma anaa adwene anaa nimdeɛ anaa nworɛ nne dɔ.

Yeremia 25:3

“Ofi Yuda hene Yosia bɔ ye baba ole Amon ne, ye ahennie afoɛ bɔ ɔtɔ so buru ne nza bɔ ɔbaadwu ɛnɛ, bɔ ɔte afoɛ aburanyɔ ne nza ɔ, AWURADE ala ye dwirɛ ali ahyire me, na mahɔ so mahã mahyire ɛmɔ, nakoso ɛmɔandie.

Yeremia 32:33

Bɛ si mmom yeɛ bakakyi bama me ɔ, na nna bɛ nyunu ɔ. Ɔwɔ nu kyɛ mahɔ so madwudwo mahyire bɛ dee, nakoso bandie, yeɛ banne foɛtulɛ ne bando nu.

Yeremia 44:4

Nakoso ndoale so nzomane me somvoɛ ngɔmhyɛlɛfoɛ amukoraa wɔ ɛmɔ berɛ kyɛ beese ɛmɔ kyɛ, ‘Ao, nnɛma ɛ́mɔyɔ musue nikye he bɔ mekyi ne!’

Mateo 26:55

Na sɔ mmerɛ ne anu ala, Yesu sele ɛlɔen ne kyɛ, “Yiti ngrandɛ ne mmopura yeɛ ɛmɔfa bɛbakye me ɔ, kyɛ awerɔm awueniɛ bɔ ɛmɔba ye so ɔ? Ndenane asɔneyɛɛ sua ne anu nyɛle ngyerɛkyerɛ daa biala, nakoso ɛmɔangye me.

Luka 21:37

Ɔyɛle ngyerɛkyerɛ daa biala wɔ asɔneyɛɛ sua ne anu, na aleɛ dwo a, né ofi berɛ kɔtena bokaa bɔ bɛfrɛ ye Olive Bokaa ne aso.

Luka 21:38

Na né ɛlɔen ne amukoraa bɛpɛ aleɛ bɛba ye berɛ wɔ asɔneyɛɛ sua ne anu bɛbatie ye.

Luka 4:20

Yesu bobɔle nwomaa ne, ɔfa mane somvoɛ ne, na ɔtenane ase; na bɛ bɔ bɛwɔ nyianu sua nu berɛ amukoraa betuli bɛ nye beguale ye so.

Luka 5:3

Na Yesu fole ɛlɛen ne ko bɔ ɔte Simɔn deɛ ɔ anu, na ɔsrɛle Simɔn kyɛ ɔhwe ɛlɛen ne fi etii so berɛ ɔhɔ moa kãa. Na ɔtenane ase yɛle ngyerɛkyerɛ hyirele mmenia ne fili ɛlɛen ne anu.

Yohane 4:34

Na Yesu sele bɛ kyɛ, “M’aleɛ ole kyɛ ngɔyɔ bɔ ɔsomane me n’apɛdeɛ, na ngoyie ye adwuma ne ɔ.

Yohane 8:20

Mmerɛ bɔ né ɔyɛ ngyerɛkyerɛ wɔ asɔneyɛɛ sua ne anu, wɔ nekaa bɔ fotoɛ alaka nemɔ begyigyi ne yeɛ ɔhane sɔ dwirɛ nemɔ ɔ; nakoso ebiala angye ye, ofikyɛ né ye mmerɛ ne onnya oddwuli.

Yohane 8:3

Yeɛ ahyerɛlɛfoɛ ne Farasiifoɛ bɛfale braa bie bɔ baafite ye so wɔ adwamanbɔlɛ nu ɔ bɛwale, na bɛfale ye beegyinane b’afia berɛ.

Asomafoɛ 5:21

Na bɛtele sɔ dwirɛ nen, bɛhɔle asɔneyɛɛ sua ne anu alebahyene, bɛɛyɛle ngyerɛkyerɛ. Na ɔsɔfo panyi paa ne, ɔne bɛ bɔ bɛboka ye so ne wale, na bɛtole asaa bɛfrɛle badwafoɛ nemɔ ne Yisrael mbanyi mukoraa maa beyiale, na bɛsomane mmenia kyɛ bɛɛye asomafoɛ ne befi kuku nu dɔ bɛbra.