Yohane 8:18 - AHYERƐLƐ KRONGRON

¹⁸ Medi me bɔbɔ me nwo adanzeɛ, yeɛ Baba ne bɔ ɔsomane me ne koso odi me nwo adanzeɛ.”

Yohane 8:18 Iomraidhean Croise

Numeri 35:30

“Sɛ ebie ku obiɛngo a, odi kyɛ begyina adanzefoɛ noa dwirɛ so beku kodiawuniɛ ne bie; nakoso onni kyɛ begyina adanzeniɛ komapɛ noa dwirɛ so beku ebiala.

Yohane 10:11

“Me ole mmoaenneafoɛ paa ne. Mmoaenneafoɛ paa ne, ɔfa ye ngoa to berɛ ma mmoaen ne.

Yohane 10:14

Me ole mmoaenneafoɛ paa ne; mese me deɛ, na me deɛ koso se me,

Yohane 10:30

Me ne Baba ne yɛte ko.”

Yohane 10:9

Me ole anoa ne; na sɛ ebie fa me so kɔ nu a, bekole ye ngoa; na okoli nu akɔneaba, na okonya nekaa bɔ okodidi ɔ.

Yohane 11:25

Na Yesu sele ye kyɛ, “Me ole ewutingyelɛ ne ɔne ngoa ne; ebiala bɔ ode me di ne, sɛ owu po a, okonya ngoa.

Yohane 14:6

Na Yesu buale ye kyɛ; “Me ole atee ne, nahorɛ ne, ɔne ngoa ne; ebiala mma Baba ne berɛ, sana ɔnate me so.

Yohane 8:12

Yeɛ Yesu sele bɛ bieku kyɛ, “Me ole wiase kanea ne; ebiala bɔ oli me si ne, ɔngɔnate awosii nu le, na okonya ngoa kanea ne.”

Yohane 8:25

Na bebisale ye kyɛ, “Nwa ole wɔ?” Yesu buale bɛ kyɛ, “Bɔ mvi ahyɛaseɛ ne nga ngyirele ɛmɔ ne ala.

Yohane 8:38

Bɔ manwu ye wɔ me Baba berɛ ne, ye yeɛ mekã ɔ, na ɛmɔ de, bɔ ɛmɔate bafi ɛmɔ baba berɛ yeɛ ɛmɔyɔ ɔ.”

Yohane 8:51

Nahorɛ nu paa, mekã mekyire ɛmɔ kyɛ, sɛ ebie di me dwirɛ so a, ongowu le.”

Yohane 8:58

Na Yesu sele bɛ kyɛ, “Nahorɛ nu paa, mekã mekyire ɛmɔ kyɛ, anzana Abraham baawa ne, né nwɔ berɛ.”

Hebrifoɛ 2:4

Na Nyameɛ koso yɔle nzɛngyerɛnneɛ ne anwanwadeɛ ne tumi nnwumaa ahoroɔ, na ɔmane Sunzum Krongron akyɛdeɛ ne, kyɛbɔ ye apɛdeɛ si te ɔ fa lili edwirɛ ne nwo adanzeɛ.