Yohane 8:16 - AHYERƐLƐ KRONGRON

¹⁶ Sɛ ye po mebua ndɛen a, me ndɛenbualɛ te nahorɛ, ofikyɛ nna me ngome yeɛ mebua ndɛen ɔ, na mmom me ne Baba ne bɔ ɔsomane me ne.

Yohane 8:16 Iomraidhean Croise

Edwein 98:9

wɔ AWURADE nyunu, ofikyɛ ɔ́ba, ɔbaabua aseɛ so ama ndɛen. Ɔkɔfa tenenee yeɛ okobua wiase ndɛen ɔ, yeɛ ɔkɔfa ye pɛpɛɛpɛyɛlɛ yeɛ okobua maen maen mɔ ndɛen ɔ.

Edwein 99:4

Ɛhene piri bɔ ekuro ndɛenbualɛ turoloo ɔ, ama pɛpɛɛpɛyɛlɛ bo atimu, ama ndɛenbualɛ turoloo ne tenenee wagyina wɔ Yakob nu.

Yesaya 9:7

Ye ahennie, yeɛ ye asomdwee kɔhɔ so kɔtrɛ bɔ olle ayieleɛ ɔ; ɔkɔtena Dawide ahennie bia ne aso, okoli ye ahennie ne aso, na ɔkɔfa pɛpɛɛpɛyɛlɛ ne tenenee koli bia ne maa okotindim kogyina, ofi kekesaala ye maa okoodwu afebɔɔ. Asafo AWURADE ye nungunɛhwenɛ sonongo ne yeɛ ɔkɔyɔ ɛhe ɔ.

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Yohane 16:32

Ɛ́mɔtie, mmerɛ ne ɔ́ba, na wanya wawa, bɔ ɛmɔkɔbɔ aya, bɔ ebiala kɔhɔ ye kuro ɔ, na ɛmɔkɔyakyi me ngome nu; nakoso ɔhhale me ngome, ofikyɛ Baba ne boka me so.

Yohane 8:29

Na bɔ ɔsomane me ne, ɔboka me so; ɔyyakyili me ngome nu, ofikyɛ meyɔ bɔ ɔsɔ ye nye mmerɛ biala.”

Asomafoɛ 17:31

ofikyɛ watu kyẽa ko bie wasie berɛ, bɔ ɔkɔfa sona bie bɔ waneanea nu waye ye ɔ so kobua ewiase amukoraa ndɛen tenenee nu ɔ. Na wali ɛhe nwo adanzeɛ wahyire wɔ etingyɛlɛ bɔ otingyele ye fili awufoɛ nu ne, kyɛ mmenia amukoraa bele ye beli.”

Nyekyire 19:11

Na nwuni kyɛ nyameɛso abukye, na yieee, pɔngɔ fufue bie yele ye ti. Na bɔ ɔte ye so ne, bɛfrɛ ye Kanayɔ ne Nahorɛniɛ, na tenenee nu yeɛ obua ndɛen ná ɔko koɛ ɔ.

1 Samuel 16:7

Nakoso AWURADE sele ye kyɛ, “Nnɛnea kyɛbɔ osi te ɔ anaa ye tendenn, ofikyɛ nna ye yeɛ mekuro ɔ. Na kyɛbɔ sona si nwu nikyee ne, nna sɔ yeɛ AWURADE nwu ye ɔ. Bɛ nye so nikye yeɛ sona nea ɔ, nakoso AWURADE de, ɔnea b’ahone nu.”