Yohane 8:15 - AHYERƐLƐ KRONGRON

¹⁵ Ɛmɔ de, ɛmɔbu anwoɔnaen nu ndɛen; na me de, memmua ebiala ndɛen.

Yohane 8:15 Iomraidhean Croise

Amose 5:7

Ah, ɛmɔ bɔ ɛmɔkakyi ndɛenbualɛ turoloo maa ɔyɛ kyɛ abɔwee, ná ɛmɔgyi tenenee bɛto ase ɔ!

Amose 6:12

Aso mbɔngɔ betu amirika wɔ nyɔbotaen so anaa? Aso bɛfa nandwie befundam berɛ anaa? Nakoso ɛmɔama ndɛenbualɛ akakyi ɛborɔ, yeɛ tenenee mma bakakyi anafranaku.

Habakuku 1:4

Yiti mmeraa ne, ɔnyɛ adwuma, yeɛ ndɛenbualɛ turoloo nne berɛ, ofikyɛ bɔnefoɛ bapɛ teneneefoɛ nwo babra bayia, na ndɛengyea yeɛ ɔkɔ so ɔ.

Luka 12:14

Na Yesu buale ye kyɛ, “Ngyabiaa, nwa yeɛ ɔfale me sili ndɛenbualɛniɛ anaa kyɛfoɛ wɔ ɛmɔ so ɔ?”

Yohane 12:47

Na sɛ ebie te me noa dwirɛ ná wanne wanni a, me de, memmua ye ndɛen; ofikyɛ mamma kyɛ mebaabua wiase ndɛen, na mmom mmale kyɛ mebaale wiase ngoa.

Yohane 18:36

Yesu buale kyɛ, “M’ahennie ne, offi wiase wa. Sɛ m’ahennie ne ofi wiase wa a, ahaa m’asomvoɛ mɔ bɛkɔho, bɔ ɔnate so bɛngɔfa me bengowura Yudafoɛ mɔ sa ɔ; nakoso m’ahennie ne offi wiase wa.”

Yohane 3:17

“Ofikyɛ, Nyameɛ anzoma Ɔwa ne maa wamma wiase kyɛ oobua wiase ndɛen, na mmom kyɛ ɔkɔfa ye so kole wiase ɔ.

Yohane 7:24

Nnɛma ɛmɔnea sona nyunu bebua ye ndɛen, na mmom ɛ́mɔbua ndɛen bɔ ɔtengyɛ ɔ!”

Yohane 8:11

Na obuale kyɛ, “Daabi, me Mene, ebiala ammua me foɛ.” Yeɛ Yesu sele ye kyɛ, “Me koso memmua wɔ foɛ; kɔ, na nnɛkɔyɔ bɔne ko.”

Romanfoɛ 2:1

Yiti kuro sona, wɔ ole nwa bɔ ebua ebiɛngo ndɛen ɔ? Sɛ ebua ebiɛngo ndɛen a, né ebua wɔ bɔbɔ wɔ nwo ndɛen. Ofikyɛ wɔ bɔ ebua sɔ ndɛen ne, wɔ koso ɛyɔ sɔ yɔleɛ ne bie.

1 Korintofoɛ 2:15

Sona bɔ Nyameɛ Sunzum wɔ ye nu ne, onwu nikye tɛɛ ne paa mukoraa, na ye de, ebiala ngora mmua ye ndɛen.

2 Korintofoɛ 5:16

Yiti ofi ɛnɛ bɔ ɔkɔ ɔ, yɛmva dasaniɛ adwene yɛnzusu kyɛbɔ sona si te ɔ, na sɛ sɔ yeɛ daa ne yɛfa yɛsusuli Yesu a, ɛnɛ de yɛnyɔ ye sɔ ko.

Yakobo 2:4

aso né ɛhe ngyire kyɛ ɛmɔayɔ nyeyemuɛ, bɔ ɔmɔayɛ adwenemmɔne ndɛenbualɛfoɛ ɔ?

1 Samuel 16:7

Nakoso AWURADE sele ye kyɛ, “Nnɛnea kyɛbɔ osi te ɔ anaa ye tendenn, ofikyɛ nna ye yeɛ mekuro ɔ. Na kyɛbɔ sona si nwu nikyee ne, nna sɔ yeɛ AWURADE nwu ye ɔ. Bɛ nye so nikye yeɛ sona nea ɔ, nakoso AWURADE de, ɔnea b’ahone nu.”