Yohane 8:12 - AHYERƐLƐ KRONGRON

¹² Yeɛ Yesu sele bɛ bieku kyɛ, “Me ole wiase kanea ne; ebiala bɔ oli me si ne, ɔngɔnate awosii nu le, na okonya ngoa kanea ne.”

Yohane 8:12 Iomraidhean Croise

YOB NWOMAA NE 33:28

Na mmom wapepɛ wale me kra, wamma wangɔ ɛborɔ kumaa nu, na wamaa matena ngoa nu manwu kanea ne.’

Edwein 18:28

Wɔ yeɛ ɛsɔ me kanea ɔ, AWURADE me Nyameɛ ɔta ma m’awosii yɛ hyereinn.

Edwein 49:19

Nakoso ye mbanyi mɔ bɔ bengonwu eyia ko le ne, ɔkɔɔtoa bɛ.

Edwein 97:11

Kanea ta ma teneneefoɛ, yeɛ bɛ bɔ b’ahone nu te ne koso, benya anigye.

Yesaya 49:6

Ɔnwa nyoo: “Kyɛ ɛkɔyɛ me somvoɛ, kyɛ ɛkɔpagya Yakob mmusua kure nemɔ, ɔne kyɛ ɛkɔfa Yisraelfoɛ bɔ banya bɛ ti badidi nu ne ekosa kɔwa ne, aso ɔte adwuma ba? Ngosa ngɔfa wɔ ngɔyɛ kanea ngɔma maen maen mɔ, amaa ɔnate so ama me ngoalelɛ waadwu aseɛ so nekaa biala.”

Yesaya 50:10

Ɛmɔ nu nwa yeɛ osuro AWURADE, ná ɔyɛ ye somvoɛ dwirɛ nwo sotie ɔ? Sona bɔ ɔnate awosii nu, bɔ onnya kanea ne, maa ɔfa ye wora wura AWURADE dumaa nu, ná ɔfa ye nwo to ye Nyameɛ so.

Yesaya 9:2

Maen bɔ né ɔnate awosii nu ne, wanwu kanea piri ne, bɛ bɔ né bɛte awosii kabii aseɛ so ne, kanea ata bɛ so.

Hosea 6:3

Ɛ́mɔma yɛnwu ye, ɛ́mɔma yɛpere yɛpena AWURADE nwo nimdeɛ. Ye walɛ ne, osi pi kyɛ ngyerɛmɔ; na ɔkɔwa yɛ berɛ kyɛ esue, kyɛ bamborɔ bɔ ɔtɔ gua aseɛ so ɔ.”

Malaki 4:2

Nakoso ɛmɔ bɔ ɛmɔsuro me dumaa ne de, tenenee eyia bɔ anwonyerɛsalɛ wɔ ye ndaa nu ɔ okopukye kɔma ɛmɔ; na ɛmɔkofite bekohuru bɛkɔpepe kyɛ nandwie akrɔngrɔma mɔ bɔ babukye bɛ bafi bɛ tuin nu ɔ.

Mateo 5:14

“Ɛmɔte wiase kanea. Kuro bɔ ɔla bokaa so ne, ɔngora mvea.

Luka 2:32

kanea bɔ ɔkɔla wɔ ali kohyire Amaenmaensofoɛ ɔ bɔ ɔte wɔ maen Yisrael animnyam ne.”

Yohane 12:35

Yeɛ Yesu buale bɛ kyɛ, “Kanea ne ɔne ɛmɔ bɛwɔ berɛ mmerɛ kãa bie. Na mmerɛ bɔ ɛmɔle kanea ne de, ɔsɛ kyɛ ɛmɔnate, ná awosii wammando ɛmɔ; ofikyɛ ebiala bɔ ɔnate awosii nu ne, ɔnze nekaa bɔ ɔkɔ ɔ.

Yohane 12:36

Mmerɛ bɔ ɛmɔle kanea ne de, ɔsɛ kyɛ ɛmɔde kanea ne bedi, amaa ɔnate so ɛmɔayɛ kanea ne mma.” Na Yesu hane ɛhemɔ yiele nen, ofili berɛ, na ɔfale ye nwo feale bɛ.

Yohane 12:46

Mawa wiase kyɛ kanea, na ebiala bɔ ode me di ne, ɔngɔtena awosii nu.

Yohane 14:6

Na Yesu buale ye kyɛ; “Me ole atee ne, nahorɛ ne, ɔne ngoa ne; ebiala mma Baba ne berɛ, sana ɔnate me so.

Yohane 3:19

Na ɛhe yeɛ ɔte ndɛenbualɛ ɔ, kyɛ kanea ne awa wiase, nakoso mmenia hurole awosii trale kanea ne; ofikyɛ bɛ yɔleɛ te bɔne.

Yohane 7:17

Sɛ ebie kuro kyɛ ɔyɔ ye apɛdeɛ a, okonwu ye kyɛ, ngyerɛkyerɛ ne ofi Nyameɛ berɛ, anaakyɛ mefa me bɔbɔ me tumi yeɛ medwudwo hɔ a.

Yohane 9:5

Mmerɛ bɔ nwɔ wiase ye de, me ole wiase kanea ne.”

Asomafoɛ 13:47

Ɔnate kyɛ ahyɛdeɛ bɔ Awurade afa ama yɛ hɔ ɛhe: ‘Mafa wɔ mayɛ kanea mama Amaenmaensofoɛ, amaa afa ngoalelɛ ahɔ aseɛ so nekaa biala.’ ”

Asomafoɛ 26:23

kyɛ Kristo ne konwu amaneɛ okoli moa kodwɔso kofi awufoɛ nu ná wabɔ kanea ne nwo dawure wahyire Yudafoɛ ne Amaenmaensofoɛ.”

2 Petro 2:17

Sɔ mmenia nemɔ, bɛte abura mɔ bɔ nzue nne nu ɔ, ɔne munungum bɔ mvrama bɔ ye huu kɔ ɔ; na bɛ yeɛ basiesie awosii kabii bato berɛ bama bɛ ɔ.

2 Petro 2:4

Na sɛ Nyameɛ amva abɔfo mɔ bɔ bɛyɔle bɔne ne nwo wangyɛ bɛ, ná mmom ogyili bɛ guale ɛborɔ kumaa kuronguronn awosii kabii nu, ná ɔbɔle bɛ panwu kyɛ ɔfa nwondɛ ndɛenbualɛ ne a;

1 Yohane 1:6

Yiti sɛ yɛkã kyɛ yɛne ye atira abiɛngoɛ, nakoso yɛnate awosii nu a, né ye de yɛlaka, na yɛmmɔ yɛ bra wɔ nahorɛ nu.

Yuda 1:13

bɛte ɛpo asorɔkye bɔ obu fa so, bɔ opu bɛ bɔbɔ b’animguaseɛ gua ɔ, nzramaa mɔ bɔ bekyinikyini bɔ basiesie awosii kabii bama bɛ ɔ.

Yuda 1:6

Na abɔfo mɔ bɔ bannea bɛ dibea so yé, ná mmom bɛyakyili bɛ bɔbɔ b’atenaleɛ berɛ ne, wabɔ bɛ afebɔɔ panwu wafa bɛ wasie awosii kabii nu, na ɔfa nwondɛ kyẽa piri ndɛenbualɛ ne.

Nyekyire 21:24

Maen maen kɔnate ye kanea ne anu, na aseɛ so ahemvo bɛkɔfa b’animnyam [ne anidie] bɛkɔwa nu.