Yohane 7:6 - AHYERƐLƐ KRONGRON

⁶ Yeɛ Yesu sele bɛ kyɛ, “Me de, me mmerɛ ne onnya oddwuli; nakoso ɛmɔ de, ɛmɔ mmerɛ ne ɔwɔ berɛ daa.

Yohane 7:6 Iomraidhean Croise

Edwein 102:13

Ekodwɔso konwu Sion anwumvoin, ofikyɛ mmerɛ aso kyɛ ɛdo ye ɔ, mmerɛ bɔ ahyehyɛ ato berɛ ne waso.

Mateo 26:18

Na Yesu buale kyɛ, “Ɛmɔhɔ kuro nu dɔ asomasi berɛ, ná ɛmɔhã behyire ye kyɛ, ‘Kyerɛkyerɛniɛ ne nwa: Me mmerɛ ne apingye, na w’awuro yeɛ me ne m’asuafoɛ yɛkooli Abɔtra (aluolue) ne ɔ.’ ”

Yohane 13:1

Na Abɔtra aluolue ne ɔbaadwu ne, né Yesu se kyɛ ye dɔnhwere ne adwu kyɛ ofi wiase wa ɔkɔ Baba ne berɛ ɔ, na kyɛbɔ ohurole ye bɔbɔ ye deɛ bɔ bɛwɔ wiase dwirɛ nen, ohurole bɛ dwirɛ oodwuli ayieleɛ.

Yohane 17:1

Na Yesu dwudwole yiele nen, ɔmane ye nye so hyirele nyameɛso, na ɔhane kyɛ, “Baba, dɔnhwere ne adwu. Hyɛ Ɛwa ne animnyam, ná Baa ne koso ɔhyɛ wɔ animnyam;

Yohane 2:4

Na Yesu buale ye kyɛ, “Mmobraa, aso wɔ yeɛ ekyire me bɔ odi kyɛ meyɔ ɔ? Me mmerɛ ne onnya oddwuli.”

Yohane 7:30

Na ahaa bɛpena ye bɛkye ye; nakoso ebiala amva ye sa wanga ye, ofikyɛ né ye mmerɛ ne onnya oddwuli.

Yohane 7:8

Ɛmɔ de, ɛmɔhɔ aluolue ne abo. Na me de, mengɔhɔ aluolue ne abo, ɔnate kyɛ me mmerɛ ne onnya oddwuli.”

Yohane 8:20

Mmerɛ bɔ né ɔyɛ ngyerɛkyerɛ wɔ asɔneyɛɛ sua ne anu, wɔ nekaa bɔ fotoɛ alaka nemɔ begyigyi ne yeɛ ɔhane sɔ dwirɛ nemɔ ɔ; nakoso ebiala angye ye, ofikyɛ né ye mmerɛ ne onnya oddwuli.

Asomafoɛ 1:7

Na Yesu buale bɛ kyɛ, “Me Baba bɔbɔ yeɛ ole ye tumi wahyehyɛ mmerɛ ne ngyẽa ɔ, na onhia kyɛ ɛmɔkonwu mmerɛ bɔ ɛhemɔ kosi ɔ.