Yohane 7:51 - AHYERƐLƐ KRONGRON

⁵¹ “Yɛ mmeraa ne, aso obua sona foɛ, wɔ aberɛ bɔ yɛttiele ye noa dwirɛ ná yɛnnwuni bɔ wayɔ ɔ?”

Yohane 7:51 Iomraidhean Croise

Ɛksadɔso 23:1

“Nnɛbɔ edwirɛ bɔ ɔtte nahorɛ nwo dawure. Nnɛfa wɔ nwo bɔ amumuyɛɛniɛ ná edi adanzewia.

Anyandera 18:13

Sona bɔ ondie edwirɛ nyie koraka né wabua ye nwo bie ne, ɔmaa ɔyɛ kwaseaa, na ogua ye nyunu ase.

Numeri 35:30

“Sɛ ebie ku obiɛngo a, odi kyɛ begyina adanzefoɛ noa dwirɛ so beku kodiawuniɛ ne bie; nakoso onni kyɛ begyina adanzeniɛ komapɛ noa dwirɛ so beku ebiala.

Asomafoɛ 23:3

Yeɛ Pɔɔlo koso sele ye kyɛ, “Wɔ yeɛ Nyameɛ kɔbɔ wɔ ɔ. Wɔ, fasue bɔ bahã ye nwo fufue ɔ! Wɔ yeɛ ɛte berɛ egyina mmeraa ne aso ebua me ndɛen ɔ, nakoso wɔ wora ebu mmeraa ne aso ɛhyɛ kyɛ bɛbɔ me!”

Deuteronomi 1:17

Nnɛma ɛmɔbua ndɛengyea, na mmom ɛ́mɔyɛ asoɛ bétie kwahweabaa mɔ dwirɛ kyɛbɔ ɛmɔtie atitirefoɛ ne ala. Nnɛma ɛmɔsuro sona nyunu, ofikyɛ ndɛenbualɛ ne te Nyameɛ deɛ. Na edwirɛ biala bɔ ɔbo ɛmɔ so ne, ɛ́mɔfa bɛbra me gya so, na ngoli.’

Deuteronomi 17:6

Mmenia nyɔ anaa nza adanzeɛ so yeɛ ɔsɛ kyɛ begyina bebua sona ewue foɛ ɔ; na ɔnzɛ kyɛ begyina sona horɛ adanzeɛ so bebua sona ewue foɛ.