Yohane 7:4 - AHYERƐLƐ KRONGRON

⁴ Ofikyɛ ebiala bɔ ɔpena kyɛ mmenia benwu ye nen, ɔnyɔ ye nningyein mvea. Sɛ ɛyɔ ɛhemɔ de a, ye de da wɔ nwo ali kyire wiase.”

Yohane 7:4 Iomraidhean Croise

1 Ahemvo 22:13

Ɛbɔfoɛ bɔ betuli ye kyɛ ɔɔfa Mikaya bra ne, osele Mikaya kyɛ, “Tie, ngɔmhyɛlɛfoɛ nemɔ amukoraa bɛ noa dwirɛ te ko. Bahã ngonimlilɛ nwo dwirɛ bahyire Nana Ahabo. Wɔ koso fa to bɛ deɛ ne aso, na kã ngonimlilɛ nwo dwirɛ kyire ye.”

Mateo 23:5

Bɔ bɛyɔ amukoraa te bɔ mmenia konwu bɛ ɔ; ofikyɛ bɛyɛ bɛ ngayeɛ nwomaa ne tɛtrɛtɛɛ, yeɛ bɛyɛ bɛ ndaadeɛ noa bɔ banwo ne ndendenn.

Mateo 4:6

na osele ye kyɛ, “Sɛ wɔ ole Nyameɛ Awa ne a, to wɔ nwo ye aseɛnwo dɔ, ofikyɛ bahyerɛ kyɛ, ‘Wɔ ti, ɔkɔfa ahyɛdeɛ kɔma ye abɔfo mɔ, na bɛkɔsoa wɔ wɔ bɛ sa so, amaa ɔnate so wɔ gya ambura nyɔboɛ.’ ”

Mateo 6:16

“Sɛ ɛmɔyɛ akɔngyere a, nnɛma ɛmɔyɛ ɛmɔ nyunu bosaa kyɛ nyaatwomfoɛ nemɔ, ofikyɛ benyinya bɛ nyunu kyɛbɔ mmenia konwu kyɛ bɛyɛ akɔngyere ɔ. Nahorɛ nu, mekã mekyire ɛmɔ kyɛ, banya b’akatuaa dada.

Mateo 6:5

“Sɛ ɛmɔbɔ mbaeɛ a, nnɛma ɛmɔyɛ kyɛ nyaatwomfoɛ nemɔ; ofikyɛ bɛ de, bekuro kyɛ begyinagyina ndende wɔ nyianu sua nemɔ nu ne mmorɔnoɛ so bɛbɔ mbaeɛ, kyɛbɔ ɔkɔyɛ bɔ mmenia konwu bɛ ɔ. Nahorɛ nu, mekã mekyire ɛmɔ kyɛ, banya b’akatuaa dada.

Luka 6:45

Sona paa fi nningyein paa bɔ waboaboa ye noa wɔ ye ahone nu ɔ nu yeɛ ɔda nningyein paa ali ɔ; yeɛ sona bɔnefoɛ fi bɔne nningyein bɔ waboaboa ye noa wɔ ye ahone nu ɔ nu yeɛ ɔda bɔne nningyein ali ɔ; ofikyɛ bɔ wayi ahone nu maa wabu wafa so ne yeɛ ofite ye noa ɔ.

Yohane 18:20

Na Yesu buale ye kyɛ, “Me de, madwudwo pefee mahyire wiase; nyɛle me ngyerɛkyerɛ mmerɛ biala wɔ nyianu sua mɔ nu ne asɔneyɛɛ sua ne anu, nekaa bɔ Yudafoɛ amukoraa bɛbayia ɔ; na manga dwirɛ biala wɔ mvealeɛ nu.

Yohane 7:3

Yiti oliɛma nemɔ sele ye kyɛ, “Fi wa kɔ Yudea, ná w’asuafoɛ nemɔ benwu nnwumaa bɔ ɛ́yɔ ne.

Yohane 7:5

Na oliɛma nemɔ po banne ye banni.