Yohane 7:33 - AHYERƐLƐ KRONGRON

³³ Yeɛ Yesu sele bɛ kyɛ, “Me ne ɛmɔ kɔtena mmerɛ kãa bie, na afei ngɔhɔ bɔ ɔsomane me ne berɛ.

Yohane 7:33 Iomraidhean Croise

Marko 16:19

Na afei, Awurade Yesu dwudwo hyirele bɛ yiele nen, Nyameɛ fale ye hɔle nyameɛso, na ɔɔtenane Nyameɛ sa famaa so.

Yohane 13:1

Na Abɔtra aluolue ne ɔbaadwu ne, né Yesu se kyɛ ye dɔnhwere ne adwu kyɛ ofi wiase wa ɔkɔ Baba ne berɛ ɔ, na kyɛbɔ ohurole ye bɔbɔ ye deɛ bɔ bɛwɔ wiase dwirɛ nen, ohurole bɛ dwirɛ oodwuli ayieleɛ.

Yohane 13:3

Né Yesu se kyɛ Baba ne afa nningyein amukoraa wawura ye sa, kyɛ ofi Baba ne berɛ yeɛ ɔwale ɔ, na ɔ́kɔ Baba ne berɛ;

Yohane 13:33

Me ngwadaammaa, mmerɛ kãa bie yeɛ waha bɔ me ne ɛmɔ yɛkɔtena ɔ. Ɛmɔkɔpena me, na kyɛbɔ nga ngyirele Yudafoɛ ne kyɛ, ‘Nekaa bɔ mekɔ ne, ɛmɔngɔhora berɛ bie ba’ nen, sɔ ala yeɛ mekã mekyire ɛmɔ koso kekesaala ye ɔ.

Yohane 14:12

Nahorɛ nu paa, mekã mekyire ɛmɔ kyɛ: Ebiala bɔ ode me di nen, ye koso ɔkɔyɔ nnwumaa bɔ meyɔ ne bie, na ɔkɔyɔ bɔ ɔte mbiri mbiri tra ɛhemɔ ɔ; ofikyɛ me de, mékɔ me Baba ne berɛ.

Yohane 14:19

Waha kãa bie né wiase nnwu me ko, nakoso ɛmɔ de, ɛmɔkonwu me; ɔnate kyɛ nde ase, na ɛmɔ koso ɛmɔkɔtena ase.

Yohane 14:28

Ɛmɔtele kyɛ nga ngyirele ɛmɔ kyɛ, ‘Mékɔ, na ngosa ngɔwa ɛmɔ berɛ.’ Sɛ ɛmɔkuro me dwirɛ a, ahaa ɔkɔyɛ ɛmɔ fɛ kyɛ mékɔ Baba ne berɛ ɔ, ofikyɛ Baba ne odi mu tra me.

Yohane 16:10

tenenee nwo, ofikyɛ mékɔ me Baba ne berɛ, na ɛmɔngonwu me ko;

Yohane 16:28

Baba ne berɛ yeɛ mvi mmale wiase ɔ; na afei de, méfi wiase, na mékɔ Baba ne berɛ.”

Yohane 16:5

“Afei de, mékɔ bɔ ɔsomane me ne berɛ; nakoso ɛmɔ nu biala mmisa me kyɛ, ‘Nisua yeɛ ɛ́kɔ ɔ?’

Yohane 17:11

Afei de, nne wiase ko, nakoso ɛhemɔ de bɛwɔ wiase wa; na me de, méba wɔ berɛ. Baba Krongron, bɛ bɔ afa bɛ ama me ne, fa bɛ sie wɔ wɔ dumaa nu, amaa ɔnate so bayɛ ko, kyɛbɔ yɛte ko ne.

Yohane 17:13

Na afei de, méba wɔ berɛ, na mekã edwirɛ hemɔ wɔ wiase wa, amaa ɔnate so banya m’anigye maa wali mu wɔ bɛ nu.

Yohane 20:17

Na Yesu sele ye kyɛ, “Nnɛsɔ me nu, ofikyɛ nnya nngɔle me Baba berɛ wɔ nyameɛso. Nakoso kɔ nniɛma nemɔ berɛ kɔhã kyire bɛ kyɛ, mékɔ nyameɛso, me Baba ne ɛmɔ Baba berɛ, me Nyameɛ ne ɛmɔ Nyameɛ ne berɛ.”

Yohane 9:4

Na mmerɛ bɔ alehyeleɛ wɔ berɛ ye de, ɔsɛ kyɛ yɛyɔ bɔ ɔsomane me ne nnwumaa; na alesaleɛ ɔ́ba bɔ ebiala ngɔhora ngɔyɔ adwuma ɔ.