Yohane 7:32 - AHYERƐLƐ KRONGRON

³² Farasiifoɛ mɔ bɛtele kyɛ ɛlɔen ne bɛ́yɛ nwuhunwuhu bɛkekã sɔ dwirɛ ne bɛfa ye nwo. Yiti Farasiifoɛ ne asɔfo mbanyi mɔ betuli asomvoɛ mɔ kyɛ bɛhɔ bɛɛhye ye.

Yohane 7:32 Iomraidhean Croise

Mateo 12:14

Yeɛ Farasiifoɛ nemɔ fili berɛ bɛhɔle aluo dɔ, na bɛbɔle ye ti so porɛ bɛpenane atee bɔ bɛkɔfa so bekohu ye ɔ.

Mateo 23:13

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔto nyameɛso ahennie ne anu betia mmenia. Ɛmɔ bɔbɔ a ɛmɔngɔ nu, nakoso bɛ bɔ bɛ́kɔ nu ne, ɛmɔmma bɛ ate mma bɛngɔ nu. [

Mateo 26:58

Nakoso Petro de, olili ye si wɔ nziɛ nziɛ oodwuli ɔsɔfo panyi paa n’aluo berɛ, owurale nu, na ɔne somvoɛ nemɔ bɛtenane ase kyɛ ɔnea edwirɛ n’ayieleɛ.

Yohane 11:46

Nakoso bɛ nu biemɔ de, besili nu bɛhɔle Farasiifoɛ nemɔ berɛ bɛɛhane bɔ Yesu ayɔ ne behyirele bɛ.

Yohane 12:19

Yeɛ Farasiifoɛ nemɔ sisele bɛ nwo kyɛ, “Yeɛ ɛmɔanwu kyɛ ɛmɔngɔhora bɛngɔyɔ ye nwo huu! Ɛ́mɔnea, kyɛ ewiase atu bi waali ye si ɔ.”

Yohane 18:3

Yiti Yudase fale asraafoɛ kure ne awɛmvoɛ bɔ befi asɔfo mbanyi ne Farasiifoɛ nemɔ berɛ ɔ wale berɛ; ná ne betiratira ɛtɛen, nganea ne akodeɛ.

Yohane 7:30

Na ahaa bɛpena ye bɛkye ye; nakoso ebiala amva ye sa wanga ye, ofikyɛ né ye mmerɛ ne onnya oddwuli.

Asomafoɛ 5:26

Yeɛ asɔneyɛɛ sua so safohene ne ne ye asraafoɛ nemɔ hɔle bɛɛfale asomafoɛ nemɔ bɛwale. Banyɔ ye patapaa so, ofikyɛ né besuro kyɛ mmenia kɔboro bɛ nyɔboɛ.

1 Samuel 19:20

Yiti Sɔɔlo somane mmenia kyɛ bɛɛhye Dawide bɛbra. Mmerɛ bɔ Sɔɔlo bɔfoɛ nemɔ nwuni ngɔmhyɛlɛfoɛ kure ne kyɛ begu so bɛhyɛ ngɔm, bɔ né Samuel gyi berɛ ɔ́nea bɛ so ne, Nyameɛ sunzum wale ɛbɔfoɛ nemɔ so mane bɛ koso bɛhyɛle ngɔm.