Yohane 7:30 - AHYERƐLƐ KRONGRON

³⁰ Na ahaa bɛpena ye bɛkye ye; nakoso ebiala amva ye sa wanga ye, ofikyɛ né ye mmerɛ ne onnya oddwuli.

Yohane 7:30 Iomraidhean Croise

Edwein 76:10

“Amba, mmenia yaafɛlɛ po, ɔkakyi ayɛyelɛ ma wɔ; wɔ yaafɛlɛ piri ne, ɛfa ye ngaa bɔ abɔsoɛ.

Yesaya 46:10

Me yeɛ ofi ahyɛaseɛ ne, ngane ayieleɛ dwirɛ ɔ, ɔne kyɛ ofi tetetete yeɛ ngane bɔ onnya ossili nwo dwirɛ ɔ. Ngane kyɛ, ‘Me botaeɛ kogyina, na ngɔyɔ me nhyehyɛleɛ amukoraa.’

Mateo 12:14

Yeɛ Farasiifoɛ nemɔ fili berɛ bɛhɔle aluo dɔ, na bɛbɔle ye ti so porɛ bɛpenane atee bɔ bɛkɔfa so bekohu ye ɔ.

Mateo 21:46

Yiti bɛyɛle kyɛ bɛkɔhye ye, nakoso né besuro ɛlɔen ne; ofikyɛ né ɛlɔen ne bu ye kyɛ ɔte ngɔmhyɛlɛniɛ.

Marko 11:18

Na asɔfo mbanyi ne ahyerɛlɛfoɛ nemɔ bɛtele sɔ dwirɛ ne nen, bɛpenane atee bɔ bɛkɔfa so bekohu ye ɔ; nakoso né besuro ye, ofikyɛ ye ngyerɛkyerɛ ne yɛle ɛlɔen ne amukoraa nwanwa.

Luka 20:19

Na ahyerɛlɛfoɛ ne asɔfo mbanyi nemɔ benwuni kyɛ anyandera he bɔ Yesu buli ne, ɔne bɛ, yiti ahaa bɛpena kyɛ bɛkye ye berɛ ne ala, nakoso né besuro ɛlɔen ne.

Luka 22:53

Daa biala bɔ né me ne ɛmɔ yɛwɔ asɔneyɛɛ sua ne anu nen, ɛmɔangye me. Na ɛhe yeɛ ɔte ɛmɔ mmerɛ ne awosii tumi ɔ.”

Yohane 10:31

Yeɛ Yudafoɛ nemɔ sesale nyɔboɛ bieku kyɛ bɛkwaafa bɛboro ye.

Yohane 10:39

Na bɛbɔle mmɔden bieku kyɛ bɛkɔhye ye ɔ, nakoso onyane ye nwo tetele fili bɛ sa nu hɔle.

Yohane 11:57

Né asɔfo mbanyi ne Farasiifoɛ nemɔ bahyɛ mmeraa kyɛ, sɛ ebie se nekaa bɔ ɔwɔ a, ohyire bɛ ma bɛɛhye ye.

Yohane 7:19

Aso Mose amva mmeraa ne wamma ɛmɔ? Nakoso ɛmɔ nu biala nni mmeraa ne aso. Nzu ati yeɛ ɛmɔpena me beku me ɔ?”

Yohane 7:32

Farasiifoɛ mɔ bɛtele kyɛ ɛlɔen ne bɛ́yɛ nwuhunwuhu bɛkekã sɔ dwirɛ ne bɛfa ye nwo. Yiti Farasiifoɛ ne asɔfo mbanyi mɔ betuli asomvoɛ mɔ kyɛ bɛhɔ bɛɛhye ye.

Yohane 7:6

Yeɛ Yesu sele bɛ kyɛ, “Me de, me mmerɛ ne onnya oddwuli; nakoso ɛmɔ de, ɛmɔ mmerɛ ne ɔwɔ berɛ daa.

Yohane 7:8

Ɛmɔ de, ɛmɔhɔ aluolue ne abo. Na me de, mengɔhɔ aluolue ne abo, ɔnate kyɛ me mmerɛ ne onnya oddwuli.”

Yohane 8:20

Mmerɛ bɔ né ɔyɛ ngyerɛkyerɛ wɔ asɔneyɛɛ sua ne anu, wɔ nekaa bɔ fotoɛ alaka nemɔ begyigyi ne yeɛ ɔhane sɔ dwirɛ nemɔ ɔ; nakoso ebiala angye ye, ofikyɛ né ye mmerɛ ne onnya oddwuli.

Yohane 8:37

Mese kyɛ ɛmɔte Abraham bosofoɛ, nakoso ɛmɔpena me beku me, ofikyɛ me dwirɛ ne onnya nekaa ndena wɔ ɛmɔ nu.

Yohane 8:59

Yiti bɛsesale nyɔboɛ kyɛ bɛto bɛbɔ ye, na Yesu fale ye nwo feale, na ɔfale mmenia ne anu fili asɔneyɛɛ sua nu berɛ hɔle.

Yohane 9:4

Na mmerɛ bɔ alehyeleɛ wɔ berɛ ye de, ɔsɛ kyɛ yɛyɔ bɔ ɔsomane me ne nnwumaa; na alesaleɛ ɔ́ba bɔ ebiala ngɔhora ngɔyɔ adwuma ɔ.