Yohane 7:26 - AHYERƐLƐ KRONGRON

²⁶ Nea, ɔwɔ wa odwudwo petee nu, nakoso benze ye huu! Mbanyi nemɔ, aso bɛse amba kyɛ ɛhe ole Kristo ne anaa?

Yohane 7:26 Iomraidhean Croise

Anyandera 28:1

Bɔnefoɛ nwati wɔ aberɛ bɔ ebiala mvoa ye ɔ, na teneneeniɛ de, ye hue yɛ se te kyɛ gyata.

Yesaya 42:4

Ye de, ongogye monɛɛmonɛɛ, yeɛ ye abasa nu ngobu, kɔpem kyɛ ɔkɔma ndɛenbualɛ turoloo kotira ndii wɔ aseɛ so ɔ, na supɔ mɔ bɛnwondɛ ye mmeraa ne.

Mateo 22:16

Na bɛsomane b’asuafoɛ mɔ ne Herodefoɛ maa bɛwale ye berɛ beebisale ye kyɛ, “Kyerɛkyerɛniɛ, yɛse kyɛ ɛte nahorɛniɛ, na ekyirekyire Nyameɛ atee ne turoloo, ɛnyɛ nyeyemuɛ; ofikyɛ ɛmva wɔ nye ndo mmenia bɛ dibea.

Luka 23:13

Afei Pilato frɛle asɔfo mbanyi nemɔ, maen mbanyi ne ɛlɔen ne maa beyiale,

Luka 7:30

Nakoso Farasiifoɛ ne mmeraa nwo nimdeɛfoɛ nemɔ de, bɛpole Nyameɛ botaeɛ bɔ ɔwɔ berɛ ma bɛ ne, na bamma bammɔ bɛ asu.)

Yohane 12:42

Na maen mbanyi nemɔ pee belele ye belili, nakoso ɔnate esurolɛ bɔ besuro Farasiifoɛ nemɔ ati, bangora banye bɛ nyunu, bɔ ahaa ɔkɔmaa bekotu bɛ bekofi nyianu sua ne anu ɔ;

Yohane 18:20

Na Yesu buale ye kyɛ, “Me de, madwudwo pefee mahyire wiase; nyɛle me ngyerɛkyerɛ mmerɛ biala wɔ nyianu sua mɔ nu ne asɔneyɛɛ sua ne anu, nekaa bɔ Yudafoɛ amukoraa bɛbayia ɔ; na manga dwirɛ biala wɔ mvealeɛ nu.

Yohane 3:1

Né Farasiiniɛ bie wɔ berɛ bɔ bɛfrɛ ye Nikodemo, bɔ ɔte Yudafoɛ mbanyi ne bie ɔ.

Yohane 4:29

“Ɛmɔbra bɛɛnea oo, biaa bie bɔ wahã bɔ mayɔ amukoraa wahyire me ɔ! Aso nna ye ole Kristo ne anaa?”

Yohane 7:25

Yeɛ Yerusalemfoɛ nemɔ bie hane kyɛ, “Aso nna biaa he yeɛ bɛpena ye beku ye ne?

Yohane 7:31

Nakoso mmenia nemɔ anu pee belele ye belili, na bɛhane kyɛ, “Kristo ne, sɛ ɔba a, aso ɔkɔyɔ nzɛngyerɛnneɛ pee kɔtra bɔ biaa he wayɔ ye?”

Yohane 7:48

Mbanyi nemɔ anu bie anaa Farasiifoɛ nemɔ anu bie wale ye wali hɔ ɔ?

Yohane 9:22

Ye awofoɛ hane sɔ, ofikyɛ né besuro Yudafoɛ nemɔ; ɔnate kyɛ né Yudafoɛ nemɔ bayɛ adwene kyɛ, sɛ ebie kã ye pefee kyɛ ye ole Kristo ne a, bekotu ye bekofi nyianu sua nu berɛ.

Asomafoɛ 4:13

Na benwuni kyɛ Petro ne Yohane b’ahone yɛ se, ná besa benwuni kyɛ bɛte kwahweabaa mɔ bɔ bɛnze nwomaa nen, ɔyɛle bɛ nwanwa; na afei benwuni kyɛ bɛne Yesu yeɛ bɛnatele ɔ.

Filipifoɛ 1:14

na ɔnate me kukunu nnaa ne ati, aliɛmaa nemɔ nu pee bɔ bɛwɔ Kristo nu ne banya nguraenhyɛ, na bɛkora besi bɛ hue bɛkã Nyameɛ dwirɛ ne bɔ benzuro hwee ɔ.