2 Né Yudafoɛ Asese aluolue ne apingye.
Na Yisraelfoɛ amukoraa beeyiale nu wɔ Nana Solomon nyunu wɔ (Asese) aluolue bo wɔ Etanim bosome, bɔ ɔte bosome bɔ ɔtɔ so nzoo ne anu.
Yiti sɔ mmerɛ ne, Solomon ne Yisraelfoɛ amukoraa, ofi Lebo Hamate bɔ ɔkwaadwu Misraim bɔnza ne anu, bɛbɔle dwaa kandinga belili aluolue ne wɔ AWURADE yɛ Nyameɛ nyunu ɛlɛsoo.
Belili Asese aluolue ne, kyɛbɔ bahyerɛ bato berɛ ne. Ngaka somaa bɔ ɛlɛho biala odi kyɛ bɛfa bɛbɔ naen yeralɛ afɔleɛ wɔ aluolue ne anu ne, belili so kyɛbɔ nhyehyɛleɛ ne te ne ala.
