Yohane 7:19 - AHYERƐLƐ KRONGRON

¹⁹ Aso Mose amva mmeraa ne wamma ɛmɔ? Nakoso ɛmɔ nu biala nni mmeraa ne aso. Nzu ati yeɛ ɛmɔpena me beku me ɔ?”

Yohane 7:19 Iomraidhean Croise

Mateo 12:14

Yeɛ Farasiifoɛ nemɔ fili berɛ bɛhɔle aluo dɔ, na bɛbɔle ye ti so porɛ bɛpenane atee bɔ bɛkɔfa so bekohu ye ɔ.

Mateo 21:38

Nakoso mmerɛ bɔ hwɛsofoɛ nemɔ nwuni ɔwa ne nen, besisele bɛ nwo kyɛ, ‘Bɔ odi ye bia ne ɛhe; ɛmɔbra ma yɛhu ye, ná yɛfa ye agyapadeɛ ne!’

Marko 11:18

Na asɔfo mbanyi ne ahyerɛlɛfoɛ nemɔ bɛtele sɔ dwirɛ ne nen, bɛpenane atee bɔ bɛkɔfa so bekohu ye ɔ; nakoso né besuro ye, ofikyɛ ye ngyerɛkyerɛ ne yɛle ɛlɔen ne amukoraa nwanwa.

Marko 3:4

Na obisale bɛ kyɛ, “Yiti mmeraa ma ate kyɛ yɛyɔ paa anaakyɛ bɔne afofikyẽa, kyɛ yɛkole ebie ngoa anaakyɛ yɛkohu ye ɔ?” Na bɛyɛle konn.

Marko 3:6

Yeɛ Farasiifoɛ nemɔ fili berɛ fitele, na berɛ ne ala, bɛ ne Herodefoɛ bɛɛbɔle ye ti so porɛ bɛpenane atee bɔ bɛkɔpe so bekohu ye ɔ.

Yohane 1:17

Mmeraa ne de, bɛnate Mose so yeɛ bɛfa bɛmane ɔ; na adom ne nahorɛ ne de, ɔnate Yesu Kristo so yeɛ bɛwale ɔ.

Yohane 10:39

Na bɛbɔle mmɔden bieku kyɛ bɛkɔhye ye ɔ, nakoso onyane ye nwo tetele fili bɛ sa nu hɔle.

Yohane 11:53

Yiti ofi sɔ kyẽa ne bɔ ɔkɔ ɔ, bɛbɔle porɛ kyɛ bekohu ye.

Yohane 5:16

Na ɔnate sɔ ati, Yudafoɛ nemɔ tanene Yesu nye, ofikyɛ ɔyɔle sɔ afofikyẽa.

Yohane 5:18

Na ɔnate sɔ ati, Yudafoɛ mɔ mane bɛ nye borole kyɛ bekohu ye ɔ, kyɛ, nna afofikyẽa ngome yeɛ wabu so ɔ; na mmom ɔnwa Nyameɛ te ye bɔbɔ ye Baba, bɔ ɔfa kyire kyɛ ɔne Nyameɛ bɛte pɛ ɔ.

Yohane 5:45

Nnɛma ɛmɔdwene kyɛ me yeɛ ngɔbɔ ɛmɔ kwaadu wɔ me Baba ne nyunu ɔ; bɔ ɔbɔ ɛmɔ kwaadu ne wɔ berɛ, na ye ole Mose bɔ ɛmɔafa ɛmɔ nye bato ye so ne.

Yohane 7:1

Na ɛhemɔ asi ne, Yesu hyinini Galilea; wanguro kyɛ ɔkɔhɔ Yudea, ofikyɛ né Yudafoɛ nemɔ bɛpena ye beku ye.

Yohane 7:25

Yeɛ Yerusalemfoɛ nemɔ bie hane kyɛ, “Aso nna biaa he yeɛ bɛpena ye beku ye ne?

Asomafoɛ 7:38

Mmerɛ bɔ Yisrael ɛlɔen ne yiale ɛserɛ so nen, né Mose boka bɛ so; ɔne yɛ nana mɔ yeɛ né bɛwɔ berɛ ɔ, afei koso né ɔne abɔfo bɔ odwudwo hyirele ye wɔ Sinai Bokaa ne aso ne wɔ berɛ, na olele Nyameɛ ngoa dwirɛ ne mane yɛ.

Galatiafoɛ 3:19

Afei mmeraa ne botaeɛ ole sɛɛ? Mmeraatolɛ ti yeɛ ɔmaa bɛfa bɛbokale so ɔ, kɔpem kyɛ Abraham bosoniɛ bɔ yiti yeɛ bɛhyɛle bɔ ne ɔkɔwa ɔ. Nyameɛ hyehyɛle mmeraa ne, na ɔnate abɔfo mɔ so yeɛ ɔhyehyɛle ye wɔ ndamgyinaniɛ bie sa nu ɔ.

Galatiafoɛ 6:13

Na bɛ bɔ bapɛ bɛ bienzua ne po, bɛ bɔbɔ benni mmeraa ne aso; nakoso bɛpena kyɛ ɛmɔpɛ ɛmɔ bienzua, amaa ɔnate so bahoahoa bɛ nwo ɛmɔ nwonaen nu.

Deuteronomi 1:17

Nnɛma ɛmɔbua ndɛengyea, na mmom ɛ́mɔyɛ asoɛ bétie kwahweabaa mɔ dwirɛ kyɛbɔ ɛmɔtie atitirefoɛ ne ala. Nnɛma ɛmɔsuro sona nyunu, ofikyɛ ndɛenbualɛ ne te Nyameɛ deɛ. Na edwirɛ biala bɔ ɔbo ɛmɔ so ne, ɛ́mɔfa bɛbra me gya so, na ngoli.’

Deuteronomi 33:4

Mose hyɛle mmeraa mane yɛ, kyɛ ɔte Yakob badwa agyapadeɛ.