Yohane 7:15 - AHYERƐLƐ KRONGRON

¹⁵ Na ɔyɛle Yudafoɛ nemɔ nwanwa maa bɛhane kyɛ, “Ɔyɛle sɛɛ bɔ biaa he nyane nimdeɛ sɔa ɔ, wɔ aberɛ bɔ ossuane nwomaa biala ɔ?”

Yohane 7:15 Iomraidhean Croise

Yesaya 29:12

Yeɛ sɛ bɛfa bɛma ebie bɔ ɔnze nwomaa kyɛ “Mesrɛ wɔ kenga ɛhe” a, ɔkã kyɛ, “Menze nwomaa.”

Mateo 13:54

Na ɔhɔle ye bɔbɔ ye kuro nen, ɔyɛle ngyerɛkyerɛ hyirele bɛ wɔ bɛ nyianu sua nu maa bɛ nwo dwirili bɛ, na bebisale kyɛ, “Nisua yeɛ biaa he onyane sɔ nworɛ ne anwanwadeɛ tumi hemɔ fili ɔ?

Mateo 22:22

Na bɛtele edwirɛ he nen, ɔyɛle bɛ nwanwa, na befili ye nwo berɛ besili nu bɛhɔle.

Mateo 22:33

Na ɛlɔen ne tele ɛhe nen, ye ngyerɛkyerɛ ne yɛle bɛ nwanwa.

Luka 2:47

Na bɛ bɔ betiele ye ne amukoraa, ye nworɛ ne ye mmuayɛɛ ne yɛle bɛ nwanwa.

Luka 4:22

Na bɛ mukoraa bɛhane edwirɛ paa bɛfale Yesu nwo, na ye noa dwirɛ bɔ ɔte adom dwirɛ ne ɔyɛle bɛ nwanwa; nakoso bebisale kyɛ, “Aso nna Yosef awa ne ɛhe anaa?”

Yohane 1:19

Na adanzeɛ he yeɛ Yohane lili ɔ, mmerɛ bɔ Yudafoɛ bɛsomane asɔfo mɔ ne Lewifoɛ befili Yerusalem maa beebisale ye kyɛ, “Nwa ole wɔ?”

Yohane 7:11

Né Yudafoɛ nemɔ bɛpenane ye wɔ aluolue ne abo, na bebisale kyɛ, “Ɔwɔ nisua?”

Yohane 7:13

Nakoso né besuro Yudafoɛ nemɔ, yiti ebiala anye ye nyunu wanga ye nwo dwirɛ.

Yohane 7:46

Na asomvoɛ nemɔ buale kyɛ, “Sona biala nne berɛ bɔ wadwudwo kyɛ biaa he ɔ le!”

Asomafoɛ 26:24

Na Pɔɔlo wɔ so bɔ ɔye ye noa nen, Festo teane ye kyɛ, “Pɔɔlo, w’adwene nyɛ adwuma! Wɔ nwomaa sualɛ pembe ne abɔ afa wɔ ti anu!”

Asomafoɛ 4:13

Na benwuni kyɛ Petro ne Yohane b’ahone yɛ se, ná besa benwuni kyɛ bɛte kwahweabaa mɔ bɔ bɛnze nwomaa nen, ɔyɛle bɛ nwanwa; na afei benwuni kyɛ bɛne Yesu yeɛ bɛnatele ɔ.

1 Samuel 10:11

Na mmenia bɔ bɛse ye daa amukoraa nwuni ye kyɛ ɔne ngɔmhyɛlɛfoɛ nemɔ bɛ́hyɛ ngɔm nen, bebisabisale bɛ nwo kyɛ, “Nzikyɛ nikye yeɛ wate wape Kise awa ye aso ye? Sɔɔlo koso boka ngɔmhyɛlɛfoɛ nemɔ so hɔ ɔ?”