Yohane 6:9 - AHYERƐLƐ KRONGRON

⁹ “Abɛɛmaa bie wɔ wa bɔ ole ayuo paanoo nnu ne tiré nyɔ ɔ; nakoso ɛhe de, aso ɔkɔso mmenia wora he di?”

Yohane 6:9 Iomraidhean Croise

1 Ahemvo 4:28

Afei koso, mbɔngɔ ne mbɔngɔ bɔ bɛtwe teaseɛnam nemɔ, né bɛfa ayuo ne ɛserɛ bɛbrɛ bɛ wɔ nekaa bɔ begua ɔ, kyɛbɔ bahyehyɛ bama bɛ nu biala ɔ.

2 Ahemvo 7:1

Yeɛ Elisa buale kyɛ, “Ɛ́mɔtie AWURADE noa dwirɛ: AWURADE nwa nyoo, ‘Ɛhema bekye sɔa, bɛkɔfa esam paa kilo buru ne nyɔ bekole sekel ko, ná bafa ayuo kilo aburanyɔ ne nna bale sekel ko, wɔ Samaria dwaa nu.’ ”

Edwein 147:14

Ɔma asomdwee ba w’aseɛ so, na ɔma wɔ atokoɔ paa ma wɔ ko yi.

Edwein 78:19

Bedwudwo betiale Nyameɛ kyɛ, “Aso Nyameɛ kɔhora kɔma yɛ aleɛ wɔ ɛserɛ so?

Edwein 78:41

Besole Nyameɛ bɛneane mmerɛ pee, na bewurale Yisrael Krongronniɛ ne apue.

Edwein 81:16

Ahaa ngɔma bɛ aleɛ paa maa bekoli, na ngɔma bɛ nyɔbotaen nu woɛ ma bɛ ko koyi.”

Hesekiel 27:17

Yuda ne Yisrael maen bɛ ne wɔ lili dwaa. Bɛfale atokoɔ bɔ ofi Minite, ayuo, woɛ, ngoo ne sakyeɛ yeɛ bɛsesane wɔ dwaa nningyein ɔ.

Mateo 14:17

Na bebuale ye kyɛ, “Yɛlle aleɛ biala wɔ wa, sana paanoo nnu ne tiré nyɔ.”

Mateo 16:9

Ɛmɔnnya bɛttele ye bo? Ɛmɔngaye paanoo nnu bɔ mmenia apee nnu belili ne, ɔne ye bo mboporoka ngɛndɛen somaa bɔ ɛmɔsesale ne?

Marko 6:38

Na obisale bɛ kyɛ, “Paanoo nyɛɛ yeɛ ɛmɔle ɔ? Ɛmɔhɔ bɛɛnea.” Bɛɛneane, na besele kyɛ, “Nnu, yeɛ tiré nyɔ.”

Marko 8:19

Mmubuli paanoo nnu mane mmenia apee nnu ne, ye bo mboporoka kɛndɛen fokyefokyee nyɛɛ yeɛ ɛmɔsesale ɔ?” Na bebuale ye kyɛ, “Buru ne nyɔ.”

Luka 9:13

Nakoso Yesu sele bɛ kyɛ, “Ɛ́mɔma bɛ nikyee ma beli.” Na bebuale kyɛ, “Bɔ yɛle ye amukoraa ole paanoo nnu ne tiré nyɔ ala, sana yɛkɔɔtɔ aleɛ yɛma mmenia ne amukoraa?”

Yohane 11:21

Yeɛ Maata sele Yesu kyɛ, “Awurade, sɛ né ɛwɔ wa a, ahaa nniɛma bienzua ne anwu.

Yohane 11:32

Yeɛ Maria dwuli nekaa bɔ né Yesu wɔ ne, na onwuni ye nen, ɔkotole ye gya bo berɛ sele ye kyɛ, “Awurade, sɛ né ɛwɔ wa a, ahaa nniɛma bienzua ne anwu.”

Yohane 21:10

Na Yesu sele bɛ kyɛ, “Naen bɔ ɛmɔhyele ye kekesaala ye ne, ɛ́mɔfa bie bɛbra!”

Yohane 21:13

Na Yesu ɔɔfale paanoo ne, na ɔfa mane bɛ, ɔne naen ne koso sɔ ala.

Yohane 21:9

Na bedwuli etii so berɛ nen, benwuni kyɛ bahua see bɔ naen gua so ɔ, ɔne paanoo.

Yohane 6:11

Na Yesu fale paanoo ne, ɔlale ase, na ɔhyɛ mane bɛ bɔ bɛtete berɛ ne; na sɔ ala yeɛ ɔyɛle tiré ne koso ɔ, somaa biala bɔ behia ɔ.

Yohane 6:7

Na Filipo buale ye kyɛ, “Denare ɛyaa nyɔ po ɔngɔso paanoo bɔ ebiala konya kaala koli ɔ tɔ.”

2 Korintofoɛ 8:9

Ɛmɔse kyɛbɔ y’Awurade Yesu Kristo adom ne si te ɔ: né wanya ye nwo, nakoso ɔnate ɛmɔ ti ɔyɛle hianiɛ, amaa ɛmɔafa ye hiaa ne aso banya bɛ nwo.

Deuteronomi 32:14

ɔmane ye nandwie nyɔfonesue nye loe, ɔne boaen nyɔfonesue, mmoaen bɔ balɔ ɔ, Basan mmoaen nyii ne mbɔngye; ɔne atokoɔ paa, na ɛnone bobe mmaa nzaa bɔ bahwi ye gyengɔgyengɔ ɔ.

Deuteronomi 8:8

aseɛ bɔ atokoɔ ne ayuo, bobe ne borɔdoma ne akengaa wɔ so ɔ, aseɛ bɔ olive mmakaa ne woɛ wɔ so ɔ,

Nyekyire 6:6

Na ndele komviɛ bie mvili abɔdeɛ teasefoɛ nna nemɔ b’afia berɛ kyɛ, “Aburoo kongo ko te denare ko, yeɛ atokoɔ kongo nza te denare ko; nakoso ngoo ne nzaa de, nnɛsɛkye bɛ.”