Yohane 6:70 - AHYERƐLƐ KRONGRON

⁷⁰ Na Yesu buale bɛ kyɛ, “Aso nna me yeɛ maneanea nu maye ɛmɔ, mmenia buru ne nyɔ ye ɔ? Nakoso, aso ɛmɔ nu ko ɔtte abɔnzam?”

Yohane 6:70 Iomraidhean Croise

Yohane 13:18

“Nna ɛmɔ amukoraa bɛ nwo dwirɛ yeɛ mekã ɔ, na me de, mese bɛ bɔ maneanea nu maye bɛ ɔ. Na ɛhe yeɛ ɔkɔma Ahyerɛlɛ ne kɔwa nu kyɛ, ‘Sona bɔ ɔne me to asaa didi ne, ye yeɛ waye me wama ɔ.’

Yohane 13:2

Na nɔsoa bɔ bɛbaadidi nen, né abɔnzam anya afa awura Yudase Yiskariote, Simɔn awa ne, ye ti anu kyɛ ɔye Yesu ma.

Yohane 13:21

Na Yesu hane sɔ yiele nen, ye wora bɔle sunzum nu, na ɔfa tole dwaa kyɛ, “Nahorɛ nu paa, mekã mekyire ɛmɔ kyɛ, ɛmɔ nu ko kɔye me kɔma.”

Yohane 13:27

Na olele paanoo sii ne nen, yeɛ Abɔnzam oowurale ye nu ɔ. Yeɛ Yesu sele ye kyɛ, “Bɔ ɛbaayɔ ne, yɔ ye ndɛ!”

Yohane 15:16

Nna ɛmɔ yeɛ ɛmɔaneanea nu baye me ɔ, na mmom me yeɛ maneanea nu maye ɛmɔ ɔ. Na matu ɛmɔ masie berɛ kyɛ ɛmɔhɔ beesu mmaa, ná ɛmɔ mmaa ne bɛhɔ so bɛtena berɛ; na nikyee biala bɔ ɛmɔkobisa Baba ne wɔ me dumaa nu nen, ɔkɔfa kɔma ɛmɔ.

Yohane 15:19

Sɛ ɛmɔfi wiase a, ahaa wiase kohuro ɛmɔ dwirɛ kyɛ ye bɔbɔ ye deɛ. Na ɔnate kyɛ nna wiase yeɛ ɛmɔfi ɔ, na mmom me yeɛ maneanea nu maye ɛmɔ mafi wiase ne ati, yiti yeɛ ɔma wiase pɔ ɛmɔ ne.

Yohane 17:12

Mmerɛ bɔ né me ne bɛ yɛwɔ wiase ne, mvale bɛ bɔ afa bɛ ama me ne nziele wɔ wɔ dumaa nu. Mabɔ bɛ nwo waen, na bɛ nu biala ammini, sana baa bɔ wamini ne; bɔ ɔnate so Ahyerɛlɛ ne awa nu ɔ.

Yohane 2:2

Bɛtole bɛ sa bɛfrɛle Yesu ne ye asuafoɛ nemɔ maa bɛwale atɔmvorɛ ne abo bie.

Yohane 20:24

Na Tɔmase (bɔ bɛfrɛ ye Ata ne), bɔ ɔte asuafoɛ buru ne nyɔ nemɔ anu ko ne, Yesu wale ne, né ɔnne bɛ nu berɛ bie.

Yohane 6:64

Nakoso ɛmɔ nu biemɔ wɔ berɛ bɔ benne benni ɔ.” Na ofi ahyɛaseɛ ne, né Yesu se bɛ bɔ benne benni ɔ; ɔne sona bɔ ɔkɔye ye kɔma ne.

Yohane 6:67

Yiti Yesu bisale mmenia buru ne nyɔ ne kyɛ, “Ɛmɔ koso, ɛmɔpena kyɛ ɛmɔkɔ bie anaa?”

Yohane 6:71

Né ɔne Yudase Yiskariote, Simɔn awa ne; ofikyɛ ye yeɛ né ɔbaaye ye ma ɔ, nakoso né ɔte asuafoɛ buru ne nyɔ nemɔ anu ko.

Yohane 8:44

Ɛmɔ de, ɛmɔ baba bɔ ɛmɔfi ye nu ole abɔnzam, na ɛmɔ baba n’apɛdeɛ yeɛ ɛmɔkuro kyɛ ɛmɔyɔ ɔ. Ɔte wudiniɛ fi ahyɛaseɛ ne; na ollili nahorɛ le, ɔnate kyɛ nahorɛ biala nne ye nu. Sɛ ɔkã ngondombo dwirɛ a, kyɛbɔ ye sue te ne ala yeɛ ɔkã ɔ, ofikyɛ ɔte ngondomboniɛ ne ngondombo baba.

Asomafoɛ 1:17

Né ɔboka yɛ asuafoɛ fekue ne aso, ofikyɛ bɛyele ye maa onyane kyɛfa wɔ adwuma he anu.”

Asomafoɛ 13:10

na osele ye kyɛ, “Ɛte abɔnzam sona! Ɛte tenenee mukoraa pɔfoɛ, nnakannaka ne amumuyɛɛ ayi wɔ ti anu tɛkyɛ, aso ɛngɔyakyi kyɛ ɛkɔhyea Awurade tenenee atee ne ɔ?

1 Timoteo 3:11

Sɔ ala yeɛ ɔsɛ kyɛ bɛ ye mɔ koso bɛyɛ mmenia bɔ bɛ nyunu le animnyam ɔ, bɔ bɛmmɔ nzekure, na mmom bɛ nwo dwo, ná bedi nahorɛ wɔ nikyee biala nu ɔ.

Tito 2:3

Sɔ ala yeɛ kyirekyire nworowaa nemɔ ma bɛbɔ bra bɔ ɔte krongron ɔ. Ɔnzɛ kyɛ bedi nzekure anaa bɛyɛ akɔnomnzafoɛ; na mmom ɔsɛ kyɛ bekyirekyire bɔ ɔte paa ɔ,

1 Yohane 3:8

Ebiala bɔ ɔyɔ bɔne te abɔnzam sona, ofikyɛ ofi ahyɛaseɛ ne yeɛ abɔnzam yɔ bɔne ɔ. Na ɔnate ɛhe ati yeɛ Nyameɛ Awa ne ɔɔlale ye nwo ali kyɛ ɔbaasɛkye abɔnzam nnwumaa.