Yohane 6:7 - AHYERƐLƐ KRONGRON

⁷ Na Filipo buale ye kyɛ, “Denare ɛyaa nyɔ po ɔngɔso paanoo bɔ ebiala konya kaala koli ɔ tɔ.”

Yohane 6:7 Iomraidhean Croise

2 Ahemvo 4:43

Nakoso ye somvoɛ ne bisale kyɛ, “Aso ɛhe kɔso mmenia ɛyaa ko di?” Yeɛ Elisa sa sili so kyɛ, “Fa ma mmenia ne maa beli, ofikyɛ AWURADE nwa, ‘Bekoli maa ebie kɔha.’ ”

Mateo 18:28

“Na sɔ akoaa ne ala fili berɛ bɔ ɔkɔ nen, onwuni obiɛngo akoaa ko bɔ ɔma ye kerɛ denare ɛyaa ko; yeɛ obumane ye komvi sele ye kyɛ, ‘Tua me kerɛ!’

Marko 6:37

Na obuale bɛ kyɛ, “Ɛ́mɔma bɛ nikyee ma beli.” Na bebisale ye kyɛ, “Yɛɛtɔ paanoo denare ɛyaa nyɔ yɛfa yɛma bɛ ma beli anaa?”

Yohane 1:43

Aleɛ hyene ne, Yesu yɛle ye adwene kyɛ ɔkɔ Galilea. Onwuni Filipo, na osele ye kyɛ, “Di me si!”

Yohane 1:44

Filipo fi Betesaeda, Andrea ne Petro bɛ kuro.

Yohane 1:45

Filipo nwuni Nataneɛl, na osele ye kyɛ, “Bɔ Mose, wɔ mmeraa ne anu, ɔne bɔ ngɔmhyɛlɛfoɛ bɛhyerɛle ye nwo dwirɛ ne, yanwu ye: Yesu bɔ ofi Nasarɛte, Yosef awa ne.”

Yohane 1:46

Na Nataneɛl bisale ye kyɛ, “Aso nikyee paa bie kɔhora kofi Nasarɛte kɔwa?” Yeɛ Filipo buale ye kyɛ, “Bra baanea.”

Yohane 1:48

Na Nataneɛl bisale ye kyɛ, “Nisua yeɛ ɛse me ɔ?” Yesu buale kyɛ “Anzana Filipo baafrɛ wɔ, bɔ né ɛwɔ borɔdoma bakaa ne abo nen, yeɛ nwuni wɔ ɔ.”

Yohane 12:5

“Nzu ati yeɛ bandɔne sakyeɛfona ye denare ɛyaa nza, ná bamva bamma ehiafoɛ ɔ?”