Yohane 6:66 - AHYERƐLƐ KRONGRON

⁶⁶ Na ofi sɔ mmerɛ ne, ye asuafoɛ nemɔ anu pee besale bɛ si, na bɛ ne ye annate ko.

Yohane 6:66 Iomraidhean Croise

Sefania 1:6

yeɛ bɛ bɔ bayakyi AWURADE sililɛ, bɛ bɔ bɛmbena AWURADE si atee bɔ bɛmva bɛ dwirɛ bɛndo ye nyunu ɔ.”

Mateo 19:22

Na aberandeɛ ne tele edwirɛ he nen, ole aworabɔlɛ sili nu hɔle; ofikyɛ né ole anwonyadeɛ pee.

Luka 9:62

Na Yesu sele ye kyɛ, “Ebiala bɔ ɔkɔsɔ buralɛ bɔ bɛfa befundam aseɛ nu ná ɔkɔnea ye si nen, ɔmvata Nyameɛ ahennie ne anu.”

Yohane 2:2

Bɛtole bɛ sa bɛfrɛle Yesu ne ye asuafoɛ nemɔ maa bɛwale atɔmvorɛ ne abo bie.

Yohane 6:60

Na ye asuafoɛ nemɔ anu pee bɛtele sɔ dwirɛ nen, bɛhane kyɛ, “Ngyerɛkyerɛ he de, ɔyɛ se; nwa yeɛ ɔkɔhora kotie ɔ?”

Yohane 6:64

Nakoso ɛmɔ nu biemɔ wɔ berɛ bɔ benne benni ɔ.” Na ofi ahyɛaseɛ ne, né Yesu se bɛ bɔ benne benni ɔ; ɔne sona bɔ ɔkɔye ye kɔma ne.

Yohane 7:3

Yiti oliɛma nemɔ sele ye kyɛ, “Fi wa kɔ Yudea, ná w’asuafoɛ nemɔ benwu nnwumaa bɔ ɛ́yɔ ne.

Yohane 8:31

Yeɛ Yesu sele Yudafoɛ bɔ belele ye belili ne kyɛ, “Sɛ ɛmɔtira me dwirɛ ne anu a, ye de ɛmɔte m’asuafoɛ amba,

2 Timoteo 1:15

Ɛse kyɛ bɛ bɔ bɛwɔ Asia amukoraa bayakyi me nu bahɔ; Figɛlo ne Hɛmogen koso bɛboka so.

2 Timoteo 4:10

Ofikyɛ Dema ahuro kekesaala ye wiase ye dwirɛ, na wayakyi me nu wasi nu wahɔ Tɛsalonika; Kreseke ahɔ Galatia, yeɛ Tito ahɔ Dalmatia.

Hebrifoɛ 10:38

Na teneneeniɛ de, ɔnate ye gyidie so yeɛ okonya ngoa ɔ; nakoso sɛ osa ye si de a, me kra nye ngɔgye ye nwo.”

1 Yohane 2:19

Befi yɛ nu yeɛ bɛhɔle ɔ, nakoso né bɛmmɔ yɛ fekue ne bie. Ofikyɛ sɛ bɛbɔ yɛ fekue ne bie a, ahaa bɛ ne yɛ hɔle so tenane. Na bafi yɛ nu maa wala ali kyɛ bɛ mukoraa bɛmmɔ yɛ fekue ne bie.