Yohane 6:57 - AHYERƐLƐ KRONGRON

⁵⁷ Kyɛbɔ Baba teasefoɛ ne ɔsomane me nen, sɔ ala yeɛ Baba ne ati nde ase ɔ; yiti ebiala bɔ odi me nwonaen nen, me ti ɔkɔtena ase.

Yohane 6:57 Iomraidhean Croise

Edwein 18:46

AWURADE te ase! Me nyɔbotaen, meye wɔ ayɛ! Me ngoadefoɛ Nyameɛ, mekamvo wɔ!

Yeremia 10:10

Nakoso AWURADE yeɛ ɔte nahorɛ Nyameɛ ne ɔ; ye yeɛ ɔte Nyameɛ teasefoɛ ne Ɛhene afebɔɔ ne ɔ. Sɛ ye ahone hu a, aseɛ woso, na amaen maen mɔ bɛngora ye yaafɛlɛ noa gyina.

Mateo 16:16

Na Simɔn Petro buale kyɛ, “Wɔ ole Kristo ne, Nyameɛ teasefoɛ n’Awa ne.”

Yohane 14:19

Waha kãa bie né wiase nnwu me ko, nakoso ɛmɔ de, ɛmɔkonwu me; ɔnate kyɛ nde ase, na ɛmɔ koso ɛmɔkɔtena ase.

Yohane 14:6

Na Yesu buale ye kyɛ; “Me ole atee ne, nahorɛ ne, ɔne ngoa ne; ebiala mma Baba ne berɛ, sana ɔnate me so.

Yohane 17:21

amaa ɔnate so bɛ mukoraa bayɛ ko; kyɛbɔ wɔ, Baba, ɛwɔ me nu, ná me koso nwɔ wɔ nu ne, ná bɛ koso bayɛ ko wɔ yɛ nu, ná wiase ole li kyɛ wɔ yeɛ ɛsomane me ɔ.

Yohane 3:17

“Ofikyɛ, Nyameɛ anzoma Ɔwa ne maa wamma wiase kyɛ oobua wiase ndɛen, na mmom kyɛ ɔkɔfa ye so kole wiase ɔ.

Yohane 5:26

Na kyɛbɔ Baba ne ole ngoa wɔ ye bɔbɔ ye nu nen, sɔ ala yeɛ wafa wama Baa ne kyɛ ye koso onya ngoa wɔ ye bɔbɔ ye nu ɔ;

Yohane 6:29

Na Yesu buale bɛ kyɛ, “Bɔ ɔte Nyameɛ adwuma ɛhe, kyɛ ɛmɔkole bɔ wasoma ye ne bekoli ɔ.”

Yohane 6:38

Ɔnate kyɛ mvi nyameɛso mawa ase, nna kyɛ mebaayɔ me bɔbɔ m’apɛdeɛ, na mmom bɔ ɔsomane me n’apɛdeɛ.

1 Korintofoɛ 15:22

Na kyɛbɔ ɔnate Adam ti mmenia mukoraa nya ewue ne, sɔ ala yeɛ Kristo ti bɛ mukoraa bekonya ngoa ɔ.

1 Korintofoɛ 15:45

Ofikyɛ bahyerɛ kyɛ, “Adam bɔ oli moa ne ɔɔyɛle ɛkra teasefoɛ;” na Adam bɔ oli nziɛ ne ɔɔyɛle sunzum bɔ ɔma ngoa ɔ.

2 Korintofoɛ 13:4

Ɔwɔ nu kyɛ bɛbɔle ye mmeamudua nu wɔ mmerɛyɛlɛ nu de, nakoso ɔnate Nyameɛ tumi so ɔte ase. Yɛ koso, yɛyɛ mmerɛ wɔ ye nu, nakoso yɛnate Nyameɛ tumi so yɛne ye kɔtena ase.

Galatiafoɛ 2:20

Babɔ me ne Kristo mmeamudua nu; yiti nna me yeɛ nde ase ko ɔ, na mmom Kristo yeɛ ɔte ase wɔ me nu ɔ. Na m’ase bɔ nde ye kekesaala ye wɔ anwoɔnaen nu ye de, ɔnate gyidie wɔ Nyameɛ Awa, bɔ okuro me dwirɛ na ɔfale ye ngoa tole berɛ mane me ne anu yeɛ nde ase ɔ.

1 Tɛsalonikafoɛ 1:9

Sɔ mmenia nemɔ bɔbɔ deinn bɛkã kyɛbɔ ɛmɔsi belele yɛ nyemene so, ɔne kyɛbɔ ɛmɔasi bahwe bɛ nwo bafi mmosoen nwo bawa Nyameɛ berɛ, kyɛ ɛmɔkɔso Nyameɛ teasefoɛ ne nahorɛniɛ ne,

Hebrifoɛ 9:14

nzaade Kristo bɔ ɔnate Sunzum bɔ ɔwɔ berɛ afebɔɔ ne aso fale ye nwo bɔle afɔleɛ bɔ ngekalewa biala nne ye nwo mane Nyameɛ nen, ɔkɔyɛ sɛɛ bɔ ye mogya ngɔte yɛ tiboa nwo ngofi yɔleɛ mbaen mbaen nwo ma yɛngɔso Nyameɛ teasefoɛ ne ɔ?

1 Yohane 4:9

Kyɛbɔ Nyameɛ yele ye dɔ ne ali wɔ yɛ nu ɛhe: Nyameɛ somane Ɔwa komapɛ twe ne maa ɔwale wiase, amaa ɔnate ye so yanya ngoa.