Yohane 6:56 - AHYERƐLƐ KRONGRON

⁵⁶ Ebiala bɔ odi me nwonaen ná ɔno me mogya nen, ɔte me nu, na me koso nde ye nu.

Yohane 6:56 Iomraidhean Croise

Edwein 90:1

AWURADE, wɔ yeɛ ɛte y’afealeɛ wɔ aworɛ ndoatoasoɛ amukoraa nu ɔ.

Edwein 91:1

Sona bɔ ɔtena Anwuro Anwuroniɛ n’afealeɛ nu, bɔ yeɛ ɔtena Tuminiɛ ne, ye fɔnwoo ne anu ne,

Edwein 91:9

Ɔnate kyɛ afa AWURADE ayɛ w’afealeɛ, ná afa Anwuro Anwuroniɛ ne ayɛ w’atenaleɛ ne ati,

Awuye 3:24

Me kra nwa, “AWURADE yeɛ ɔte me bue deɛ ɔ, yiti ngɔfa me wora ngowura ye nu.”

Yohane 14:20

Na sɔ kyẽa ne, ɛmɔkonwu kyɛ nwɔ Baba ne nu, ná ɛmɔwɔ me nu, ná me wora nwɔ ɛmɔ nu ɔ.

Yohane 14:23

Na Yesu buale ye kyɛ, “Sɛ ebie kuro me dwirɛ a, okoli me dwirɛ so, na me Baba kohuro ye dwirɛ, na yɛkɔwa ye berɛ, ná yaayɔ yɛ atenaleɛ wɔ ye berɛ.

Yohane 6:55

Ɔnate kyɛ me nwonaen te aleɛ amba, yeɛ me mogya te anonneɛ amba.

2 Korintofoɛ 6:16

Nzikyɛ ngitahoɛ yeɛ ɔwɔ Nyameɛ asɔneyɛɛ sua ne mmosoen b’afia ɔ? Ofikyɛ yɛte Nyameɛ teasefoɛ n’asɔneyɛɛ sua, na Nyameɛ waha ne, “Me ne bɛ kɔtena, na me ne bɛ yanate, Ngɔyɛ bɛ Nyameɛ, na bɛ wora bayɛ me maen.”

Ɛfesofoɛ 3:17

amaa Kristo afa gyidie so watena ɛmɔ ahone nu, ná ɛ́mɔatira ndii batindim wɔ ɔdɔ nu,

1 Yohane 2:24

Yiti ɛ́mɔma edwirɛ bɔ ɛmɔate bafi ahyɛaseɛ ne ɔtena ɛmɔ nu. Na sɛ bɔ ɛmɔate bafi ahyɛaseɛ ne tena ɛmɔ nu a, ɛmɔ koso ɛmɔkɔtena Baa ne ne Baba ne nu daa.

1 Yohane 3:24

Na ebiala bɔ odi Nyameɛ ahyɛdeɛ so ne, ɔte ye nu, na ye koso ɔte ye nu. Na bɔ ɔmaa yɛnwu kyɛ ɔte yɛ nu ole Sunzum ne bɔ wafa wama yɛ ne.

1 Yohane 4:12

Ebiala nye nnwuni Nyameɛ le, nakoso sɛ yɛkurokuro yɛ nwo dwirɛ a, Nyameɛ tena yɛ nu, na ye dɔ ne di mu bɔkɔɔ wɔ yɛ nu.

Nyekyire 3:20

Tie! Ngyi anoa ne asi mebɔ nu; na sɛ ebie te me komvi ná okobukye anoa ne a, ngowura nu ngɔwa ye berɛ, ná me ne ye yaadidi, ná ɔne me koso adidi.