Yohane 6:52 - AHYERƐLƐ KRONGRON

⁵² Na ɛhe mane Yudafoɛ nemɔ bɛpɛle bɛ nwo besuli bɛ nwo aporowaa kyɛ, “Ɔkɔyɛ sɛɛ né biaa he wahora wafa ye nwonaen wamaa yali?”

Yohane 6:52 Iomraidhean Croise

Yohane 1:19

Na adanzeɛ he yeɛ Yohane lili ɔ, mmerɛ bɔ Yudafoɛ bɛsomane asɔfo mɔ ne Lewifoɛ befili Yerusalem maa beebisale ye kyɛ, “Nwa ole wɔ?”

Yohane 10:19

Na ɔnate edwirɛ hemɔ ati, Yudafoɛ nemɔ anu hyehyɛle bieku.

Yohane 3:4

Nikodemo buale ye kyɛ, “Ɔkɔyɛ sɛɛ né sona bɔ wanyi wayie ne, bahora bawo ye? Ɔkɔhora koowura ye maame kunu bieku maa bɛkɔwɔ ye anaa?”

Yohane 3:9

Na Nikodemo sele ye kyɛ, “Ɔkɔyɛ sɛɛ né ɛhemɔ bahora bawa nu sɔ?”

Yohane 4:11

Na braa ne sele ye kyɛ, “Yɛ mene, elle nikyee bɔ bɛfa bɛto nzue ɔ, yeɛ abura ne anu koso wale; yiti nisua yeɛ ekonya sɔ ngoa nzue ne kofi ɔ?

Yohane 6:41

Yeɛ Yudafoɛ nemɔ bɛpenepenene bɛ komvi beguale ye so, ofikyɛ ɔhane kyɛ, “Me ole paanoo bɔ ofili nyameɛso wale ase ne.”

Yohane 6:60

Na ye asuafoɛ nemɔ anu pee bɛtele sɔ dwirɛ nen, bɛhane kyɛ, “Ngyerɛkyerɛ he de, ɔyɛ se; nwa yeɛ ɔkɔhora kotie ɔ?”

Yohane 9:16

Yeɛ Farasiifoɛ ne anu biemɔ hane kyɛ, “Sɔ biaa ne, nna Nyameɛ berɛ yeɛ ofi ɔ, ɔnate kyɛ onni afofikyẽa so.” Na ebiemɔ koso bɛhane kyɛ, “Ɔkɔyɛ sɛɛ né sona bɔ ɔte bɔnefoɛ ɔ wahora wayɔ nzɛngyerɛnneɛ bɔ ɔte sɔaa ɔ?” Na bɛ nu hyehyɛle.

Asomafoɛ 17:32

Na mmerɛ bɔ bɛtele awufoɛ etingyelɛ nwo dwirɛ nen, bɛ nu biemɔ serele Pɔɔlo; na ebiemɔ koso hane kyɛ, “Yɛkuro kyɛ esa si dwirɛ he aso bieku mmerɛ foforɛ.”

1 Korintofoɛ 2:14

Ebiala bɔ Nyameɛ Sunzum nne ye nu ne, onnya akyɛdeɛ bɔ befi Sunzum ne berɛ ne, ofikyɛ akyɛdeɛ ne te sɔ sona ne nye so ngwaseasɛm; yeɛ ɔngora nde bɛ bo koso, ofikyɛ Sunzum ne yeɛ ɔboka sona maa ɔte akyɛdeɛ ne bo ɔ.