Yohane 6:46 - AHYERƐLƐ KRONGRON

⁴⁶ Nna kyɛ sona bie anwu Baba ne, sana bɔ ofi Nyameɛ berɛ ne, na ye yeɛ wanwu Baba ne ɔ.

Yohane 6:46 Iomraidhean Croise

Ɛksadɔso 24:10

Na benwuni Yisrael Nyameɛ ne. Né nikyee bie te kyɛ safire nyɔbotɛnderɛ wɔ ye gya bo, bɔ ye nye te kyɛ ewienu ala ɔ.

Mateo 11:27

Me Baba afa nningyein amukoraa awura me sa; na ebiala nze Baa ne, sana Baba ne; yeɛ ebiala nze Baba ne, sana Baa ne ne ebiala bɔ Baa ne kuro kyɛ ɔda ye adi kyire ye ɔ.

Luka 10:22

“Me Baba afa nningyein amukoraa awura me sa; na ebiala nze kyɛbɔ Baa ne te ɔ, sana Baba ne. Yeɛ ebiala nze kyɛbɔ Baba ne te ɔ, sana Baa ne ne ebiala bɔ Baa ne kuro kyɛ ɔda ye adi kyire ye ɔ.”

Yohane 1:18

Ebiala nnwuni Nyameɛ le; sana Baa komapɛ twe ne, bɔ ɔla Baba n’ahone nwo ne, na ye yeɛ wala ye ali wahyire ɔ.

Yohane 14:7

Sɛ ɛmɔse me a, ahaa ɛmɔanwu me Baba ne koso; na ofi ɛnɛ bɔ ɔkɔ ɔ, ɛmɔse ye, na ɛmɔanwu ye.”

Yohane 15:24

Sɛ manyɔ nnwumaa bɔ ebiala ɔyyɔle bie le wɔ bɛ nu a, ahaa benni bɔne nwo foɛ; na afei de, banwu ye, nakoso bapɔ me ne me Baba.

Yohane 5:37

Na Baba ne bɔ ɔsomane me ne, ye bɔbɔ wali me nwo adanzeɛ. Ɛmɔttele ye komvi le, yeɛ ɛmɔnnwuni ye sue le;

Yohane 7:29

Me de, mese ye, ofikyɛ mvi ye berɛ, na ye yeɛ ɔsomane me ɔ.”

Yohane 8:19

Yeɛ bebisale ye kyɛ, “Nisua yeɛ wɔ Baba wɔ ɔ?” Na Yesu buale kyɛ, “Ɛmɔnze me, yeɛ ɛmɔnze me Baba ne koso; na sɛ ɛmɔse me a, ahaa ɛmɔkonwu me Baba koso.”

Yohane 8:55

Nakoso ɛmɔnze ye, na me de, mese ye. Na sɛ mekã kyɛ menze ye a, ngɔyɛ ngondomboniɛ kyɛ ɛmɔ ala. Nakoso mese ye, na medi ye dwirɛ so.

Kolosefoɛ 1:15

Ye yeɛ ɔte Nyameɛ bɔ anyeɛ onnwu ye ne ye sɛso ɔ, abɔdeɛ amukoraa nu farebae.

1 Timoteo 6:16

bɔ ye ngome twe yeɛ onwu, ná ɔwɔ berɛ afebɔɔ, bɔ ɔte kanea bɔ ebie ngora mbingye ye nu, bɔ ebiala nnwuni ye le, ná ebiala ngɔhora ngonwu ye ne. Ye yeɛ anidie ne daa tumi te ye deɛ ɔ! Amen.

1 Yohane 4:12

Ebiala nye nnwuni Nyameɛ le, nakoso sɛ yɛkurokuro yɛ nwo dwirɛ a, Nyameɛ tena yɛ nu, na ye dɔ ne di mu bɔkɔɔ wɔ yɛ nu.