Yohane 6:38 - AHYERƐLƐ KRONGRON

³⁸ Ɔnate kyɛ mvi nyameɛso mawa ase, nna kyɛ mebaayɔ me bɔbɔ m’apɛdeɛ, na mmom bɔ ɔsomane me n’apɛdeɛ.

Yohane 6:38 Iomraidhean Croise

Yesaya 53:10

Nakoso né AWURADE kuro kyɛ odwiridwiri ye nwo ɔ, na ɔfale ye fale yealɛ nu. Na ɔnate kyɛ ɔfale ye kra bɔle bɔne nwo afɔleɛ ne ati, okonwu ye bosofoɛ, okonya ngoa tendenn, na ɔnate ye so yeɛ bɔ AWURADE kuro ne, ɔkɔwa nu ɔ.

Mateo 20:28

kyɛbɔ Sona Awa ne wamma kyɛ bɛso ye, na mmom kyɛ ɔbaaso, ná ɔfa ye ngoa ɔto berɛ ode mmenia pee ngoa ne.”

Yohane 3:13

Ebiala nne berɛ bɔ wafo wahɔ nyameɛso ɔ, sana bɔ ofi nyameɛso odwu wale ne, Sona Awa ne [bɔ ɔwɔ nyameɛso ne.]

Yohane 3:17

“Ofikyɛ, Nyameɛ anzoma Ɔwa ne maa wamma wiase kyɛ oobua wiase ndɛen, na mmom kyɛ ɔkɔfa ye so kole wiase ɔ.

Yohane 3:31

Bɔ ofi nyameɛso ba ne, odi mu tra mmenia mukoraa. Bɔ ofi aseɛ so ne, ɔte aseɛ so deɛ, na aseɛ so dwirɛ yeɛ ɔkã ɔ; na bɔ ofi nyameɛso ba ne, odi mu tra mmenia mukoraa.

Yohane 4:34

Na Yesu sele bɛ kyɛ, “M’aleɛ ole kyɛ ngɔyɔ bɔ ɔsomane me n’apɛdeɛ, na ngoyie ye adwuma ne ɔ.

Yohane 5:19

Na Yesu sele bɛ kyɛ, “Nahorɛ nu paa, mekã mekyire ɛmɔ kyɛ, Baa ne bɔbɔ ngora nyɔ hwee, sana bɔ onwu Baba ne kyɛ ɔyɔ ɔ; ofikyɛ nikyee biala bɔ ɔyɔ ne, ebie ala yeɛ Baa ne koso ɔyɔ ɔ.

Yohane 5:30

“Me de, mengora memva me tumi menyɔ hwee; kyɛbɔ mete ne, yeɛ mebua ndɛen ɔ, na me ndɛenbualɛ te turoloo. Ɔnate kyɛ nna me bɔbɔ m’apɛdeɛ yeɛ mepena ɔ, na mmom bɔ ɔsomane me n’apɛdeɛ.

Yohane 6:29

Na Yesu buale bɛ kyɛ, “Bɔ ɔte Nyameɛ adwuma ɛhe, kyɛ ɛmɔkole bɔ wasoma ye ne bekoli ɔ.”

Yohane 6:33

Nyameɛ paanoo ne ole bɔ ofi nyameɛso ba ase, ná ɔma wiase ngoa ne.”

Yohane 6:42

Na bɛhane kyɛ, “Aso nna ɛhe ole Yesu, Yosef awa ne, bɔ yɛse ye baba ne ye maame ɔ? Ɔyɛle sɛɛ bɔ afei ɔkã kyɛ, ‘Mvi nyameɛso yeɛ mmale ase ɔ?’ ”

Yohane 6:57

Kyɛbɔ Baba teasefoɛ ne ɔsomane me nen, sɔ ala yeɛ Baba ne ati nde ase ɔ; yiti ebiala bɔ odi me nwonaen nen, me ti ɔkɔtena ase.

Romanfoɛ 15:3

Ofikyɛ Kristo koso wanyɔ bɔ ɔkɔma ye ngome ye nwo kɔtɔ ye ɔ, kyɛbɔ bahyerɛ kyɛ, “Bɛ bɔ bɛbɔle wɔ alapaa ne, b’alapaa ne waagua me so.”

Ɛfesofoɛ 4:9

(Na sɛ ɔkã kyɛ: Ɔfo hɔle anwuro anwuro a, aso né ongyire kyɛ olili moa odwu hɔle aseɛ bo dɔ koraka?

Hebrifoɛ 5:8

Na ɔwɔ nu kyɛ ɔte Baa de, nakoso osuane sotie fili ye amaneɛnwunɛ ne anu;