Yohane 6:33 - AHYERƐLƐ KRONGRON

³³ Nyameɛ paanoo ne ole bɔ ofi nyameɛso ba ase, ná ɔma wiase ngoa ne.”

Yohane 6:33 Iomraidhean Croise

Yohane 13:3

Né Yesu se kyɛ Baba ne afa nningyein amukoraa wawura ye sa, kyɛ ofi Baba ne berɛ yeɛ ɔwale ɔ, na ɔ́kɔ Baba ne berɛ;

Yohane 16:28

Baba ne berɛ yeɛ mvi mmale wiase ɔ; na afei de, méfi wiase, na mékɔ Baba ne berɛ.”

Yohane 17:8

ofikyɛ edwirɛ bɔ ɛfa mane me ne, mafa mama bɛ; na bɛ koso basɔ nu, na banwu ye amba kyɛ wɔ berɛ yeɛ mvi mmale ɔ, na bale bali kyɛ wɔ yeɛ ɛsomane me ɔ.

Yohane 3:13

Ebiala nne berɛ bɔ wafo wahɔ nyameɛso ɔ, sana bɔ ofi nyameɛso odwu wale ne, Sona Awa ne [bɔ ɔwɔ nyameɛso ne.]

Yohane 6:32

Yeɛ Yesu sele bɛ kyɛ, “Nahorɛ nu paa, mekã mekyire ɛmɔ kyɛ, nna Mose yeɛ ɔmane ɛmɔ paanoo bɔ ofi nyameɛso ne ɔ; na mmom me Baba yeɛ ɔma ɛmɔ nahorɛ paanoo bɔ ofi nyameɛso ɔ.

Yohane 6:38

Ɔnate kyɛ mvi nyameɛso mawa ase, nna kyɛ mebaayɔ me bɔbɔ m’apɛdeɛ, na mmom bɔ ɔsomane me n’apɛdeɛ.

Yohane 6:41

Yeɛ Yudafoɛ nemɔ bɛpenepenene bɛ komvi beguale ye so, ofikyɛ ɔhane kyɛ, “Me ole paanoo bɔ ofili nyameɛso wale ase ne.”

Yohane 6:48

Me ole ngoa paanoo ne.

Yohane 6:50

Ɛhe ole paanoo bɔ ofi nyameɛso ba ase ne, kyɛ sona oli bie, ná wanwu.

Yohane 6:58

Ɛhe ole paanoo bɔ ofi nyameɛso wale ase ne. Bɔ ɛmɔ nana mɔ belili ná bewuwuli ne, nna sɔ yeɛ ɔte ɔ; na paanoo he de, ebiala bɔ odi ne, ɔkɔtena ngoa nu daa.”

Yohane 8:42

Yeɛ Yesu buale bɛ kyɛ, “Sɛ ɛmɔ Baba ole Nyameɛ a, ahaa ɛmɔkohuro me dwirɛ, ofikyɛ Nyameɛ nu yeɛ mvi mmale ɔ. Mamva me bɔbɔ me tumi so yeɛ mmale ɔ, na ye yeɛ ɔsomane me ɔ.

1 Timoteo 1:15

Ɛhe te nahorɛ dwirɛ bɔ ɔsɛ kyɛ bede bɛto nu bɔkɔɔ ɔ, kyɛ Kristo Yesu wale wiase oolele bɔnefoɛ bɔ nde bɛ hene ne ngoa.