Yohane 6:32 - AHYERƐLƐ KRONGRON

³² Yeɛ Yesu sele bɛ kyɛ, “Nahorɛ nu paa, mekã mekyire ɛmɔ kyɛ, nna Mose yeɛ ɔmane ɛmɔ paanoo bɔ ofi nyameɛso ne ɔ; na mmom me Baba yeɛ ɔma ɛmɔ nahorɛ paanoo bɔ ofi nyameɛso ɔ.

Yohane 6:32 Iomraidhean Croise

Edwein 78:23

Nakoso ɔhyɛle ewienu bɔ ɔwɔ anwuro, na obukyele nyameɛso anoa nemɔ;

Ɛksadɔso 16:4

Na AWURADE sele Mose kyɛ, “Ɛ́mɔtie, ngɔma aleɛ kɔtɔ kofi anwuro kogua ase kɔma ɛmɔ. Ɛlɛho biala mmenia ne kofite kɔɔsesa bɔ ɔkɔso bɛ di sɔ kyẽa ne ɔ. Na ɛhe kɔmaa ngonwu ye sɛ bekoli me mmeraa so anaakyɛ bengoli so a.

Ɛksadɔso 16:8

Na Mose sele kyɛ, “Nɔsoa biala, AWURADE kɔma ɛmɔ naen ma ɛmɔkoli, na ngyerɛmɔ koso, ɔkɔma ɛmɔ aleɛ ma ɛmɔ ko koyi; ofikyɛ AWURADE ate kyɛ ɛmɔpenepene bɛ komvi begua ye so. Na yɛ de, yɛ ole nwa? Nna yɛ yeɛ ɛmɔpenepene bɛ komvi begua yɛ so ɔ, na mmom AWURADE.”

Yohane 1:9

Nahorɛ kanea bɔ ɔta ma sona biala ne yeɛ né ɔba wiase ɔ.

Yohane 15:1

“Me ole nahorɛ bobe ne, yeɛ me Baba ole kuaniɛ ne.

Yohane 6:31

Yɛ nana mɔ belili mana wɔ ɛserɛ so, kyɛbɔ bahyerɛ ye kyɛ, ‘Ɔmane bɛ paanoo fili nyameɛso maa belili.’ ”

Yohane 6:33

Nyameɛ paanoo ne ole bɔ ofi nyameɛso ba ase, ná ɔma wiase ngoa ne.”

Yohane 6:35

Na Yesu sele bɛ kyɛ, “Me ole ngoa paanoo ne; ebiala bɔ ɔba me berɛ nen, ɛhɔen ngohũ ye le; yeɛ ebiala bɔ ode me di ne, nzuhɔen ngohũ ye le.

Yohane 6:41

Yeɛ Yudafoɛ nemɔ bɛpenepenene bɛ komvi beguale ye so, ofikyɛ ɔhane kyɛ, “Me ole paanoo bɔ ofili nyameɛso wale ase ne.”

Yohane 6:50

Ɛhe ole paanoo bɔ ofi nyameɛso ba ase ne, kyɛ sona oli bie, ná wanwu.

Yohane 6:55

Ɔnate kyɛ me nwonaen te aleɛ amba, yeɛ me mogya te anonneɛ amba.

Yohane 6:58

Ɛhe ole paanoo bɔ ofi nyameɛso wale ase ne. Bɔ ɛmɔ nana mɔ belili ná bewuwuli ne, nna sɔ yeɛ ɔte ɔ; na paanoo he de, ebiala bɔ odi ne, ɔkɔtena ngoa nu daa.”

Galatiafoɛ 4:4

Nakoso mmerɛ bɔ Nyameɛ ahyehyɛ ato berɛ ne dwuli ne, ɔsomane Ɔwa ne maa ɔwale. Brasua yeɛ ɔwole ye ɔ, na bɛwole ye bewurale mmeraa ne abo,

1 Yohane 5:20

Yɛsa yɛse kyɛ Nyameɛ Awa ne awa, na wabukye y’adwene nu maa yanwu nahorɛniɛ ne. Yɛne Ɔwa Yesu Kristo bɔ ɔte nahorɛniɛ ne atira abiɛngoɛ, na ye yeɛ ɔte nahorɛ Nyameɛ ne ɔne daa ngoa ne ɔ.