Yohane 6:31 - AHYERƐLƐ KRONGRON

³¹ Yɛ nana mɔ belili mana wɔ ɛserɛ so, kyɛbɔ bahyerɛ ye kyɛ, ‘Ɔmane bɛ paanoo fili nyameɛso maa belili.’ ”

Yohane 6:31 Iomraidhean Croise

Nehemia 9:15

Ɛmane bɛ aleɛ fili nyameɛso kyɛ bɛfa bɛho bɛ hɔen, yeɛ ɛmane bɛ nzue fili nyɔbotaen ne anu kyɛ bɛfa bɛho bɛ nzuhɔen, na ɛhã hyirele bɛ kyɛ aseɛ bɔ ɛtale ndaen kyɛ ɛkɔfa kɔma bɛ ne, bɛhɔ bɛɛfa.

Nehemia 9:20

Ɛfale wɔ Sunzum paa ne mane bɛ kyɛ ohyirehyire bɛ mmeraa ne. Na mana bɔ ɛfa maa belili ne, anyakyi bɛ ye manɛ, yeɛ nzuhɔen ku bɛ ne, ɛmane bɛ nzue maa bɛnone.

Edwein 105:40

Bebisale, na ɔfale ayenzii mɔ brɛle bɛ, na ɔmane bɛ aleɛ fili nyameɛso mane bɛ ko yili.

Ɛksadɔso 16:35

Yisraelfoɛ lili mana afoɛ aburanna, maa oodwuli kyɛ bedwuli aseɛ bɔ mmenia tete so ɔ so; na belili mana toonn kɔpem kyɛ bedwuli Kanaan aseɛ so ɔ.

Yohane 6:32

Yeɛ Yesu sele bɛ kyɛ, “Nahorɛ nu paa, mekã mekyire ɛmɔ kyɛ, nna Mose yeɛ ɔmane ɛmɔ paanoo bɔ ofi nyameɛso ne ɔ; na mmom me Baba yeɛ ɔma ɛmɔ nahorɛ paanoo bɔ ofi nyameɛso ɔ.

Yohane 6:49

Ɛmɔ nana mɔ belili mana wɔ ɛserɛ so, na bewuwuli.

Yohane 6:58

Ɛhe ole paanoo bɔ ofi nyameɛso wale ase ne. Bɔ ɛmɔ nana mɔ belili ná bewuwuli ne, nna sɔ yeɛ ɔte ɔ; na paanoo he de, ebiala bɔ odi ne, ɔkɔtena ngoa nu daa.”

1 Korintofoɛ 10:3

Bɛ mukoraa belili sunzum nu aleɛ komapɛ ne ala,

Deuteronomi 8:3

Ɔmane ɛhɔen huni wɔ fa brɛle wɔ ase, na mana bɔ né ɛnze nikye horɛ, bɔ wɔ nana mɔ koso bɛnze nikye horɛ ne, ɔmane wɔ bie maa elili. Ɔyɔle sɔ, kyɛbɔ ɔkɔmaa ekonwu ye kyɛ, nna aleɛ ngome yeɛ ɔma sona nya ngoa ɔ, na mmom AWURADE noa nu dwirɛ biala yeɛ ɔma sona nya ngoa ɔ.

Yosua 5:12

Kyẽa bɔ belili aseɛ ne aso aleɛ ne, mana ne yakyili tɔlɛ, yiti Yisraelfoɛ annya mana ko; na mmom belili Kanaan aseɛ ne aso aleɛ sɔ afoɛ ne.

Nyekyire 2:17

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye mvealeɛ nu mana ne bie maa okoli, na ngɔma ye nyɔboɛ fufue, na nyɔboɛ ne aso yeɛ bahyerɛ dumaa foforɛ bɔ ebiala nze bagua ɔ, sana sona bɔ onya ye ne angome.’