Yohane 6:14 - AHYERƐLƐ KRONGRON

¹⁴ Na mmenia ne nwuni sɛngyerɛnneɛ bɔ ɔyɔle nen, bɛhane kyɛ, “Amba, ngɔmhyɛlɛniɛ bɔ ɔ́ba wiase ne, ye ɛhe!”

Yohane 6:14 Iomraidhean Croise

Gyenesise 49:10

Ɛhɔtɔ ngofi Yuda sa nu, yeɛ ahennie pɔmaa ngofi ye gya afia, kɔpem kyɛ mmenia kotua ndɔ bɛkɔma ye ɔ, kɔpem kyɛ maen maen kɔyɛ sotie bɛkɔma ye ɔ.

Mateo 11:3

beebisale ye kyɛ, “Aso wɔ ole bɔ ɔ́ba ne, anaa odi kyɛ yɛnea foforɛ ate?”

Mateo 21:11

Na ɛlɔen ne buale kyɛ, “Ɛhe ole Yesu, ngɔmhyɛlɛniɛ ne bɔ ofi Nasarɛte bɔ ɔwɔ Galilea ne.”

Luka 24:19

Na obisale bɛ kyɛ, “Nzikyɛ dwirɛ ɔ?” Na bebuale ye kyɛ, “Ɔfa Nasarɛteniɛ Yesu bɔ ɔte ngɔmhyɛlɛniɛ bɔ ole tumi wɔ nnwumaa ne edwudwolɛ nu, wɔ Nyameɛ ne maen ne amukoraa nyunu nwo,

Luka 7:16

Na ɛserɛ tɔle bɛ mukoraa bɛ so, na bɛyele Nyameɛ ayɛ kyɛ, “Ngɔmhyɛlɛniɛ piri adwɔso wɔ yɛ nu, na Nyameɛ waanea ye maen!”

Yohane 1:21

Na bebisale ye kyɛ, “Nzaade, nwa ole wɔ? Wɔ ole Elia anaa?” Na obuale kyɛ, “Nna me ole ye.” Na besa bebisale kyɛ, “Wɔ ole ngɔmhyɛlɛniɛ ne anaa?” Na obuale kyɛ, “Daabi.”

Yohane 11:27

Na obuale ye kyɛ, “Yoo, Awurade, mede medi kyɛ wɔ ole Kristo ne, Nyameɛ Awa ne bɔ ɔ́ba wiase ne.”

Yohane 2:11

Yesu nzɛngyerɛnneɛ nemɔ anu bɔ oli moa hɔ ɛne, na ɔyɔle ye wɔ Kana bɔ ɔwɔ Galilea; na ɔyele ye animnyam hyirele, na ye asuafoɛ nemɔ lele ye lili.

Yohane 4:19

Braa ne sele ye kyɛ, “Yɛ mene, menwu ye kyɛ ɛte ngɔmhyɛlɛniɛ.

Yohane 4:25

Yeɛ braa ne sele ye kyɛ, “Mese kyɛ Mɛsaya (bɔ bɛfrɛ ye Kristo) ne ɔ́ba, na sɛ ɔba a, ye yeɛ okohyire yɛ nningyein amukoraa ɔ.”

Yohane 4:42

Na besele braa ne kyɛ, “Afei de, nna wɔ noa dwirɛ ne ati yeɛ ɔmaa yɛde yɛdi ɔ, na mmom yɛ bɔbɔ yate, na yanwu kyɛ amba, ye ole ewiase Ngoadefoɛ ne.”

Yohane 6:2

Na mmenia pembepembe lili ye si; ɔnate kyɛ né banwu nzɛngyerɛnneɛ bɔ ɔyɔ fa sale mmenia anwonyerɛ ne.

Yohane 6:26

Na Yesu buale bɛ kyɛ, “Nahorɛ nu paa, mekã mekyire ɛmɔ kyɛ, nna kyɛ nzɛngyerɛnneɛ bɔ ɛmɔnwuni ye ne ati yeɛ ɛmɔpena me ɔ, na mmom paanoo bɔ ɛmɔlili mane ɛmɔ ko yili ne ati ɔ.

Yohane 6:30

Yeɛ besele ye kyɛ, “Nzaade, nzɛngyerɛnneɛ beni yeɛ ɛkɔyɔ, bɔ yɛkonwu ye, bɔ ɔkɔmaa yɛkole wɔ yɛkoli ɔ? Nzikyɛ yeɛ ɛkɔyɔ ɔ?

Yohane 7:40

Na mmenia ne tele sɔ dwirɛ nen, bɛ nu biemɔ hane kyɛ, “Ngɔmhyɛlɛniɛ ne ɛhe amba!”

Asomafoɛ 7:37

Mose komapɛ ne ala yeɛ ɔhã hyirele Yisraelfoɛ kyɛ, ‘Nyameɛ kɔsoma ngɔmhyɛlɛniɛ bɔ ɔte ɛmɔ aliɛma ɔ maa ɔkɔwa ɛmɔ berɛ, kyɛbɔ wasoma me ne.’