Yohane 6:11 - AHYERƐLƐ KRONGRON

¹¹ Na Yesu fale paanoo ne, ɔlale ase, na ɔhyɛ mane bɛ bɔ bɛtete berɛ ne; na sɔ ala yeɛ ɔyɛle tiré ne koso ɔ, somaa biala bɔ behia ɔ.

Yohane 6:11 Iomraidhean Croise

Mateo 15:36

Afei ɔfale paanoo nzoo ne ne tiré ne, ɔlale ase, na obubuli nu, ɔfa mane ye asuafoɛ nemɔ, na asuafoɛ nemɔ koso bɛfa bɛmane ɛlɔen ne.

Luka 24:30

Na ɔwale kyɛ ɔne bɛ bɛtenane poen nwo kyɛ bedidi nen, ɔfale paanoo ne, oyirale so, na obubuli nu fa mane bɛ.

Yohane 21:10

Na Yesu sele bɛ kyɛ, “Naen bɔ ɛmɔhyele ye kekesaala ye ne, ɛ́mɔfa bie bɛbra!”

Yohane 21:13

Na Yesu ɔɔfale paanoo ne, na ɔfa mane bɛ, ɔne naen ne koso sɔ ala.

Yohane 21:9

Na bedwuli etii so berɛ nen, benwuni kyɛ bahua see bɔ naen gua so ɔ, ɔne paanoo.

Yohane 6:23

Nakoso ɛlɛen biemɔ fili Tiberia bɛwale bepingyele nekaa bɔ Awurade lale ase, ná belili paanoo ne.

Yohane 6:9

“Abɛɛmaa bie wɔ wa bɔ ole ayuo paanoo nnu ne tiré nyɔ ɔ; nakoso ɛhe de, aso ɔkɔso mmenia wora he di?”

Asomafoɛ 27:35

Na ɔhane sɔ dwirɛ nen, ɔfale paanoo, ɔlale Nyameɛ ase wɔ bɛ mukoraa bɛ nyunu berɛ, obubuli nu, na ɔhyɛle ye bo didili.

Romanfoɛ 14:6

Sona bɔ ɔdwene kyɛ kyẽa bie te paa nen, ɔyɔ sɔ fa hyɛ Awurade animnyam. Yeɛ sona bɔ odi nikyee bie nen, odi fa hyɛ Awurade animnyam, ofikyɛ ɔda Nyameɛ ase. Sɔ ala yeɛ sona bɔ onni ne koso, ɔyɔ sɔ fa hyɛ Awurade animnyam ɔ, na ɔda Nyameɛ ase.

1 Korintofoɛ 10:31

Yiti sɛ ɛmɔdidi oo, sɛ ɛmɔno oo, nikyee biala bɔ ɛmɔyɛ ne, ɛ́mɔyɔ ye mukoraa bɛfa bɛhyɛ Nyameɛ animnyam.

1 Tɛsalonikafoɛ 5:18

Ɛ́mɔfa asennaa bɛ́ma Nyameɛ wɔ nikyee biala nu, ofikyɛ ɛhe yeɛ ɔte Nyameɛ apɛdeɛ wɔ Kristo Yesu nu ma ɛmɔ ɔ.

1 Samuel 9:13

Sɛ ɛmɔdwu kuro ne aso ala a, ɛmɔkonwu ye koraka né wafo wahɔ asɔneyɛɛ so berɛ waadidi. Sɛ ɔwwale a, mmenia nnidi, ofikyɛ ye yeɛ odi kyɛ oyira afɔleɛ ne aso koraka ɔ. Na ɛhe asi ne, mmenia bɔ bato bɛ sa bafrɛ bɛ ne, bedidi. Yiti ɛ́mɔfo bɛhɔ, na ɔngɔhyɛ biala ɛmɔkonwu ye.”