Yohane 5:7 - AHYERƐLƐ KRONGRON

⁷ Na yarefoɛ ne buale kyɛ, “Me mene, nnne ebiala bɔ sɛ nzue ne ponda a, ɔfa me kɔto ɛkwaa ne anu ɔ; na sɛ mekwaatɔ nu a, né ebie ali me nyunu moa waatɔ nu.”

Yohane 5:7 Iomraidhean Croise

Edwein 142:4

Sɛ menea me sa famaa so a, menwu ye kyɛ me nwo nhia ebiala; mennya afealeɛ biala, sona biala ndwene me ngoa nwo.

Edwein 72:12

Ofikyɛ bɛ bɔ bɛyɛ anwumvo, ehiafoɛ ne bɛ bɔ belle bokafoɛ ne, besu bɛfrɛ ye a, ɔkɔpepɛ kole bɛ.

Yohane 5:2

Né ɛkwaa bie wɔ Yerusalem Mmoaen Pambim ne nwo, bɔ Hebri dwudwolɛ nu bɛfrɛ ye Betesaeda ɔ; na né apata nnu bɔ atee lela bɛ bo ɔ bɛwɔ ɛkwaa ne anwo berɛ.

Yohane 5:3

Né ayarefoɛ pee, anyesiniwaafoɛ, mbakye ne bɛ bɔ babubu bagua berɛ ɔ bɛlela apata nemɔ abo [bɛnwondɛ nzue ne maa ɔwoso.

Yohane 5:4

Né odwu mmerɛ bie a, abɔfo dwu ba ɛkwaa ne anu ɔbaponda nzue ne; na sɛ nzue ne ponda a, ebiala bɔ okoli moa kɔɔtɔ nu ne, anwonyerɛ biala bɔ ɔha ye ne, ye nwo sa.]

Yohane 5:6

Na Yesu nwuni ye kyɛ ɔla berɛ, na onwuni kyɛ wala berɛ wahyɛ nen, obisale ye kyɛ, “Ɛpena kyɛ wɔ nwo sa anaa?”

Romanfoɛ 5:6

Mmerɛ bɔ né yɛtɛ yɛ mmerɛ ne, mmerɛ bɔ wahyehyɛ wato berɛ ne anu, Kristo wu mane bɔnefoɛ.

1 Korintofoɛ 9:24

Ɛmɔnze kyɛ amirikatulɛfoɛ betu amirika a, ebiala pere kyɛ okoli ngonim ɔ, nakoso bɛ nu ko yeɛ onya ngonim abasobɔdeɛ ne ɔ? Yiti ɔsɛ kyɛ ɛmɔtu amirika ne kyɛ ɛmɔkonya abasobɔdeɛ ne ɔ.

Deuteronomi 32:36

Amba, AWURADE kobua ye mmenia be, okonwu ye ngoaa anwumvoin, mmerɛ bɔ okonwu kyɛ b’anwoserɛ ayie, bɔ ebiala nne berɛ bɔ waha, bɔ ɔte akoaa anaa dehyeɛ ɔ.