Yohane 5:6 - AHYERƐLƐ KRONGRON

⁶ Na Yesu nwuni ye kyɛ ɔla berɛ, na onwuni kyɛ wala berɛ wahyɛ nen, obisale ye kyɛ, “Ɛpena kyɛ wɔ nwo sa anaa?”

Yohane 5:6 Iomraidhean Croise

Edwein 142:3

Sɛ me kra boto a, wɔ yeɛ ɛse m’atee ɔ. Atee bɔ mefa so ne, basua me ngaen bafea wɔ so.

Yesaya 65:1

“Nyɛle kyɛ ngotie bɛ bɔ bɛmbena me boso ne, nyɛle kyɛ ngɔma bɛ bɔ bɛmbena me si atee ne bekonwu me. Na ngane kyɛ, ‘Me ɛhe, me ɛhe!’ ngyirele maen bɔ wanye me dumaa ayɛ ne.

Yeremia 13:27

Manwu w’agyaasɛkyelɛ ne, wɔ ehurolɛ nu ndeateamuɛ ne, w’animguaseɛ gyandera ne, yeɛ w’akyiwadeɛ yɔleɛ wɔ eburo mmokaa nemɔ aso ne. Ao Yerusalem, wɔ yaakɔ! Ɔkwaadwu kyinzu koraka né wɔ nwo ate.

Luka 18:41

“Nzikyɛ yeɛ ɛpena kyɛ meyɔ mema wɔ ɔ?” Na obuale kyɛ, “Awurade, mepena kyɛ menwu nikye.”

Yohane 21:17

Yesu bisale ye ye pɛen nza so kyɛ, “Simɔn, Yohane awa, aso ekuro me dwirɛ?” Na Petro wora bɔle kyɛ wabisa ye pɛen nza kyɛ, “Aso ekuro me dwirɛ?” Na obuale ye kyɛ, “Awurade, ɛse nikyee biala; ɛse kyɛ mekuro wɔ dwirɛ.” Yeɛ Yesu sele ye kyɛ, “Nea me mmoaen nemɔ so.

Yohane 5:5

Né biaa bie wɔ berɛ bɔ ye nwo ayɛ ye yea afoɛ aburasa ne mmɔtwɛ ɔ.

Yohane 5:7

Na yarefoɛ ne buale kyɛ, “Me mene, nnne ebiala bɔ sɛ nzue ne ponda a, ɔfa me kɔto ɛkwaa ne anu ɔ; na sɛ mekwaatɔ nu a, né ebie ali me nyunu moa waatɔ nu.”

Hebrifoɛ 4:13

Abɔdeɛ biala mvea wɔ Nyameɛ nyunu, ye bɔ odi kyɛ yɛbu ngondaa yɛkyire ye ne, nikyee biala mvea ye, na ye nye tua nningyein mukoraa.

Hebrifoɛ 4:15

Yɛ sɔfo panyi paa he de, ɔtte ebie bɔ ɔngora nnwu yɛ anwumvoin wɔ yɛ mmerɛyɛlɛ nu ɔ; na mmom ɔte ebie bɔ besole ye bɛneane wɔ atee biala so kyɛ yɛ ala, nakoso wanyɔ bɔne ɔ.