Yohane 5:45 - AHYERƐLƐ KRONGRON

⁴⁵ Nnɛma ɛmɔdwene kyɛ me yeɛ ngɔbɔ ɛmɔ kwaadu wɔ me Baba ne nyunu ɔ; bɔ ɔbɔ ɛmɔ kwaadu ne wɔ berɛ, na ye ole Mose bɔ ɛmɔafa ɛmɔ nye bato ye so ne.

Yohane 5:45 Iomraidhean Croise

Luka 16:29

“Nakoso Abraham buale ye kyɛ, ‘Bele Mose ne ngɔmhyɛlɛfoɛ nemɔ wɔ dɔ; odi kyɛ betie bɛ!’

Yohane 12:48

Sona bɔ ɔpo me ná onne me dwirɛ ndo nu ne, ole bɔ obua ye ndɛen ɔ; na me noa dwirɛ ne ala yeɛ okobua ye ndɛen wɔ ayieleɛ kyẽa ne ɔ.

Yohane 7:19

Aso Mose amva mmeraa ne wamma ɛmɔ? Nakoso ɛmɔ nu biala nni mmeraa ne aso. Nzu ati yeɛ ɛmɔpena me beku me ɔ?”

Yohane 8:9

Na bɛtele sɔ dwirɛ nen, bɛ bɔbɔ bɛ tiboa buale bɛ fɔ; yiti befili berɛ bɛhɔle ngoko ngoko, ofi mbanyi nemɔ so maa oodwuli ngwadaa so. Na ɔhale Yesu ngome berɛ, ɔne braa ne bɔ ogyi ye nyunu berɛ ne.

Romanfoɛ 2:12

Amaenmaensofoɛ bɔ bɛnze Mose mmeraa ne, sɛ bɛyɔ bɔne a, nna Mose mmeraa so yeɛ bekogyina bekobua bɛ ndɛen maa bekomini ɔ. Nakoso Yudafoɛ bɔ bɛ de bɛse Mose mmeraa nen, sɛ bɛyɔ bɔne a, Mose mmeraa ne aso yeɛ bekogyina bekobua bɛ ndɛen ɔ.

Galatiafoɛ 3:10

Na ebiala bɔ mmeraa ne aso lilɛ so yeɛ ɔfa ye nwo to ne, ye yaakɔ! Ofikyɛ bahyerɛ kyɛ, “Ebiala bɔ onni nikyee biala so kyɛbɔ bahyerɛ ye wɔ mmeraa nwomaa ne anu, ná ɔnyɔ ne, ye yaakɔ!.”