Yohane 5:44 - AHYERƐLƐ KRONGRON

⁴⁴ Ɔkɔyɛ sɛ né ɛmɔale bali, ɛmɔ bɔ ɛmɔhyehyɛ ɛmɔ nwo ɛmɔ nwo animnyam, bɔ ɛmɔmbena animnyam bɔ ofi Nyameɛ komapɛ ne berɛ ɔ?

Yohane 5:44 Iomraidhean Croise

2 Aberɛso Dwirɛ 6:8

Nakoso AWURADE sele me baba Dawide kyɛ, ‘Ayɛ nikyee kyɛ adwene ye nwo kyɛ ekosi sua kɔfa me dumaa kɔto so ɔ.

Yeremia 13:23

Aso Yitiopianiɛ kɔhora kɔsesã ye wereɛ, anaa aboa kɔhora kɔsesã ye nwo kyerekyerɛɛ ne? Ahaa ye de, ɛmɔ bɔ bɔne ali ɛmɔ ti ne, ɛmɔ koso ɛmɔkɔhora bɛkɔyɔ bɔ ɔte paa ɔ.

Mateo 23:5

Bɔ bɛyɔ amukoraa te bɔ mmenia konwu bɛ ɔ; ofikyɛ bɛyɛ bɛ ngayeɛ nwomaa ne tɛtrɛtɛɛ, yeɛ bɛyɛ bɛ ndaadeɛ noa bɔ banwo ne ndendenn.

Luka 19:17

Yeɛ osele ye kyɛ, ‘Mmo, akoaa paa! Ɔnate kyɛ ali kãa bie nwo nahorɛ ne ati, nea nguro buru so.’

Yohane 12:43

ofikyɛ né bekuro mmenia nyunu animnyam bɛtra Nyameɛ nyunu animnyam.

Yohane 17:3

Na daa ngoa ne ɛhe: kyɛ bekonwu wɔ, nahorɛ Nyameɛ komapɛ ne, ɔne bɔ asoma ye ne, Yesu Kristo ne.

Yohane 3:20

Ɔnate kyɛ, ebiala bɔ ɔyɔ bɔne ne, okyi kanea ne, na ɔmma kanea ne nwo, kyɛbɔ ɔkɔyɛ bɔ ye yɔleɛ ngɔla ali ɔ.

Yohane 5:41

“Membena animnyam memvi mmenia berɛ,

Yohane 8:43

Nzu ati yeɛ ɛmɔnde me dwirɛ bo ɔ? Ɔnate kyɛ ɛmɔngora bendie me dwirɛ.

Romanfoɛ 2:10

Na Nyameɛ kɔma bɛ bɔ bɛyɔ paa mukoraa animnyam, anidie ne asomdwee. Yudafoɛ yeɛ beli moa ɔ, yeɛ Helafoɛ toa berɛ ɔ.

Romanfoɛ 2:29

Na mmom Yudaniɛ kaenn ole sona bɔ ɔte Yudaniɛ wɔ ahone nu ɔ; ɔte sunzum nu nikye, na ɔtte anwoɔnaen nu nikye. Nna kuro sona, na mmom Nyameɛ yeɛ ɔye sɔ sona ne ayɛ ɔ.

Romanfoɛ 2:7

Bɛ bɔ bemia bɛ nye bɛyɔ paa, na bɛpena animnyam, anidie ne daa ngoa nen, bɛ yeɛ Nyameɛ kɔma bɛ daa ngoa ɔ.

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.

2 Korintofoɛ 10:18

Ofikyɛ nna sona bɔ ɔkamvo ye nwo ne yeɛ ɔsɔ Awurade nye ɔ, na mmom bɔ Awurade kamvo ye ne yeɛ ɔsɔ ye nye ɔ.

Filipifoɛ 2:3

Nnɛma ɛmɔfa pɛsɛmangomenya anaa nduhoɛ bɛyɔ nikyee biala, na mmom ɔsɛ kyɛ ɛmɔfa anwobrɛaseɛ adwene bebu ɛmɔ mmango mɔ bɛtra ɛmɔ bɔbɔ ɛmɔ nwo.

1 Tɛsalonikafoɛ 2:6

Yanyɛ kyɛ yɛpena kuro sona nyunu animnyam, kyɛ ofi ɛmɔ berɛ oo, anaakyɛ ebiemɔ berɛ oo. Ahaa yɛkɔhora yɛkɔhyɛ kyɛ ɛmɔyɔ sɔ bɛma yɛ, ofikyɛ yɛte Kristo asomafoɛ.

1 Timoteo 1:17

Afei, anidie ne animnyam hã daa daa Hene ne, bɔ ɔte ase daa, bɔ anyeɛ nnwu ye, Nyameɛ komapɛ twe ne, afebɔɔ! Amen.

Hebrifoɛ 3:12

Aliɛmaa mɔ, ɛmɔnea yé na ɛmɔ nu biala annya adwene tɛɛ bɔ ɔmma onne nni ɔ, na wandwe ye nwo wamvi Nyameɛ teasefoɛ ne nwo.

Yakobo 2:1

Aliɛmaa mɔ bɔ ɛmɔtira y’Awurade Yesu Kristo bɔ ɔte animnyam Hene ne gyidie nu ɔ, nnɛma ɛmɔfa nyeyemuɛ bɛbata ye nwo.

1 Petro 1:7

amaa ɔnate so ɛmɔ gyidie ne—bɔ ye nyɔboɛ yɛ se tra sikaa kɔkorɛ, bɔ ɔwɔ nu kyɛ beso bɛnea wɔ see nu po, nakoso ɔsɛkye ne—wakakyi ayɛyelɛ, anidie ne animnyam wɔ Yesu Kristo nwo aliyelɛ ne anu.

Yuda 1:25

Nyameɛ komapɛ bɔ ɔnate y’Awurade Yesu Kristo so ɔte yɛ Ngoadefoɛ ne, animnyam, ahennie, anwoserɛ ne tumi ɔyɛ ye deɛ daa, kekesaala ne afebɔɔ. Amen.

1 Samuel 15:30

Na Sɔɔlo buale ye kyɛ, “Mayɔ bɔne de, nakoso mesrɛ wɔ ala, nnɛgua me nyunu ase wɔ me maen mbanyi ne Yisrael nyunu. Ɛne me sa hɔ ma ngɔnzɔne AWURADE wɔ Nyameɛ.”

1 Samuel 2:30

Yiti AWURADE Yisrael Nyameɛ nwa nyoo, ‘Nhyɛle bɔ kyɛ w’abusua ne wɔ nana abusua bekoli sɔfo bɛkɔso me daa.’ Nakoso kekesaala ye de, AWURADE nwa: ‘Mengɔma sɔ dwirɛ ne ngɔyɛ adwuma! Ofikyɛ bɛ bɔ bedi me ni ne, me koso ngoli bɛ ni, yeɛ bɛ bɔ betiatia me nyunu ne, me koso mengɔfa bɛ ngɔyɛ huu.