Yohane 5:4 - AHYERƐLƐ KRONGRON

⁴ Né odwu mmerɛ bie a, abɔfo dwu ba ɛkwaa ne anu ɔbaponda nzue ne; na sɛ nzue ne ponda a, ebiala bɔ okoli moa kɔɔtɔ nu ne, anwonyerɛ biala bɔ ɔha ye ne, ye nwo sa.]

Yohane 5:4 Iomraidhean Croise

2 Ahemvo 5:10

Yeɛ Elisa somane sona maa ɔɔhã hyirele ye kyɛ, “Kɔ na kobia asue Yɔɔdan nu pɛen nzoo, na wɔ nwonaen kosa kɔyɛ kyɛ ye daa ne ala, na wɔ nwo kɔte.”

Edwein 119:60

Mema me nwo yɛ nyera, na menyɛ ngyɛkyerɛ kyɛ ngoli wɔ mmeraa dwirɛ so ɔ.

Anyandera 6:4

Nnɛma nnaa ba wɔ nye so, yeɛ nnɛtɔ ngosie.

Anyandera 8:17

Bɛ bɔ bekuro me dwirɛ ne, mekuro bɛ dwirɛ, na bɛ bɔ bɛ nye boro bɛpena me ne, benwu me.

Nworɛ Dwirɛhanɛniɛ 9:10

Adwuma biala bɔ wɔ sa kɔsɔ nu kyɛ ɛyɔ ne, fa w’anwoserɛ yɔ, ofikyɛ ɛborɔ dɔ bɔ ɛbaahɔ ne, adwuma anaa adwene anaa nimdeɛ anaa nworɛ nne dɔ.

Hesekiel 47:8

Na osele me kyɛ, “Asue he, ɔtengyɛ kɔ eyia afiteleɛ bue nu dɔ okogua Araba ne anu, na ɔtengyɛ kogua ɛpo nu a, ɔsa nzue ne anwonyerɛ.

Hosea 13:13

Yealɛ bɔ brasua fo aworɛ so a onwu ye ne, ebie kɔto ye, nakoso ɔte baa bienzua bɔ ɔnze nworɛ ɔ; ofikyɛ odwu mmerɛ bɔ odi kyɛ bɛwo ye a, ɔmva ye ti ndua awodeɛ ne anoa.

Sakaria 13:1

“Sɔ kyẽa ne, bekobukye mbombonzue bɛkɔma Dawide awuro ama ne Yerusalemfoɛ bɛkɔfa bɛkɔte bɛ nwo bekofi bɔne ne efiɛ nwo.

Sakaria 14:8

Sɔ kyẽa ne, ngoa nzue kɔtengyɛ kofi Yerusalem; ye bue kɔhɔ eyia afiteleɛ ɛpo ne anu, yeɛ ye bue kɔhɔ eyia atɔleɛ ɛpo ne anu; na ɔkɔtengyɛ ahuhuro ne prakasua mmerɛ.

Mateo 11:12

Na ofi Asubɔlɛniɛ Yohane aberɛ so bɔ ɔbaadwu ɛnɛ ye, nyameɛso ahennie ne ɔ́ba anyeborolɛ so; na bɛ bɔ bɛ nye aboro ne bɛfa ye anyeborolɛ so.

Mateo 6:33

Na ɛ́mɔli moa bɛ́pena Nyameɛ ahennie ne ye tenenee ne mmom, na ɔkɔfa ɛhemɔ amukoraa ɔkɔboka so kɔma ɛmɔ.

Luka 13:24

“Ɛ́mɔpere béwura anoa bɔtɔfee ne anu! Na mekã mekyire ɛmɔ kyɛ, mmenia pee bɛkɔpena kyɛ bekowura nu ɔ, na bɛngɔhora.

Luka 16:16

“Mmeraa ne ne ngɔmhyɛlɛfoɛ nemɔ bɛpem Yohane so; na ofi sɔ mmerɛ ne, bɛ́ka Nyameɛ ahennie ne nwo nzɛmba ne, na ebiala pere kɔ nu.

Yohane 5:3

Né ayarefoɛ pee, anyesiniwaafoɛ, mbakye ne bɛ bɔ babubu bagua berɛ ɔ bɛlela apata nemɔ abo [bɛnwondɛ nzue ne maa ɔwoso.

Yohane 5:5

Né biaa bie wɔ berɛ bɔ ye nwo ayɛ ye yea afoɛ aburasa ne mmɔtwɛ ɔ.

Yohane 5:7

Na yarefoɛ ne buale kyɛ, “Me mene, nnne ebiala bɔ sɛ nzue ne ponda a, ɔfa me kɔto ɛkwaa ne anu ɔ; na sɛ mekwaatɔ nu a, né ebie ali me nyunu moa waatɔ nu.”

1 Korintofoɛ 6:11

Na sɔ yeɛ né ɛmɔ nu biemɔ bɛte ɔ, nakoso ɔnate Awurade Yesu Kristo dumaa ne yɛ Nyameɛ Sunzum ne ati, Nyameɛ abia ɛmɔ, wate ɛmɔ nwo, na wabua ɛmɔ be.

1 Yohane 1:7

Nakoso sɛ yɛnate kanea nu, kyɛbɔ ye koso ɔwɔ kanea nu ne a, né yɛ ne yɛ nwo yɛ nwo yatira abiɛngoɛ, na Ɔwa Yesu Kristo mogya ne te yɛ nwo fi bɔne mukoraa nu.