Yohane 5:38 - AHYERƐLƐ KRONGRON

³⁸ yeɛ ɛmɔmma ye dwirɛ ne ndena ɛmɔ nu, ofikyɛ bɔ ɔsomane ye ne, ɛmɔnne ye benni.

Yohane 5:38 Iomraidhean Croise

Edwein 119:11

Mafa wɔ dwirɛ ne masie me ti anu, amaa ɔnate so manyɔ bɔne mandia wɔ.

Yesaya 26:10

Sɛ enwu amumuyɛɛniɛ anwumvoin a, amumuyɛɛniɛ ne nzua kyɛ ɔkɔbɔ bra bɔ ɔtengyɛ ɔ; na aseɛ bɔ pɛpɛɛpɛyɛlɛ wɔ so ne, sɔ sona ne de, amumuyɛɛ yeɛ ɔyɔ ɔ, na onnwu kyɛbɔ AWURADE osi te piri ɔ.

Yesaya 49:7

AWURADE, Yisrael Defoɛ ne ye Krongronniɛ ne, ɔkã kyire bɔ bebu ye kra animtia, bɔ maen maen mɔ bekyi ye, bɔ ɔte maen mbanyi atianuserɛfoɛ bɛ somvoɛ ne kyɛ, “Ahemvo mɔ konwu ye bekodwɔso, atitirefoɛ koso, na bɛkɔfa bɛ nyunu bekobutu berɛ, ɔnate nahorɛniɛ AWURADE, Yisrael Krongronniɛ bɔ waneanea nu waye wɔ ne ati.”

Yohane 1:11

Ɔwale ye bɔbɔ ye deɛ nu, nakoso ye bɔbɔ ye mmenia banne ye bando nu.

Yohane 15:7

Sɛ ɛmɔtena me nu, ná me dwirɛ tena ɛmɔ nu a, ɛmɔkobisa bɔ ɛmɔkuro biala, na ɔkɔyɛ berɛ kɔma ɛmɔ.

Yohane 8:37

Mese kyɛ ɛmɔte Abraham bosofoɛ, nakoso ɛmɔpena me beku me, ofikyɛ me dwirɛ ne onnya nekaa ndena wɔ ɛmɔ nu.

Kolosefoɛ 3:16

Ɛ́mɔma Kristo dwirɛ ne oyi ɛmɔ nu tɛkyɛ, ɛmɔhyirehyire ná ɛ́mɔfa nworɛ mukoraa betutu ɛmɔ nwo foɛ. Ɛ́mɔto sangoo dwein, ayɛyelɛ dwein, ɔne sunzum nu dwein bɔ ɔte ahone nu asennaa bɛ́ma Nyameɛ.

Yosua 1:8

Nnɛyakyi Mmeraa nwomaa he kengalɛ le; na mmom dwene ye nwo alehyeleɛ ne alesaleɛ, amaa ɔnate so ali bɔ bahyerɛ ye nu amukoraati so nahorɛ nu. Na ɛhe yeɛ ɔkɔmaa nningyein kɔhɔ so yé kɔma wɔ, ná wayie wɔ yé ɔ.

1 Yohane 2:14

Ngya mɔ, mahyerɛ he mabrɛ ɛmɔ, ofikyɛ ɛmɔse bɔ né ɔwɔ berɛ ahyɛaseɛ ne. Mmerandeɛ mɔ koso mahyerɛ he mabrɛ ɛmɔ, ofikyɛ ɛmɔatindim, Nyameɛ dwirɛ ne te ɛmɔ nu, na ɛmɔali bɔnefoɛ ne so ngonim.