Yohane 5:37 - AHYERƐLƐ KRONGRON

³⁷ Na Baba ne bɔ ɔsomane me ne, ye bɔbɔ wali me nwo adanzeɛ. Ɛmɔttele ye komvi le, yeɛ ɛmɔnnwuni ye sue le;

Yohane 5:37 Iomraidhean Croise

Ɛksadɔso 20:19

Na besele Mose kyɛ, “Wɔ bɔbɔ dwudwo kyire yɛ, na yɛkotie. Nnɛma Nyameɛ dwudwo kyire yɛ, ná yanwuwu.”

Yesaya 26:10

Sɛ enwu amumuyɛɛniɛ anwumvoin a, amumuyɛɛniɛ ne nzua kyɛ ɔkɔbɔ bra bɔ ɔtengyɛ ɔ; na aseɛ bɔ pɛpɛɛpɛyɛlɛ wɔ so ne, sɔ sona ne de, amumuyɛɛ yeɛ ɔyɔ ɔ, na onnwu kyɛbɔ AWURADE osi te piri ɔ.

Mateo 17:5

Ogu so odwudwo ne ala, yieee, munungum hyɛnhyɛnn bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ná me nye gye ye nwo paa ne ɛhe; ɛ́mɔtie ye!”

Mateo 3:17

na yieee, edwudwolɛ bie fili nyameɛso wale kyɛ, “Mma bɔ ɔla m’ahone nwo ná me nye gye ye nwo paa ne ɛhe.”

Marko 1:11

Na komviɛ bie fili nyameɛso sele kyɛ, “Wɔ ole Mma bɔ mekuro wɔ dwirɛ bɔ ɛsɔ me nye paa ɔ.”

Luka 24:27

Na ɔhyɛle ye bo fili Mose ne ngɔmhyɛlɛfoɛ ne amukoraa so ohyirehyire Ahyerɛlɛ ne amukoraa nu dwirɛ bɔ ɔfa ye nwo ɔ nu hyirele bɛ.

Luka 3:22

na Sunzum Krongron dwu wale ye so wɔ anwoɔnaen tebea nu, kyɛ abubure, na edwudwolɛ bie fili nyameɛso hane kyɛ, “Wɔ ole Mma bɔ mekuro wɔ dwirɛ bɔ ɛsɔ me nye paa ɔ.”

Yohane 1:18

Ebiala nnwuni Nyameɛ le; sana Baa komapɛ twe ne, bɔ ɔla Baba n’ahone nwo ne, na ye yeɛ wala ye ali wahyire ɔ.

Yohane 14:9

Na Yesu buale ye kyɛ, “Filipo, me ne ɛmɔ yɛwɔ berɛ dadadada ye, aso ɛnze me? Ebiala bɔ wanwu me ne, wanwu Baba ne; na nzu ati yeɛ ɛkã kyɛ, ‘Kyire yɛ Baba ne’ ɔ?

Yohane 15:24

Sɛ manyɔ nnwumaa bɔ ebiala ɔyyɔle bie le wɔ bɛ nu a, ahaa benni bɔne nwo foɛ; na afei de, banwu ye, nakoso bapɔ me ne me Baba.

Yohane 5:32

Ebie wɔ berɛ bɔ odi me nwo adanzeɛ ɔ, na mese kyɛ adanzeɛ bɔ odi fa me nwo ne ɔte nahorɛ.

Yohane 6:27

Nnɛma ɛmɔyɔ aleɛ bɔ ɔsɛkye ɔ nwo adwuma, na mmom ɛ́mɔyɔ aleɛ bɔ ɔtena berɛ kɔ daa ngoa nu, bɔ Sona Awa ne kɔfa kɔma ɛmɔ ne nwo adwuma; ofikyɛ ye yeɛ Baba Nyameɛ wale ye wato nu wama ye tumi ɔ.”

Yohane 8:18

Medi me bɔbɔ me nwo adanzeɛ, yeɛ Baba ne bɔ ɔsomane me ne koso odi me nwo adanzeɛ.”

Deuteronomi 4:12

Afei AWURADE dwudwo hyirele ɛmɔ fili see ne anu. Ɛmɔtele edwudwolɛ de, nakoso ɛmɔannwu AWURADE, komviɛ ne ala yeɛ ɛmɔtele ɔ.

1 Timoteo 1:17

Afei, anidie ne animnyam hã daa daa Hene ne, bɔ ɔte ase daa, bɔ anyeɛ nnwu ye, Nyameɛ komapɛ twe ne, afebɔɔ! Amen.

1 Timoteo 6:16

bɔ ye ngome twe yeɛ onwu, ná ɔwɔ berɛ afebɔɔ, bɔ ɔte kanea bɔ ebie ngora mbingye ye nu, bɔ ebiala nnwuni ye le, ná ebiala ngɔhora ngonwu ye ne. Ye yeɛ anidie ne daa tumi te ye deɛ ɔ! Amen.

1 Yohane 4:12

Ebiala nye nnwuni Nyameɛ le, nakoso sɛ yɛkurokuro yɛ nwo dwirɛ a, Nyameɛ tena yɛ nu, na ye dɔ ne di mu bɔkɔɔ wɔ yɛ nu.

1 Yohane 4:20

Na sɛ ebie kã kyɛ “Mekuro Nyameɛ dwirɛ”, nakoso ɔpɔ oliɛma a, né ɔte ngondomboniɛ, ofikyɛ sɛ ebie nguro oliɛma bɔ onwu ye ne dwirɛ a, ɔkɔyɛ sɛɛ ná wahora wahuro Nyameɛ bɔ onnwu ye ne dwirɛ?

1 Yohane 5:9

Na sɛ yɛde kuro sona adanzeɛ yɛto nu a, nzaade Nyameɛ adanzeɛ deɛ ne di mu tra so. Ofikyɛ ɛhe te Nyameɛ adanzeɛ bɔ wali wafa Ɔwa ne nwo ɔ.