Yohane 5:35 - AHYERƐLƐ KRONGRON

³⁵ Ɔte kanea bɔ ógye ná ɔta ɔ, na ɛmɔhurole kyɛ ɛmɔ nye kɔhã ye kanea ne anu kãa.

Yohane 5:35 Iomraidhean Croise

2 Samuel 21:17

Nakoso Abisae bɔ oni ole Seruya ne, ɔpepɛ lele Dawide, na ɔhɔle Filistiniɛ ne so ohuni ye. Na ɛhe mane Dawide mmenia nemɔ tale ndaen tole ye so kyɛ, “Yɛkɔ koɛ bieku a, ɛngɔhɔ bie, anyɔ a ekonua Yisrael kanea ne.”

Ɛksadɔso 34:35

Yisraelfoɛ nwu kyɛ Mose nyunu ata. Na ɔyɛ a, Mose sá fa ngatanyunu ne puro ye nyunu kɔpem kyɛ ɔkɔhɔ nu ɔne AWURADE bekoodwudwo ɔ.

Hesekiel 33:31

Bɛba wɔ berɛ kyɛbɔ maen bɛkwaayia ne ala, bɛtenatena wɔ nyunu kyɛ me maen, betie wɔ noa dwirɛ, nakoso benni so; ofikyɛ bɛma bɛ noa dwirɛ yɛ fɛfɛɛfɛ kyɛ bale bato nu, nakoso b’ahone nu de, b’anwonya fiɛ yeɛ bɛpena ɔ.

Daniel 12:3

Bɛ bɔ bɛte mmadwemma ne, bɛkɔta kyɛbɔ ewienu ta ɔ; yeɛ bɛ bɔ behyirehyirele mmeni pee maa bɛfale tenenee atee so ne, bɛ wora bɛkɔta kyɛ nzramaa afebɔɔ.

Mateo 11:11

Nahorɛ nu, mekã mekyire ɛmɔ kyɛ, bɛ bɔ mmrasua awo bɛ amukoraa, bɛ nu biala oddwɔsole bɔ odi mu tra Asubɔlɛniɛ Yohane ɔ. Nakoso bɔ ɔte kãa koraa wɔ nyameɛso ahennie ne anu ne po odi mu tra ye.

Mateo 21:26

Yeɛ sɛ yɛkã kyɛ, ‘Ofi mmenia berɛ’ a, yɛsuro mmenia worawora ne, ofikyɛ bɛ mukoraa bebu Yohane kyɛ ɔte ngɔmhyɛlɛniɛ.”

Marko 1:5

Na Yudea aseɛ so ama amukoraa ne Yerusalemfoɛ bɛhɔle ye berɛ; na bɛɛhane bɛ bɔne maa ɔbɔle bɛ mukoraa asu wɔ asue Yɔɔdan nu.

Marko 6:20

ɔnate kyɛ né Herode suro Yohane, ofikyɛ onwuni kyɛ Yohane te teneneeniɛ ne krongronniɛ. Yiti ɔbɔle Yohane nwo waen. Né Yohane noa dwirɛ ma Herode ye ti anu yɛ ye basaa; nakoso né okuro kyɛ otie ye noa dwirɛ ɔ.

Luka 7:28

Na mekã mekyire ɛmɔ kyɛ, bɛ bɔ mmrasua awo bɛ amukoraa, bɛ nu biala nne berɛ bɔ odi mu tra Yohane ɔ; nakoso bɔ ɔte kãa koraa wɔ Nyameɛ ahennie ne anu ne, odi mu tra ye.”

Yohane 6:66

Na ofi sɔ mmerɛ ne, ye asuafoɛ nemɔ anu pee besale bɛ si, na bɛ ne ye annate ko.

2 Petro 1:19

Na yɛsa yɛle ngɔmhyɛlɛ dwirɛ bɔ ɔma y’adwene si pi paa tra sɔ ɔ. Na ɛhe yeɛ ohia paa kyɛ ɛmɔnea ye yé, kyɛ kanea bɔ ɔta awosii nu maa okoodwu kyɛ aleɛ kɔhye, ná ngyerɛmɔ nzramaa kɔta ɛmɔ ahone nu ɔ.