Yohane 5:34 - AHYERƐLƐ KRONGRON

³⁴ Na me de, nna sona berɛ yeɛ mede adanzeɛ mefi ɔ, na mmom mekã sɔ dwirɛ nemɔ, kyɛbɔ ɔkɔyɛ bɔ ɛmɔkonya ngoa ɔ.

Yohane 5:34 Iomraidhean Croise

Luka 13:34

“O, Yerusalem, Yerusalem, wɔ bɔ eku ngɔmhyɛlɛfoɛ ná ɛboro bɛ bɔ basoma bɛ wɔ berɛ nyɔboɛ ɔ! Mmerɛ nyɛɛ ɛhe yeɛ mbenane kyɛ ahaa meboaboa wɔ mma noa, kyɛbɔ akɔtaen boaboa ye mma noa wura ye ndaa bo ɔ, nakoso ɛmɔambene so!

Luka 19:10

Na Sona Awa ne wale kyɛ ɔbaapena ná ode bɛ bɔ bamini ɔ.”

Luka 24:47

ná bafa ye dumaa so babɔ adwenesakyera ne bɔnefakyɛ nwo dawure wɔ maen maen amukoraa nu, na bɛkɔhyɛ ye bo wɔ Yerusalem.’

Yohane 20:31

Nakoso ɛhemɔ yeɛ bahyerɛ ɔ, kyɛbɔ ɛmɔkole bekoli kyɛ Yesu ole Kristo ne, Nyameɛ Awa ne, na ɛmɔde bedi a, ɛmɔanya ngoa wɔ ye dumaa nu.

Yohane 5:32

Ebie wɔ berɛ bɔ odi me nwo adanzeɛ ɔ, na mese kyɛ adanzeɛ bɔ odi fa me nwo ne ɔte nahorɛ.

Yohane 5:41

“Membena animnyam memvi mmenia berɛ,

Yohane 8:54

Na Yesu buale kyɛ, “Sɛ mehyɛ me nwo animnyam a, m’animnyam ne ɔtte huu. Me Baba bɔ ɛmɔnwa ɔte ɛmɔ Nyameɛ nen, ye yeɛ ɔhyɛ me animnyam ɔ.

Romanfoɛ 10:1

Nniɛma mɔ, m’ahone nu dwirɛ ne me mbaeɛ bɔ mebɔ mekyire Nyameɛ mema Yisrael ole kyɛ bekonya daa ngoa ɔ.

Romanfoɛ 10:21

Na ɔfa Yisrael nwo de, ɔhane kyɛ, “Alehyeleɛ biala, matrɛ me sa nu kyɛ ngole asoserɛfoɛ mmenia bɔ bayɛ me so lɔen ɔ.”

Romanfoɛ 12:21

Nnɛma bɔne di wɔ so ngonim, na mmom fa paa di bɔne so ngonim.

Romanfoɛ 3:3

Na sɛ bɛ nu biemɔ banni nahorɛ de ɛ? Aso ɛhe kyire kyɛ Nyameɛ koso nni nahorɛ anaa?

1 Korintofoɛ 9:22

Nyɛle me nwo kyɛ meyɛ mmerɛ wɔ gyidie nu mane bɛ bɔ bɛyɛ mmerɛ wɔ gyidie nu ne, amaa me sa ahã bɛ bɔ bɛyɛ mmerɛ wɔ gyidie nu ne. Mayɛ mmenia mukoraa bɛ sona, kyɛbɔ ɔkɔyɛ ná atee biala aso, mama bɛ nu biemɔ banya daa ngoa ɔ.

1 Timoteo 4:16

Nea wɔ nwo yé ɔne wɔ ngyerɛkyerɛ nwo yé, kɔ so tira nu; ofikyɛ sɛ ɛyɔ sɔ a, ekole wɔ nwo ne w’atiefoɛ ngoa.

1 Yohane 5:9

Na sɛ yɛde kuro sona adanzeɛ yɛto nu a, nzaade Nyameɛ adanzeɛ deɛ ne di mu tra so. Ofikyɛ ɛhe te Nyameɛ adanzeɛ bɔ wali wafa Ɔwa ne nwo ɔ.